Daniel 9:3 - Ohiatonhseratokénti

³ Onkentóntiehte, ká꞉iare waʼkatsheronniáʼton, tánon ne waʼkenhrontákwen wahkatathakenráh꞉ko. Tánon iaʼtewakonniá꞉ton wakaterénnaien riianitenhtá꞉se ne Roiá꞉ner Rawenni꞉io.

Daniel 9:3 Referans Kwoze

Jeremiah 33:3

“Taskenáhthon, tánon tenkonrihwahsehrákwahse; kwáh enkonriorhiánion ne ionerahkwahténions ó꞉ni ne iorihwahnerahkwahténions nètho ne kwáh iáh othènen tesehriwahientéri.

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Ezra 9:5

Shakáhé꞉we noʼkarasné꞉ha hionterihwathenhtiátha ne karihwiiosehokón꞉as, thon sát꞉thane tsi nón꞉we niwakeʼnikonhratʼtsénskwe, tánon shé꞉kon ne niwakatieronhniáthon ne wakeratsónhkwe nakatierónhniat, Watʼkatentʼtsó꞉ten nakaterén꞉naien tánon wakanentʼtsiakétsko rahohén꞉ton ne Roiá꞉ner akeʼNí꞉io.

Ezra 10:6

Ethò꞉ne thóh niahá꞉re ohén꞉ton nononhsatokentihkó꞉wane iahathawehiáte ne tsi thénhteron ne Jehohanan ne roʼní꞉ha né꞉ne Eliashib, tánon thóh wahasonhtí꞉iake roʼnikonhráksens tsi nih iáh tehotirihwató꞉ken ne ronanahkerá꞉kwenhne. Kwáh iáh othé꞉nen tehawé꞉kon iáh ó꞉ni thé꞉nen tehonekí꞉ren.

Ezra 8:21

É꞉tho nákta ne Ahava tsi kanatierathátie wakerihwí꞉sa ne iakwahkwé꞉kon ahionkwenhtóntiete tánon é꞉take aiakwahthatón꞉ni rahohén꞉ton nónhkwah Ní꞉io tánon ashakwahrihwanón꞉tonhse nasonkwenhéntenhse tsi natenhiakwatʼtháhawe tánon nasonhkwahtenhnikónhraren ó꞉ni ne iakihiohokón꞉as ó꞉ni akwé꞉kon nonkwahwenhshón꞉as.

Acts 10:30

Wahénron ne Cornelius, “Ne kíʼ ne káknon neh kaiériʼnónta tsináhe wakaterenʼnaiéntakwe nakenónskon ne ásen nitiowistáhe iothohestonnéntie. Thontaiawénstsi rónkwe tehiostarátʼthe roktseronʼniáton akʼkénton wahtáthane

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

Joel 2:12

Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Ezekiel 36:37

Ne Ronhnontí꞉io Roiá꞉ner ráton, “Kwáh shé꞉kon ensetkheríhon ne Israerʼró꞉nons nahonsahionkeriwahnónhtonhse nakhehiénawase, tánon kwáh enkheríhon nahonatiokowáhna tsi ní꞉ioht ne teiotinahkaronhtónha katshénenhs.

Psalms 35:13

Ók kíʼ ní꞉i nó꞉nen sihotinonhkwák꞉tani, ká꞉iare wakatʼtierón꞉niate; onhkenikonrák꞉sen ne raotirihwá꞉ke kwáh ó꞉ni onkentón꞉tiete. Tánon waʼkhehiaterenhnaiénhase, ók nakwahterénhnaien iáh othènen tehiorihontákwen

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Nehemiah 9:1

Tánon ne tewáhsen kaié꞉ri siwenhniserá꞉te ne tsi niwenhnitá꞉rakwe, nahonkweʼtashón꞉as Nisrael wahontiaʼtaró꞉roke skátne tsi wahonhnenhtónhtsete tánon kaiá꞉re wahontserón꞉niate tánon ratinontsí꞉ne wahonthatenkenrá꞉ro.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Daniel 9:2

Ne shontontohseratiérenhte shihonontí꞉io, kateweienstháhkwe ne kahiatonhseratokénhti tánon onkeʼnikonrahién꞉taʼne ne tsáta niwáhsen niiohserá꞉ke nʼetho Jerusalem tsi nenkanatén꞉taʼne, entioianénhawe tsi nahò꞉ten ne Roiá꞉ner rohró꞉ri ne rotokenhséhakwe Jeremiah.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Daniel 9:20

Iaʼkatahshónteren tsi wakaterénnaien, kerihwahní꞉rats nakerihwanerenʼáktshera ó꞉ni ne raotirihwanerenʼáktsheras nakonkweʼtaʼshón꞉ʼa Israerʼró꞉non ó꞉ni riianitenhtá꞉se ne Roiá꞉ner Akeʼní꞉io naonsahanonhsahserón꞉ni ne raononhsatokenhtiʼkó꞉wa.

Jonah 3:5

Ne onkwehshón꞉ʼa tahonnéhtahkwe ne Rawenni꞉io raoterihwahnotáhtshera. Sók kiʼ iaʼthotirihwaién꞉taʼse kwáh onkwehtakwé꞉kon tsi ahonnentóntiehte, kwáh tsi niaʼteionkwè꞉take, aiakonkweʼtowá꞉nen tóka ó꞉ni kenʼk naiehsén꞉nahske, kà꞉iare enhontsherón꞉niaʼte ne naʼhonne nehste tsi sahontatré꞉wahte.

2 Samuel 12:16

Ne Táwit wahoniténtʼtase ne Roiá꞉ner ne raksáʼa raoriwá꞉ke; Ne Táwit wahawenhtón꞉tiete, iahatáwehiate tánon asontakwé꞉kon ohontsáke rahiatiónhni.

Job Tánon ne Raoronhiakensera 42:6

ne káti aoríhwa wakatát꞉kenron, tánon sakaʼtát꞉rewate thóh okenrá꞉ke tánon ne wakenrón꞉takwen nón꞉we.”

Matthew 17:21

Nok tanon kehiken nikannroten, akȣa neneh aterennaient, tanon aȣentontieton ok entsioiatinekenȣe neh niȣatkonseroten.