Ecclesiastes 2:3 - Ohiatonhseratokénti

³ Wakatátʼre nakaskanéktshera natʼtokhátshera, Iatewakeriwaiéntase nakatatenikonhró꞉ri otsítsa akʼnekírah tánon enkatenikonhró꞉ri. Wàkere tokaʼnónhwa tó꞉ki ní꞉ioht ne kwáh tsiohiánere nónhkwe aiekwéni tsi ahiakónhnheke tsi kén nihiakonhnhésa nonhwenhtsáke.

Ecclesiastes 2:3 Referans Kwoze

Proverbs 20:1

Só꞉tsi wé꞉so enhsnekí꞉ra tesaterienʼtakáriatonke tánon ensanonhwaró꞉rike. Teiotenonhwarorí꞉tonte naiakohné꞉kataʼne.

Ecclesiastes 1:17

Iewakerikonhrakonhthá꞉kwen nakeweientétaʼne tsi natetsatʼtíhen ne karihonniennítshera ó꞉ni ne tehiotenonwaroríthonte, natʼtokhátshera tánon ne kanahkwáhtshera. Ók kíʼ wakeriwatsénri tsi sénha ioiánere owèra áksehre.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Ecclesiastes 6:12

Onhʼní꞉ioht nónhka ahiekwéni nahiakoteriéntarahke nahó꞉ten ioiánere nonhkwarihwáhke kíʼ tsík níhions, iáh othénenh tehioríhonte tsi tiónhnhe—ne tsi iakónhnhe thóh ní꞉ioht tsi watohétstha tsi ní꞉ioht ne iothasáthare? Onh ní꞉ioht tsi ahionkwateriéntarahke onhʼnenhiá꞉wenhne ne tsi ionhwenhtsáte nónenh enhionkwenhéionke?

Matthew 6:24

Iah taonton onka tekeni taokosȣetseraientake; aseken tokat saiatatenhosȣen, onhononȣene ne saiatat; ok neʼsʼenʼs ne saiatat enhokonnienste, enhokenron ki ne saiatat, iahkati oni nise taonton ne sataietsiiotense, ne Niio tanon notkonseraksen.

Ecclesiastes 7:25

Kwáh wahkathaʼtsiatakweʼní꞉iosthe ne karihonnienhnítshera tánon nakatewéiensthe; kwáh iatewakeriwahiénthase naketsénhri natʼthokhátshera tánon takariwahsehráhkwen tsi nikeriwahnónhtons, tánon nahonkateriéntarahne onhʼní꞉ioht ne ononhwaroríhta tánon ne kanahkwáhtshera tsi nióre tsi tehiotenonhwahroríthonthe.

Ecclesiastes 7:18

Tetsáron éhren shá꞉wit kí꞉ken nahorihoténsons. Tó꞉ka tsánhnaiens ne Rawenni꞉io, kwáh kíʼ ensahianerásten tsi nahontahiotseráhthonhke.

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Job Tánon ne Raoronhiakensera 14:14

Tó꞉ka ne rón꞉kwe enrenhé꞉ie, kwáh ken shé꞉kon enhsatón꞉nhete? Akwé꞉kon tsi niwakathenhniseraténionskwe ne tsi niwatiohtén꞉en kwáh ki enkaterá꞉rate tsi nió꞉re ienkí꞉heie.

1 Samuel 25:36

Ne Abigail iahón꞉we tsi thohʼnón꞉shote ne Nabal; thóh kakennió꞉tahkwe ne tsi ronhnón꞉shote, tsi shí꞉ken ní꞉ioht ne ronnontí꞉io rotenhniote. Ne Nabal tsi nahawerientí꞉io, asèken kwáh í꞉ken tsi ronekátahkwe; káti kwáh iáh othènon tehoró꞉ri tsit iahó꞉renhne.

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

Judges 9:13

Ók kíʼ né ratenenharíhsehres waʼtharihwasehráko, ‘Nakwatʼkórasthe, Ónenk kíʼ tsi enkátʼkaʼwe tsi khenónhnis nonenharatasehontserákeri, né nènhne iakahonhniénhnis ne niʼiohokónhas ó꞉ni nonhkweshón꞉as nahonthonhnáren.’

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Ecclesiastes 5:18

Kén nahó꞉ten wahkeriwaʼtshénri: né kwáh tsiohiá꞉nere né꞉ne tahitewaskáhon tánon tewanekíra tánon tewahthonnáh꞉ren tsi nahó꞉ten hionkwahioténʼen tsi nikaríwes khók tesonkwáhwi ne Rawenni꞉io nahitiónnheke; né kí꞉ken ne tenhionkwahteriwahsehráhkwahse.

Ecclesiastes 8:15

Káti tewaketákwen tsi tehiotonwenhtsóhon nahonkwathonhnárahke nonhtionhakéson, tsoríhwa tsi nék khók ionhkwáien nonhwesénhtshera ne tsi tiónnhe né꞉ne tahitewatskáhon ó꞉ni ahitewanekhíra tánon nahitewatenikonhró꞉ri. Né kík thók khók tentewahkwéni tsi ahionkwahióten ne tsi tiónnhe tsi nitesonhkwáwi ne Rawenni꞉io ne kénʼen ionhwenhtsáte.

Ecclesiastes 10:19

Nensahtekónhni entíson nasatʼtsenhnónhni tánon notsítsa enshanikonhkétsko, ók kíʼ tetsáronh iáh tahónton nahisaiéntahne tó꞉ka iáh tesawísthaien.