Daniel 9:7 - Ohiatonhseratokénti

⁷ Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.

Daniel 9:7 Referans Kwoze

Daniel 9:14

Í꞉se, O Saiá꞉ner, onkwá꞉wen Ní꞉io, saweiennentaʼón꞉ne naskwahréwahte, ó꞉ni eʼtho náhsiere, ne tsi tió꞉konte né ne tkarihwaié꞉ri ne thé꞉nen nénhsiere, ók iáh tekwawennaráhkwen.

Daniel 9:8

Ne onkwanontiióʼtsheras, ó꞉ni ne ionkihéntenʼse, tánon ne iakhisothokonʼkénhens thitkáhere naʼtehénhsera tsi nihotiieránion tánon wahatirihwanéraʼke tsi nokwá ní꞉se, Saiá꞉ner.

Jeremiah 3:25

Tehiothonwenhtióhon ahthehensehráhkonh ahiakwahtsiatiónnithe tánon nonhkwahtehénsehrah tsionkwahró꞉rot. Í꞉i tánon ne hiakisotʼthonkonhkénʼen kwáh tiotʼkonhónwe tsi iakwahrihwahnerahákskwe tsi nòkwah ne Roiá꞉ner onhkwahʼNí꞉io; kwáh iáh nonhwénhton tehionkwahtewenhnahráhkwen ne rahotsiawenhrahtiérahs.”

Psalms 44:15

Konthatiésons nakatehénsera akkénhton í꞉ken, tánon atehénsera watkonwaʼrorókston

Deuteronomy 4:27

Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.

Romans 6:21

Kwáh oriwihioʼónwe iáh thènen tesewaienáhon onhnahóten nahioʼiánereke tsi naʼohrihoténsons nónwa tsi sewatéhens? Kenhéion iewathihénthos neh naohrihoténsons!

Amos 9:9

Asè꞉ken, kwáh enkathénhnane, tánon nahonwanáwake nonkweshón꞉as Nisraeró꞉nonke iatahonwatí꞉ieste nohontsakwé꞉kon tsi ní꞉ioht nónhkak iakahowákon ne ionsewátha, ók iáh kí ne skanénha ohontsá꞉ke tsekaiéntas.

Ezekiel 36:31

Kwáh ensehiárahke tsi nikariwáksen tsi nishatieráhnion tánon tsi nateshaterientaweréhaton, tánon kwáh ensonhnáksathe ne enhkarihónhni tsi sariwáhneren ó꞉ni ne sarihwanerahákʼtsheras.

Ezekiel 16:63

Kwáh enskonhnikónhrense akwékon tsi nateshaterientawénhrie, ók kíʼ kwáh ensehiárahke tánon sóhtsi enshatehénsehke ne thasaskwéksi.” Ne Ronhnontiio Roiá꞉ner wahatáti.

Jeremiah 24:9

Thóh nióre tsi enkheiénhaʼse ne kariwaiesáhtshera kwáh onhkwetaʼkwékon ne tsi ionwenhtsiáte kwáh enhiakoterónsehke. Nonhkweshón꞉a tenhonwahthiʼierónhaʼke, ohnonhwahroʼríhta enhonwenhnónhniaʼte, enhonwahtisterísthake, tánon ne raoʼthisénnas ne enhiontewenhnaksahthakwaʼniónsehke ne kwáh tsík nonhwésons iaʼtenkhehiaréniaʼte.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Isaiah 45:16

Ratikwé꞉kon tsi enhonwanatéhaʼte tánon tehonanitonniénhni, ne ratiʼiatonhniserón꞉nis teonanitonhniénhni tsehatiʼkwékon.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Psalms 119:137

Í꞉se ne sarihwakwahríhshion, Ó Saiá꞉ner, tánon tkarihwaiéri í꞉ken ne sahiatorethátsheras.

Psalms 51:14

Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

Psalms 51:4

Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Ezra 9:13

Ók ki ó꞉ni nó꞉nen orihwakwé꞉kon tsi nahonkwahiathawénhseron tsi nokwáh ne karewathatsherarakónhson nonhkwahrihwanerahakʼtserá꞉kons ó꞉ni tsi natehionhkwahterenhthawenhréhon, ionhkwahterienʼthá꞉rakwe tsi í꞉se, nonhkwáh Ní꞉io í꞉ken, tsi káron niskwahrewáthon tsi nathahionhkwahthenhtsónke tánon waskwahrí꞉hon nahiatiónhnheke.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 33:16

Nonhkweshón꞉a ne Judah nónhwe ó꞉ni ne Jerusalem kwáh enshatiʼniákenʼne tánon kwáh skénnenh tsi enshathináhkerehke. Ne kanahthowáhnenh ne enkonhwahnahtónkwahke ne ‘Roiá꞉ner Onkwahiathaʼkeʼnhátshera.’

Ezekiel 6:12

Kannrahtarinhétshera enhiakohiatiénenhte tsi niháti ne ahínonh nióre iehiakonahkeráhkwen. Ateriʼiósera enhiakóthonte tsi niháti ne ákta ratináhkere, Tánon nónhka iatenhiakotátere athonkarhiákon enhiakoríhiote.

Daniel 9:18

Takwatahónhsatat, O Sewenní꞉io; takwakenʼén꞉ion ó꞉ni satkáhtho tsi natekanikónrhare tsi non níiakwe tánon tsi niiotkenhrenserón꞉ni ne kanatowá꞉nen ne saná꞉ta. Iséʼke nón꞉we niionkwaterénnaien ne tsi sanitenráhtskon, iáh né té꞉ken tó꞉ka ken ne tsi ionkwatonkweʼtakwaríhshon.

Jeremiah 4:17

Tánon tenhathinahthánahke ne Jerusalem tsi ní꞉ioht ne ronnónhkwe rahthinikónhrahre ne kahentháke, tioríhwa ne ahonkwetaʼsónha iáh tehonwahwenhnaʼráhkwen ne Roiá꞉ner. Ne Roiá꞉ner rothatíhon.

Jeremiah 7:19

Ók Í꞉i onhtèken ne kwáh ahiontʼkahrewahthe? Iáh, ronónhak khók rontatkarewáhtha ó꞉ni ronthatehátha.

Jeremiah 32:32

tsioríhwa tsi níkonh ne karihwahétken tsi nihonahtiéren nonhkweshón꞉a ne Judah ó꞉ni ne Jerusalem nónhwe, skátke ne raotinonhtí꞉ios ó꞉ni ne ratikoráhsons, ne raononhkwetaʼshón꞉a ne rotikháres ó꞉ni ne rotitokénse.

Ezekiel 5:10

Tsi nenhiáwenhne, ne rotiwirahiénton ne Jerusalem nónhwe enshakotiwáhrahke ne shakotiʼienhokónha, tánon ne ratiksahokónha enshakotiwáhrahke ne rotitʼténhas. Kwáh enkonhréwahthe tánon nónhka tsiʼnítsion ne iatensewahthátereh iathekwatʼthókwahte tsi ioweráhre.