Daniel 9:12 - Ohiatonhseratokénti

¹² Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Daniel 9:12 Referans Kwoze

Ezekiel 5:9

Ne tsi nihioteriwahtéhat ne shaʼhiatonhnisónhas, kwáh tohkénʼen sénha í꞉se enkonhréwahthe tsi ní꞉ioht tsi kherewáhthon nakorénhsons ne tiotserénhton ne꞉ne iáh nonhwénhton shé꞉kon ètho tahonshá꞉tiere.

Lamentations 1:12

“Aiáwens thósa níse thóh nahisaiátawen,” iatehiohenréta nónka iakothohestonhátie. “Taskatkáto! Àrok nonwénton nónkat thóh naiakokararenséken tsi ní꞉ioht Í꞉i, kanonhwakténtshera tahákon ne Roiá꞉ner tsi nikaríwas ronakwenhén꞉ne.

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Lamentations 2:17

Ónen ne Roiá꞉ner thóh naháiere tsi nihoterónkwen; Kwáh iáh kanèka ne kenténron tsi ní꞉ioht tsi wasonkwasénni, tsi nihthotʼróri ne wahónnise tsi náhe. Tasakáwen neh hionkíʼshons natesenniétsera, tasakáwen natʼtsenónniat tsi wahonkhisénni.

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Job Tánon ne Raoronhiakensera 12:17

Shesakohénthenhse ne ronteʼnikonrathókas è꞉ren shesakoiatenhawí꞉tha raotiskawetóskon tánon raotineóskons, tánon ne ratirihwén꞉thas tesakotonhnhotʼtákwa.

Romans 15:8

Asèken kwahróris ne Kerístos tsi rónʼnhekwe ne nòn꞉ne sakoiotenséhaʼkwe ne Sitaeró꞉nons, ne naréneste neh Rawenni꞉io tsi roriwatóken, neh kíʼ, nahónton tsi nahóten ne Rawenni꞉io sakorarasténni ne ronwatinihokonkénhens ehnaiáwenʼne,

Luke 21:22

Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.

St. Mark 13:19

Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.

Matthew 24:21

Aseken ionikonraksentseratsanit tsinenhiaȣenne nethone, neki enskat nareko nonȣenton eh tetiaȣenhon tsinahe tiotonȣentsiatasaȣe tsiniiore nonȣa, iah oni noiah eh tiiaonsaiaȣenne.

Matthew 5:18

Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.

Zechariah 1:8

Wakhéken ónhkak iakoshaténtie onekwénhtara nihashokó꞉ten ne koshá꞉tens. É꞉tho nón꞉we nahthatáhne tsi karontaienthóhseron ne myrtle norónhwakon, tánon ne rahshón꞉ne thikanaskwaténions kón꞉nes—onekwénhtara, iothirahkwahrón꞉nions, tánon konthiráhken.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

Amos 3:2

Tsonhá꞉ʼa khok kwaienterí꞉ne ne tsi niiehwatsí꞉ra tsi ionhontsá꞉te; kwáh ká꞉ti enkwahré꞉wahte tho í꞉kare akwé꞉kon ne sarihwaneraʼáktsheras.

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Ezekiel 13:6

Ne rahonahtetʼtsénsehra kwáh iáh thó꞉kenske tèhken, tánon tsi iehatiriwáhkens kwáh ohnhówenh í꞉ken. Akénhake akateriwanhotátshera ronahteriwáhnhothe, ók iáh ki Í꞉i tiekhehiateniéton. Étho kíʼ sána rothiráhre ne rahothiwenhnasónhas norihwí꞉io ahónton!

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Proverbs 8:16

Akwé꞉kon ne ratikorá꞉shon tsi ionhwentsá꞉te né꞉ʼe ronterihwahtentiá꞉tha ne raotinakerahserá꞉kon, akwé꞉kon tkatká꞉waʼs kaiaʼtakehnháhtshera, ók ó꞉ni ne ronaterihón꞉ton.

Psalms 148:11

Né Rontinontí꞉ios ne tsi ionhontsáte tánon onhkwetakwékons, ne sakotihénthense tánon ratikwékon ne ratikóras ne tsi ionhontsáte!

Psalms 2:10

Ó꞉nenh ká꞉ti, Ósewanontí꞉ios, sewatenikonhrát꞉thokhak; sewanikónhrarak, Ó sewakoráhshons ne tsi ionhwenhtsáte.

1 Kings 3:9

Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 39:16

nahiró꞉ri ne Ebedmelech ne ne Ethiopianró꞉nonh nètho Roiá꞉ner Roshastsʼtenserowáhnen, ne sahkoʼNí꞉io ne Israel, ráhwenh, “Kwáh tsi niwàhken tsi eh nénhtiereh, tsi enthekahwíten kíʼ kénʼen kanatowáhnenh ne kahkaronniátshera tánon iáh ne kahkwahséhtshera. Tánon nónenh kí꞉ken eh nenhiáwenhne, thóh ensehshé꞉ke nahsatkáhtho.

Jeremiah 44:23

Ne aoríhwah ne tsi wahetsihiatʼtsáhaten ne wenhnekeráhkon ne thiʼkaniʼioserahténion ó꞉ni ne aoríhwah ne tsi wesehwariwáhnerahke tsi nòkwah ne Roiá꞉ner tánon iáh tesehwahtewenhnaráhkwen ne raowénhna ne Roiá꞉ner tánon iáh éhtho nónhwe tesehwahténtion ne raoʼhianerensehráhkon tánon ne raoʼrihonnienhnítshera ó꞉ni ne raoʼtiawenhnahtsherákon, nètho kí꞉ken kariwáksen wehsehwáhrahne, ne tsi nihiothonhátse ne kwáh kénʼen wenhnisehráhthe.”

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Zechariah 7:12

tánon wahonterhiashaní꞉rahte tsi ní꞉ioht nonén꞉ia. Tiorì꞉wa tsi iáh tehonahtahonshatáhton ne karihonnienhní꞉tshera iewahkatheniénton rononhà꞉ke ne rotitokenséhakwe ne rohnónhnhekwe wahón꞉niseh tkèn꞉ne, kwáh í꞉ken tsi onhkenhákwen.

2 Kings 22:16

ne iononterahtse aterihwaʼnotáhtshera tsi nitsawénon raʼónháke ne Roiá꞉ner: “Kwáh kheʼrehwátahʼne ne Jerusalem ó꞉ni ratikwé꞉kon naonhkwetaʼshón꞉as, tsi kí nikaiáton ne kaiatonserákon nètho ronnontí꞉io waʼawennanóten.

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.