Daniel 9:5 - Ohiatonhseratokénti

⁵ “Ionkwarihwané꞉ren, teionkwaterienʼtawenriéʼon. Watkwawénneke tsi nihskwarihwatá꞉ti naʼionkwaióʼten tánon ionkwatahróntion tsi nihskwanaʼtón꞉ni ne tkarihwaié꞉ri.

Daniel 9:5 Referans Kwoze

Malachi 3:7

Tsi nithonatenhniseraténionhskwe ne ietshihsothoʼkonʼkénhen sewatahróntionʼs tsi nonkwá natianerènhseraʼs tánon iáh tesewatienawáhston. Akonhá꞉ke naʼtontáhsewe, tánon tsonhá꞉ke nienhénhske, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, Ók ní꞉se sewá꞉ton, “Oh ní꞉ioht tsi tho niaonsaiá꞉kwe?”

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Daniel 9:15

“O Saiá꞉ner, onkwá꞉wen Ní꞉io, seʼnéhston ne saʼshatsténhsera tsi tahsheiaʼtínekenhwe ne sonkwé꞉ta ne Egypt, tánon ne saʼshatsténhsera shé꞉kon niiakwé꞉iare. Ionkwarihwané꞉ren; teionkwaterientawenrié꞉on.

Psalms 106:6

Hionkwahrihwáʼneren kwáh kíʼ tsi ní꞉ioht ne iakishotʼthonkonhkénʼen; tehionkwahterienhtawenhréhon, tánon hionkwahníkon.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.

Hosea 1:2

Nó꞉nen ne Roiá꞉ner shontonhtsérenhte wahatá꞉ti rahonhà꞉ke ne Hosea, ne Roiá꞉ner wahawénhase ne Hosea, “Wás, ne sathateniatʼthen ne wathenawaiesátha tánon ne sawiraientháseron ne kontenakwahiesátha, asè꞉ken ne tsi ionhontsá꞉te ne ioterihwathéntion ne kowá꞉nen kanakwahieshá꞉tshera ne tsi ronwatewentéton ne Roiá꞉ner.”

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Lamentations 1:20

“Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Psalms 18:21

Asèken waʼkatienawáston ne raotiawenrátseras ne Roiá꞉ner, tánon iáh tewaʼkeriwanerahákskon ne tahonshonkatkaraténion rahonháke ne Rawenni꞉io.

Jeremiah 3:25

Tehiothonwenhtióhon ahthehensehráhkonh ahiakwahtsiatiónnithe tánon nonhkwahtehénsehrah tsionkwahró꞉rot. Í꞉i tánon ne hiakisotʼthonkonhkénʼen kwáh tiotʼkonhónwe tsi iakwahrihwahnerahákskwe tsi nòkwah ne Roiá꞉ner onhkwahʼNí꞉io; kwáh iáh nonhwénhton tehionkwahtewenhnahráhkwen ne rahotsiawenhrahtiérahs.”

Isaiah 59:13

tsehionkwahtaʼtewenhniʼiostonháties, tánon tsi tewatonhníha ne Roiá꞉ner, tánon hionkwatsʼwaténion ne tó꞉sa atsitewá꞉sehre nónhkwah Ní꞉io, né ionkwahthaʼrákwen ne karonhiakénhsera tánon nahiaʼkinenraká꞉ri, né iatiónnhets nonówens owenhnaʼókons tánon tsi nihionkwahthaʼrákwen tsi nitewé꞉tha nonkweʼriá꞉ne.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Psalms 119:102

Iáh tewakatarónhtion ne sarihonhnienhnítseras, asèken kwáh í꞉se ne takerihonhniénhni.

Ezra 9:6

Waʼkí꞉ron, “O Sewenní꞉io, shó꞉tsi katéhens nakatarakétsko ne sahén꞉ton. Nonhkwarihwaneraháktsheras sénha é꞉neken tiotʼthe tsi nitsonkwahtenonhtsísthates; iekaniháras ne karonhiá꞉kes.

Psalms 119:176

Éhʼrenh wahkéton tsi ní꞉ioht ne teionakaronhtónha iohtsiatatónhon shatsatísak ne sanhátshera, tsioríhwa tsi iáh tewakkenronhníhon ne sahtsiawenhrásera.

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Lamentations 1:18

“Nók ne Roiá꞉ner roriwakwarísion, asèken riwennóntion. Takwatahónsatat, tionkwetaʼkwékon kwáh tsiknonwéson akénhake; takwakʼkátho tsi naʼtewakawehésta. Nithonthihiónsas óni nitiothihiónsas ronwathiʼiénen.

Lamentations 3:42

“Ionkwariwáneren, ó꞉ni tehionkwarihóron, tánon ní꞉se, O Saiá꞉ner, iáh teseskwanikónrenʼse.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

2 Kings 18:12

Ne Samaria wakonwasénhni tsioríhwa Nisraeʼró꞉nons iáh tehonwawenhnaráhkwah ne Roiá꞉ner Raotíní꞉io, ók kíʼ tehotiʼiákons ne sakoianerenhseʼrihshenhénhni tánon iáh tehonatewenhnaráhkwen akwékons ne kaianerénhseras ne Mahís thó꞉wi, né raʼonhatserakénʼen ne Roiá꞉ner. Iáh tehonatahonsatháton iáh ó꞉ni tehonatewenhnaráhkwen.

2 Kings 21:15

Kwáh kíʼ thó nenhkeʼiérahse nakonkweʼtashón꞉ás tsoríh꞉wa tsi wahatirihwá꞉nerake tsi nòkwah ní꞉i tánon wahón꞉kenakonhni kwáh tsi nikahá꞉wi ne sakotisotʼthonkonhkénʼen tonhtahatiʼiákenʼne ne Egypt tánon kwáh shé꞉kon nón꞉wa wenhnisheráhte tsi ionkenakónhnis.”

Isaiah 64:4

Kwáh tsi tiotásawe ne tsi ionwenhtsá꞉te iáh ónhka teiakorihwáronhken, iáh nohónta nonwénhton tetiorónh꞉ken, iáh nó꞉kara nonwénhton tehiotʼkáton nón꞉ka akórenh Ní꞉io akénhake tsi ní꞉se ní꞉iot, rahónha sakohióthenhse tsi niʼiákon ne ronwárare.

Jeremiah 14:20

Hionkwariwáhneren tsi nòkwa ní꞉se, Saiá꞉ner; kwáh hiakwariwahnírats ne hiatehiakwahiáti onhkwahriwahneraháktsheras tánon ó꞉ni ne hiakisotʼthonkonhkénʼens rahotiriwahneraháktsheras.

Jeremiah 30:14

Rathiʼkwékon ne sewahtenroshón꞉a; waheshaʼhiathanikónhren; tánon iáh ónenh thènenh thaʼthetiesahteriéntahre. Thóh ní꞉ioht tsi hiakonhiatiathónti tsi ní꞉ioht ne tehiatátʼtions; ne shaʼrehwahtátshera kwáh íken tsi ioníron tioríhwa ne sarihwahneraháktshera tsi niʼiawetowáhnenh tánon ne shaʼrihwahetkénsehras tsi níʼ kowáhnenh.

Ezekiel 5:6

Ók iáh tehiotewenhnaráhkwen tsi nòkwah nakeriwahtátʼtsheras tánon sénha ishiʼnónhwe nihioriwanerenhákskon tsi ní꞉ioht ne aktóntse rathitárahiens. Iáh tewatʼthóntats nahontewénhnahrahkwe ne kaianerénsehras ne tkáwi nahkásehre.