Genesis 1:26 - Ohiatonhseratokénti

²⁶ Eʼthó꞉ne ó꞉nen ne Rawenni꞉io wahén꞉ron, “Ánion, rón꞉kwe etshitewaiatón꞉ni tsi nitewatkahthohtsherò꞉ten ó꞉ni kwáh tsi nitewaiatò꞉ten: tánon ánion raónha tehshakonariotáhrhok ne kentsonʼshón꞉ʼa ne kaniatarakehkowáhne, ó꞉ni tsi nonkwá ne otsitenʼokón꞉ʼa ne tsi karonhiá꞉te kontitses, ó꞉ni ne ienáhskwaiens, ó꞉ni kwáh ohontsakwé꞉kon, tánon kwáh tsi niaʼtekón꞉ti ne konté꞉seres ne tsi ionhwentsá꞉te.”

Genesis 1:26 Referans Kwoze

Colossians 3:10

tánon ó꞉nen oweién꞉nase tsi nisehseweiennó꞉tens. Ne kí꞉ken ne á꞉se tiotasawáhkwen tsi nokwáh ne Rawenni꞉io, ne Rohsahánion, kwáh tiokontákwen á꞉se srónnis kwáh tsi ní꞉ioht ne raónha, ehnahontáwe kwáh iakaié꞉rike tsi ahtsheriwaienteráh꞉ne.

Ephesians 4:24

Tánon ónenk tsi kwáh á꞉se ensesáton, neh tsi thoʼní꞉ioht tsi tkáson kwáh Rawenni꞉io teskaieróntare ó꞉ni ahónha wenéstha ne kwáh oriwíhio íken natónnhets ne tsi tkariwaiéri ó꞉ni iothokénti.

Genesis 3:22

Eʼtho꞉ne ne Roiá꞉ner Rawenni꞉io wahén꞉ron, “Ó꞉nen kí꞉ken rón꞉kwe tho nihahiató꞉ten tsi ní꞉ioht nonkwáʼtiake enohterién꞉tane nahó꞉ten ne ioiánere ó꞉ni ne karihwáksen. Tanon ó꞉nen nontié꞉renk iaʼtenhanèntshetste ne iahahianiiontáko tsi kéhrhite ne tiakó꞉wis ne ionhnheʼón꞉we, tanon ahá꞉iake, tánon tsi nén꞉we enhronhnhekeʼón꞉we.”

Genesis 5:1

Ne kí꞉ken ne ratihsennaʼrónnion tsi wahahwatsiratátie ne Á꞉ton. Nó꞉nen ne Rawenni꞉io sahshakoiaʼtón꞉ni nonkweʼshón꞉ʼa, kwáh thó ní꞉ioht tsi shakoiaʼtíson tsi níhát꞉katotseró꞉ten ne raónha.

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

Isaiah 64:8

Nek kík sá꞉ka, Ó Saiá꞉ner, í꞉se né onkwaní꞉sera í꞉ken; í꞉i nonawasthaʼkarí꞉io nahakwahiatóten, tánon í꞉se né takwatʼtietónhni; iakwahkwé꞉kon í꞉se shaʼtsanàke hionhkwahiaʼtíson.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

Ne꞉ne Sák Rohiaton 3:9

Ne tewástha ne tatsitewanonwehráton ne Sonkwaiáner ó꞉ni ne Kanísera tánon ó꞉ni naietʼthikenrenserónni nakorénson, tsi nikáien né꞉ne tetʼthonwanathenenténston ne Rawenni꞉io tsi ronwathihiathíson.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

1 Corinthians 11:7

Ne rónkwe iáh tatehotonwenhtióni nahatenontsistóroke, tsoríwah tsi renéstha tsi nateskaieróntare ne Rawenni꞉io tánon ne raoiatanerahkwáhtshera. Nok ne tiotonwísen ne wenéstha ne rónkwe rahorensaróntshera;

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

Ecclesiastes 7:29

Tók kí꞉ken níkonh wakeweientheʼtáhon: Ne Rawenni꞉io tsi sonkwahiatíson kwáh íken tsi iáh tewateriwenhtó꞉re tánon wateriwatsésen, ók wetewahthathónhnien ne kwáh ahonteriwenhtó꞉rehke.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

1 Sawátis 5:7

Áhsen niháti rathiriwanírats:

Ne꞉ne Sák Rohiaton 3:7

Kí tsiónkwe hionkwakwénion ne kwá tsít niatekariótake naietʼthirihónnien—konthírios ó꞉ni notsiténhas, óniares ó꞉ni ne kéntsionk.

Isaiah 6:8

Ethó꞉ne wahiwénhnaronhke ne Roiá꞉ner ratónhnions, “Onhka ónhte iaʼkhehiathéniete, tánon ónhka ne kwáh thóh iáienh nonhkwarihwàke?” Tánon wakíron, “Kénʼen í꞉kes; í꞉i iatakaténiet!”

Psalms 149:2

Ánion Israerʼró꞉nons ronatʼtsenhnonhníhak rahonháke ne sakohiatíson; ánion nakohiohokónhas ne Zion ronatonnárat rahonháke ne sakononhtí꞉io í꞉ken.

Genesis 11:7

Káts, Ánion ietewátsnent, tánon tetewaniʼtónniaʼt ne raonaronhkhátsheras ne nón꞉we, ne ne tóhsa taonsahotiʼnikonhraién꞉taʼne tsi nihonronhkhaʼtsheró꞉ten.”

Jeremiah 27:6

Í꞉i ne khetéhron kíʼ nonhkweshón꞉a thóh raoʼshastsʼtenserákon nakenhátshera, Ronnonhtiio Nebuchadnezzar ne ne Babylonia nónhwe, iekaníhare khehionniénni ne kontírhios ahonwahhiótenseh.

Job Tánon ne Raoronhiakensera 35:10

Ók iáh ónhka tehiónton, ‘Káh ne Rawenni꞉io ne ratiaʼtí꞉shon, raónha tatká꞉was ne karenhnaʼshón꞉as ne tsi niwashónhtes,

John 5:17

Nok tanon ne Iesos tontasakoȣennaȣeron, ȣahenron: Iah tehatorishenhe ne Rakeniha tsi roiotatie, eh kati oni nii niiot ȣakiotatie ki.

Acts 17:20

Tsi nahoténsons sathónʼnions iáh nonwénton théʼtsionkwarónken, tánon káti tehionkwaʼthonwentióni nahionkwathókense nahóten kéntons.” (

Job Tánon ne Raoronhiakensera 5:23

Ní꞉se kwáh entsatsianerenhserón꞉ni noneniaʼshón꞉as ne kahentá꞉kes; tánon ne kontí꞉rios kwáh iáh thataiesaʼnikónhraren.

Genesis 2:19

Sók kiʼ ne Roiá꞉ner Rawenni꞉io wahshakoiatonniánion noʼkenhrà꞉ke nonhtáwe ne niaʼtehá꞉ti karioʼshón꞉ʼa ó꞉ni notsiʼtenʼokón꞉ʼa. Sók tsi í꞉tres ne rón꞉kwe niahshakoiaténhawe oh sí꞉ken nahò꞉ten enhshakoná꞉tonkweʼ; eʼthó kiʼ nitiawé꞉non tsi nahoʼténshon konwatiiátshonʼs.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Job Tánon ne Raoronhiakensera 39:11

Kwáh ken ne atieniáhese tiorì꞉wa tsi nihashátste? Tánon kwáh raónha atsiénhase ne sahiothénhseras?

Song of Songs 1:11

Kwáh ne enkenón꞉nien ne serasestákwas owistanóron nahó꞉ten akénhake, eniotsistón꞉nionke kawistará꞉kens.