Genesis 1:1 - Ohiatonhseratokénti

¹ Tsi tiotáhsawe Rawenni꞉io wahá꞉ronhionhni tánon waronhontionhni,

Genesis 1:1 Referans Kwoze

Hebrews 11:3

Tewehtákwenh seh nón nitewéhtha tsi ionkwahnikonrahiéntas ne tsi ionwenhtsiáte ó꞉ni ne tsi karonhiáte tsi Rawenni꞉io raowenhnasónhas ioshahánion, nekáti tsi nahóten iotón꞉on naiontʼkátho ne kashaháton tsi nahóten ne iáh táhton naiontkátho.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”

Hebrews 1:10

Tánon ó꞉ni wahénron, “Í꞉se, Saiáner, tsi tiotáshawen sonhontsí꞉shon, tánon kwáh í꞉se shatsháne ioshón ne tsi karonhiáte.

Isaiah 42:5

Asèken rá꞉ton ne Rawenni꞉io, né Roiá꞉ner, tsi rahónha róshon ne tsi karonhiáte tánon waʼthatirónhten, rahónha teotakwahríton ne tsi ionwenhtsáte tánon tsi nahó꞉ten ne nón꞉we nitkáhas, rahónha shaʼkotonrietserá꞉wi nonkweshón꞉has ne tsi ionwenhtsáte ó꞉ni nonikónra tsi nihiákon né thóh nón꞉we naʼtehiontekhaʼhákwah:

Exodus 20:11

Né iaʼiákʼkhaton siwenhniserakéhaton Í꞉i, ne Watiá꞉ner, waʼkonhontsíson, waʼkeronʼhíhson, ne kaniaʼtarakheʼkówa, tánon nʼoriwaʼkwékon né thóh íken, ók kí ne tsathákʼhaton siwenhniserakéhaton waʼkenhniseraiériʼte. Né káti aoríwa Í꞉i, ne Watiá꞉ner, waʼtiathatéristhe ne tsathákʼhaton tánon waʼkenhniseratokentísʼte.

Job Tánon ne Raoronhiakensera 38:4

“Kaʼnón꞉we ní꞉seskwe nó꞉nen shakisthenrakwéntaro ne tsi kenskwáhere tsi ionwenhtsá꞉te? Tatró꞉ri, tó꞉ka sá꞉ien ne kaʼnikonhraientátshera.

Acts 17:24

Rawenni꞉io, raónha róhson tsi ionwentsiáte ó꞉ni kwáh tsik nahoténsons, rahónha ne Roiá꞉ner tsi karonhiáte ó꞉ni nonwentsiáke tánon iáh ononsatokentíke nónhwe tehénteron tsi naʼkanonsonʼniáton ne ónkwe akosnónsas.

2 Tiér 3:5

Kwák tahónnethe wahontarónti ne kwáh wahónnise tsi náhe Rawenni꞉io thóh tenʼnáhon, ó꞉ni neh tsi karonhiáte ó꞉ni ne tsi ionwentsiáte onthé꞉sa. Tsi ionthonwentionʼníʼon awènke nón nitsawénon tánon onékanos nahóten ionniáton,

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Isaiah 44:24

Ká꞉ti rá꞉ton ne Roiá꞉ner, né shiaʼhiatákwen, ónhka iesaiatón꞉ni ne tsi watewiʼraráhkwah: I꞉i ne Watiá꞉ner, wakʼsahánion norihwakwékons, iatetiá꞉ti khók tsi tewakʼtakwahríhton ne tsi karonhiátes, iatetiá꞉ti khók tsi wakonhontsaʼkwénhtaron;

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Jeremiah 51:15

Ne Roiá꞉ner tsi rahonhontsíshon raoshastsʼténsera róhstʼton, rahónʼa raoʼnikonhrohwahnhátshera rótston tsi rahonhontsíshon tánon wahthaʼtirónhten ne tsi karonhiáte.

Psalms 33:9

Nó꞉nen sahatáti, onhtonhontiónhni; tsi nenhénron orihwaʼkwékon onhtotáshion.

Proverbs 3:19

Raottokháhtshera ne Roiá꞉ner wahronhwentsísa; né tsi nihoʼnikonhrowá꞉nen waható꞉kenhsteʼ tsi karonhiatátie.

Revelation 14:7

Tsi wahén꞉ron kwáh í꞉ken tsi rowénhte, “Tetserenhsá꞉ron ne Ní꞉io tánon tátion ne kaiatanerakwáhtsera, asè꞉ken ne kawistáhets ne raoriwenhthá꞉tsera ón꞉we aseken rahonha tensakohiatorente nonkweshonha. Senhnaien tsi rahonha roson tsi karonhiate oni tsi ionwenhsate, kaniatarakekowa, tanon ne tsi ionekotons nonekanos!”

Psalms 115:15

Aiáwens ahiaiatatériste ne Roiá꞉ner, né꞉ne róshon tsi karonhiáte ó꞉ni tsi ionhontsáte.

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Psalms 136:5

rahónha raotokhátshera ióshon ne tsi karonhiátes, asèken ne iorihwatóken raonoronhkwáhtshera tsi nénhwe enkátake;

Jeremiah 10:12

Ne Roiá꞉ner tsi róhson tsi ionwenhtsiáte raoshastsʼténsera rótston; tsi rokwahtáhkwen ne tsi ionwenhtsiáte raonikonhrowaʼnhátshera rótston tánon ne ne raonikonhraienʼtátshera wahtewatirónten tsi karonhiáte.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

Psalms 8:3

Nó꞉nen ienkatkátho ne tsi sateronhiáte, nahohioténhsera ne sesnonsákes, nasontʼthennéhkha karáhkwah tánon ne tsi iotsistokwahrónhnions í꞉se sakwahthakwenháton;

Psalms 102:25

Waʼhonhnisekówa tsi ná꞉he thesiskwáhere ne tsi ionhwenhtsáte, tánon kwáh í꞉se shaʼtshanáke sháston tsi nishá꞉shon ne tsi karonhiáte.

Hebrews 3:4

Kwáh iaʼtekanónsake, nénhne tsi ónkak iakononshíʼshion—tánon Rawenni꞉io káti ne orihwakwékon roshahánion.

Psalms 124:8

Nonkwahiatakenátsera thóh nónh꞉we nikáien raosénhnakon ne Roiá꞉ner, ne tsi rahónha ró꞉son ne tsi karonhiáte ó꞉ni tsi ionhontsáte.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

Proverbs 16:4

Akwé꞉kon ne Roiá꞉ner tsi nahò꞉ten róhson nieionateríhonte; tsi niahonenonhátie ne rotirihwaneraʼákskon enhatiiaʼtáhton.

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 121:2

Natsatakenáhtshera Roiá꞉ner nónh꞉we nénhtewe, rahónha róhshon ne tsi karonhiáte ó꞉ni ne tsi ionhontsáte.

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Isaiah 40:28

Iáh kén tesateriéntaraʼkwe? Iáh kén tesarihwarónh꞉ken? Né Roiá꞉ner tsi nénhwe enkénhake tsi Rawenni꞉io í꞉ken, Rahónha Roshaʼáhnion kwáh tsitʼtsehiotonhóntsiókʼte. Iáh thehatesasthenserót꞉tha khés ne tahawisénheʼie, né raoʼnikonraientátshera iáh thaʼónton nawésakon.

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Psalms 96:5

Asèken akwékon nonkweshón꞉has akoniʼiohokónhas kahiatonhnisónha í꞉ken, ók Roiá꞉ner, róhson ne tsi karonhiátes.

Revelation 10:6

tánon wahorarátsten tsi niká꞉ien ne ronhnheón꞉we ne tsi nén꞉we enkénhake, tsi raónha ró꞉shon ne tsi karonhiá꞉te tánon tsi nihioteriwátserens tsi karonhiá꞉te, ó꞉ni tsi niioteriwatséren ne tsi ionhonhtsá꞉te, ó꞉ni ne kaniatarakeʼkó꞉wa tánon tsi niioteriwatséren né꞉ne kaniatarakeʼkowáhne: “Thóh nón꞉we kwáh ó꞉nenh iáh tahonshontenhniskwáhton,

Romans 11:36

Asèken oriwakwékon Raónha Rawenni꞉io róhson, ó꞉ni akwékon Raónha roteriwahtentsiáton tánon kwáh hiatehaʼiáti. Ahonwasénʼnaien ne Rawenni꞉io ne tsi nihohiatanerákwat tsi nénwe! Éhʼthoʼnaiáwenʼne.

Acts 4:24

Nónen ne thonetákwens sahatiriwáronʼke, kwáh rathikwékon hiathónʼtiesʼte skátʼke tsi wahonterénʼnaien rahohénton ne Rawení꞉ioʼke: “Sewenní꞉io ó꞉ni sahsahánion tsi karonhiáte, ó꞉ni tsi ionwentsiáte, tánon ne kaniatarakhekówa, tánon ó꞉ni nohiáson nahótens akénhaʼke ó꞉ni neh thóhnon nihonónʼnhes!

Psalms 90:2

Nohénton sashónh꞉ni ne tsi ionhnontarónhnions, khés ne tsi ionhontsáte shontonhontiónhni, né꞉ne tsi iehiotót꞉te tánon ne tsi nénhwe enkénhake tsi í꞉se ne shonnhehónwe Sewenní꞉io í꞉ken.

Isaiah 51:16

Iewakéthen ne tsákon nakewenhnaókons, tánon konhiatashé꞉ton thóh tsi iotasátaʼre ne katshanàke, watʼkatirónhthen ne tsi karonhiátes tánon tewakatenonkónhni ne tsi ionwenhtsàte, tánon kroʼriánionskwe ne Zion, “Í꞉se nakonkwé꞉ta í꞉ken.”

Isaiah 37:16

“Ó Saiá꞉ner ne ratiʼronhiakeró꞉nons, Sení꞉io NʼIsraerʼró꞉nons, thóh rentskwáhere éhʼneken tsi niteron ne niʼnikonhrare iotokentis, í꞉se ne Ní꞉io í꞉ken, ieteshiáʼtiʼkhok, akwékon ne tsi kanakeraserakérons ne tsi ionwenhtsáte; í꞉se shá꞉son ne tsi karonhiáte ó꞉ni tsi ionwenhtsáte.

Psalms 146:6

tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

Psalms 134:3

Aiáwens ne Roiá꞉ner, ne róhson ne tsi karonhiáte ó꞉ni tsi ionhontsáte, ahiaʼiatatérisʼte ne Zion nónhwe nahontáwe.

Revelation 22:13

Í꞉ih ne Alpha ó꞉ni ne Omega, ne ne tsiotserentá꞉kwen ó꞉ni noná꞉kenkha, ne ne tsiotá꞉sawahkwen tánon ne tsi ieiotót꞉te.”

1 Sawátis 1:1

Iakwaiáthonse aoriwáke ne ionnheʼónwe owénna, neh꞉ne sikáien ne kwá sitiotásawe. Ionkwarónken, tánon kwá í꞉i tewakaráke ionkwatkáton; hen, ionkwatkáton, tánon ó꞉ni ne tewatshanáke ieioienáʼon.

St. Mark 13:19

Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.

Isaiah 40:26

Satarakétsko éhʼneken niaʼsatiérat tánon satkátho: Ónhka kí꞉ken rosahánion? Rahón꞉ha enthaʼiákenhwe notsistokwahsónhas tánon thensakohiatónhnion, ienshakonatónhnion ratiʼkwé꞉kon tsi niotisenhnoténshons; tsioríhwa tsi nateiotenonianíton roshatstenhserowánen í꞉ken, roshatstenhserowanenhkówa, iáh nénska tehiotón꞉on.

Psalms 104:30

Ók nó꞉nenh enteséhion né shonhnísera, kwáh kí enhontónnhete; tánon í꞉se shón꞉nis náse atónnhets nahonsahonhnákeraʼte ne tsi ionwenhtsáte.

1 Chronicles 16:26

Asèken akwékon nonkweshón꞉has akoniʼiohokónhas kahiatonhnisónha í꞉ken, ók Roiá꞉ner, róhson ne tsi karonhiátes.

Revelation 21:6

Eʼthó꞉ne wahakénhase, “Ó꞉nen ontè꞉sa! Í꞉i ne tsiotserentá꞉kwen ó꞉ni nonakénkha, né꞉ne tsiotasawáhkwen tánon tsi ieiotót꞉te. Ne rotiniatát꞉tens í꞉i kwáh enkhenená꞉nonte tsi enkhé꞉ion thóh nénhtewe tsi tsió꞉nekote noné꞉kanos natón꞉nhets.

Ephesians 3:9

tánon nonkwetakwékon ahiakawenéstʼten tsi ní꞉ioht tsi ahkahioténston ne ioteriwaséton tsi nihotenikonrónni ne Rawenni꞉io. Rawenni꞉io, tsi nikáien ne oriwakwékon rohsahánion, kwáh teiahonkóton rohriwasehthánionkwe tsi nitsawénon,

Isaiah 51:13

Tsiaʼtanikonrénhen ne Roiá꞉ner, né iahiaʼtíshon, rahón꞉ha tehotíronhte né tsi karonhiátes tánon thononhkónhni ne tsi iohontsáte. Iesakontákwen sáterons ne tsi niwenhníseres tsioríhwa tsi nihotenakwahwenhráti ne sakowisátha, né rahónha thóh iatehotsátʼton karonhiakentserákon. Ók kaníwes ne raonhakwáhtshera ne sakowisátha?

Isaiah 65:17

Asèken ónenh thó꞉wa ahonsakón꞉ni ná꞉se tsi aonsakaronhiáteʼke tánon ná꞉se tsi aonsaionwentsáʼteke; né tiotihénton nahorihoténhsons kwáh iáh tahonsawehiáraʼke khès nahonshonʼnonhtónhnionʼke.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Job Tánon ne Raoronhiakensera 26:13

Ne seh ne rahonhní꞉sera iorihonhní꞉hon ne tsi karonhiá꞉te waʼtsoswaténe; né꞉ne ratsánake waʼrátste tsi wahá꞉tonhte ne iotekwenhátie oʼniá꞉re.

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Matthew 11:25

Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

Exodus 31:18

Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.

Job Tánon ne Raoronhiakensera 9:8

ónhka iatehahiátit khók tehotakwahríhton ne tsi karonhiá꞉te tánon waharatatséshon ne tsi ionontakwahronhtón꞉nions ne kaniatarakeʼkowáhne;

Isaiah 40:21

Iáh kén tesateriéntaraʼkwe? Iáh kén tesariwarónhken? Iáh kén teʼiesaró꞉ri ne kwáh tsi tiotásaʼwe? Iáh kén tesanikonraientáhon ne kwáh sahontenonʼkónhni ne tsi ionhontsàte?

2 Kings 19:15

tánon waʼhaterénhnaien, “O Saiá꞉ner, ne Sení꞉io Nisraeʼró꞉nons, sanitskwáhraʼne siskwaʼhé꞉re é꞉neken tsi rón꞉nes ne tehatinerahontiónhtons kontí꞉rios, sonhá꞉hak khók ne Saní꞉io í꞉ken, satkorástons akwé꞉kons tsi kanakeraseraké꞉rons tsi ionhwenhtsáte. Í꞉se shasaháʼnion ne tsi ionwenhtsáte ó꞉ni ne tsi karonhiáte.

2 Chronicles 2:11

Né Ronnontí꞉io Hiram thontahohiatonhseraʼteniéthaʼse ne Solomon tsi watharihwaseráko. Wahaiáton, “Né aoríhwa ne Roiá꞉ner tsi nisakonerónhkwah ne rahonkweʼtaʼshón꞉as, í꞉se waianontí꞉iosʼte.

Psalms 8:4

Nahóten ne nonkwesónha, O Ní꞉io, né꞉ne ashehianonthónnionwe; kwáh nék khók tsi ónkwe íken, nontseren níse ahshehiatennikonráren?