Genesis 1:14 - Ohiatonhseratokénti

¹⁴ Tánon Rawenni꞉io wahén꞉ron, “Teioswátheʼk ne tsi iotenonhwaró꞉ron tsi karonhià꞉te ne taiakokháhsi nehní꞉sera tánon nokarahsnéha: tánon weʼnéhak ne tsi niwatkwenrá꞉rons tánon tsi wentaténion ó꞉ni iohsheraténion,

Genesis 1:14 Referans Kwoze

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Jeremiah 31:35

Ne Roiá꞉ner tatkáwas ne karáhkwah tahkaswátʼtheʼte tsi niwenhnísehres, nasontʼthennéka karáhkwah tánon ne tsi iotsistokwahrónnions ne nènhne tahkeniswátʼtheʼte nasontʼthénne. Tehanonhwafʼfátha ne kaniatarahkheʼkówah tánon rónnis nahionronkhatónhake; ne raoʼsénna ne ne Roiá꞉ner Roshastsʼtenserowáhnen.

Psalms 148:3

Tehonwanonweráton, ne kará꞉kwah tánon nasonthenhnékha karákwah; tetsisewanonweráton, sewakwékon ne tesewatsistokwátʼtes!

Psalms 148:6

Tsi nón꞉we nasakó꞉natʼtaseronhnien né꞉ne tsi nén꞉we enkenhake; washakokwahtákwahse tsi nahiotinát꞉taske, né꞉ne iáh thahónton niakontóhetste.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Joel 3:15

Nentieʼkhené꞉kha karáhkwa ó꞉ni nahsonthenhné꞉kha tahioká꞉rahwe, tánon ne tsi iotsistohkwarón꞉nions iáh ó꞉nenh tahtetsoswatʼte.

Jeremiah 10:2

Ráton, “Tó꞉sa ietsiweienhnáser nakorénshon; tó꞉sa tesehwathatenikonráhren ne sontekʼthíʼio ahisehwatʼkhátho ne tsi karonhiáte, ethohʼsáne nakorénshon tsi iakoteronienténni.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Genesis 8:22

Kwáh tsi nikarí꞉wes enionhwentsá꞉teke, ne tsi nienhskahé꞉sheke naieienthóhseron ó꞉ni naieientwá꞉ko, aiothó꞉reke ó꞉ni naioʼtarihénhake, akenhnhá꞉ke tánon akohserà꞉ke, tsi niwenhnísereʼs ó꞉ni tsi niwahsón꞉teʼs, kwáh iáh thaʼtaká꞉taʼne.”

Isaiah 40:26

Satarakétsko éhʼneken niaʼsatiérat tánon satkátho: Ónhka kí꞉ken rosahánion? Rahón꞉ha enthaʼiákenhwe notsistokwahsónhas tánon thensakohiatónhnion, ienshakonatónhnion ratiʼkwé꞉kon tsi niotisenhnoténshons; tsioríhwa tsi nateiotenonianíton roshatstenhserowánen í꞉ken, roshatstenhserowanenhkówa, iáh nénska tehiotón꞉on.

Matthew 24:29

Akȣa neok enȣatenniserohestste neh niȣenniserotens, onȣaterakȣaton, iah oni tataonsnkasȣathete nasonrekha, entkaniserenne ne karonhiake tiotsistokȣaronnion nok tenhiotihentonȣe nahosastensera tsi Tkaronhiate.

Amos 8:9

Ne thóh entewenhniserá꞉teke, rá꞉ton ne Roiá꞉ner Rawenni꞉io, kwáh enhkhónnien nahonterahkwásehte ne éntie nenhkárahke, tánon ne tsi ionhontsá꞉te entiokaráhwe ne tsi niwenhní꞉sehres.

Joel 2:10

Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Jeremiah 33:20

“Watianerensehríson tsi nòkwah nenhtsiékheʼne ó꞉ni nokarasnéha, tsi kwáh tiókonhte eh nenhiawénhsehke tsi nihioterihwíson; tánon nètho wahkerihwíson tsi kwáh iáh nonhwénhton thaʼtahonsahkaiákon.

Revelation 6:12

Nó꞉nen sathanhetsáke ne iaiá꞉khaton, Watkaʼkathónhnionwe, tánon kwáh í꞉ken tsi watewatenonhianí꞉te watsiahontsí꞉shonkwe, ne karáhkwa kwáh kahón꞉tsi nahá꞉wenhne tsi nontaioká꞉rawe, ne iekarakwahié꞉ri nasontenhné꞉kha thóh nonshokoténhne tsi ní꞉iót nonekwénhsa,

Matthew 2:2

Rontonne: kahnonȣe nihonakeraton ne Sitaeronon Ronȣanontiio ȣatonsere? Tionkȣatkathon ne rahotsistok tsi tkarakȣinekens; nese ȣaonni taiakȣe nasakȣaȣenniioste.

Ezekiel 46:1

Ne Ronhnontí꞉io Roiá꞉ner ráton, “Né tsitkarakwínekens nokwáhti iotenhenrahkáronhthe né꞉ne atenhénrakon niehiawénon ónenk tsi enkanhótonke né꞉ne iá-iak niwenhniseráke ne rathináhtsera rahonehnísehras, ók kíʼ tenkanonhontiónhake nawenhthatokentíke tánon tsi nihiontennikonhró꞉ris ne oráhkwase.

Jeremiah 33:25

Ók í꞉ih, ne Watiá꞉ner, íkhaʼwe ne wahkerihwíson nenhtiekhenéhka ó꞉ni nahsontenhnékha, tánon wahtianerensehríson né tioniarótharon nonwénhtsia ó꞉ni ne tsi karonhiáte.

Job Tánon ne Raoronhiakensera 25:5

Iekaní꞉hare nasonʼthenhné꞉kha karáhkwa iáh thataioswáteke tánon notsistokwaʼshón꞉as ne iáh tahiotkwenienstónhake ne raohénton,

Genesis 9:13

Thóh nón꞉we niwátien nakaʼén꞉na ne tsi iotshatarónnion, tánon ne enkaieronnitstáhkwen naterihwahseronniáhtshera tsi naʼteiatiátere ne tsi ionhwentsá꞉te.

Revelation 8:12

Ne kaierí꞉haton raronhiakeró꞉non wahahonrá꞉wate, tánon énskat náhsen-énkar ne karáhkwa watsiahón꞉ko, tánon énskat náhsen énkar notsistohkwashón꞉as, káti né꞉tho énskat náhsen énkar naoswathétshera taioká꞉rawe; énskat náhsen-énkar nentsekéne iáh thatetsowatsté꞉on, tánon ó꞉ni thóh nahá꞉wenhne noʼkarasné꞉ha.

Luke 23:45

Onterakȣaton, Ononsatokentike oni iohniatarentonhakȣe asennon ȣateȣatoren.

St. Mark 13:24

Nonen enȣatennisorohestste, enȣaterakȣaton, oni nasonrekha.

Ezekiel 46:6

Né oráhkwase tsi nihiontenikonhró꞉ris ienhókatwe nitsionaskwahiónha tsionónhskwaron rátsinn, iá-iak niháti teiotinakaronhtónha owirasónha, tánon saiáta rátsinn, ratikwékon ne iáh othènenh tehothiʼiátawens.

Psalms 119:91

Orihwahkwékon tsi nishasahánion ne tsi ionhwenhtsáte kakèron nónh꞉wa wenhniseráte ne ionihonhníhon tsi nisathenhnáhon, tsioríhwa tsi ratikwékon í꞉se iesahióthenhse.

Job Tánon ne Raoronhiakensera 25:3

Tsi niwé꞉so rahonkwè꞉taien ne ronterí꞉ios iáh ónhka taiekwé꞉ni nahonwanashé꞉te? Iáh ohkanéka tewatená꞉taien ne raoswathétshera ne iáh tsiatakaswaʼthéte?

Job Tánon ne Raoronhiakensera 3:9

Sathóntat ne tsi iotsistohkwarónh꞉nion ne tahiorenhenhátie nahontahiò꞉karawe; shathóntat nahonskà꞉neke kaswathétshera, ók iáh ki tahkaié꞉na; aiá꞉wenhs tó꞉sa ahontkátho ne watkarohrókstha ne oronhkè꞉ne nikahá꞉wi—

Revelation 9:2

wahanonhtón꞉ko ne iosonwaká꞉ronte ne iáh tekanonkwáhre, tánon thóh tsi iosonwakáronhte takaienkwahrinekénhne thóh nikaienkwahró꞉ten tsi ní꞉iot ne karistowá꞉nen, tánon ne karáhkwa ó꞉ni ne tsi ió꞉werare tahiokárawe né꞉ne tsi iosonwahká꞉ronhte tiohʼhawihtonh.

Genesis 1:13

Tánon iaʼó꞉karahwe tánon iaʼóhrhenʼne, né꞉ne ahsénhaton niwenhniserakéhaton.

Genesis 1:15

tánon tekontiswáthet ne tsi iotenonhwaró꞉ron ne tsi karonhià꞉te ne ne takahswátheʼte ne tsi ionhwentsà꞉te.” Tánon tho naʼá꞉wenʼne.

Psalms 150:1

Tehonwanonweráton ne Roiá꞉ner! Tehonwanonweráton ne Rawenni꞉io thóh raononsatokentiʼkówaʼne; tehonwanonweráton tsi niʼioníron ne iotenonwaró꞉ron ne tsi karonhiáte!