Daniel 8:3 - Ohiatonhseratokénti

³ Tanon eʼtho kaniatarákta teiotinaʼkarontón꞉ʼa rátsinn wahíken, tékeni tehonà꞉karonte ó꞉ni tehonà꞉kares, skáti sénha tehonà꞉kares ó꞉ni sénha onakará꞉se tsi ní꞉ioht né skáti.

Daniel 8:3 Referans Kwoze

Daniel 8:20

“Ne teiotinaʼkarontón꞉a rátsinn ne wáhtsken né tékeni tehonà꞉karonte ne iakóton ne Media tánon ne Persia raotinakeráhseras.

Daniel 10:5

Waʼkatahrakétsko tánon ónhkaʼk waʼkhéken ne kwáh waniaʼtarí꞉io iakothseronniá꞉ton ó꞉ni iakotiaʼtánhen ne kwáh kahwistanoronʼtsherí꞉io.

Zechariah 6:1

Seh ó꞉ia shonkwatetʼtsen. Ne nón꞉wa sahkatkáto ne kaié꞉ri nikasehréhtake otiónhkwas koshá꞉tens iothihiaténtons thóh tahiotihiakenʼenhátie tsi naʼthetiátere ne tehionónhtahke ne teiotwistáron otsí꞉nekwar karístatsi.

Zechariah 5:9

Wakatharahkétsko tánon tekenihiáse tekenónhkwe wahkhéken tsi khés nónh thontahkení꞉ten tsi nikaʼshátstes ne kenihnerahontsiákes kwáh tsi ní꞉ioht ne katsitenhserowá꞉nen. Watʼkhénekwe ná꞉there tánon thonsahkení꞉ten.

Zechariah 5:5

Ne raronhiakeró꞉non shé꞉kon shahathotáshi tánon rá꞉ton, “Satkátho! Sehknahótenk thontáhwe!”

Zechariah 5:1

Shé꞉kon shakatkáto, tánon nón꞉wa wahkatkáto kahorotakwenón꞉ni kahiatónhsera kátsies tsi iówerahre.

Zechariah 2:1

Wakatarakétsko tánon rón꞉kwe wahí꞉ken iontenientensthákwa asehiéie rahá꞉we.

Zechariah 1:18

Ne ó꞉ia atettsénsehra wakatʼkátho kaié꞉ri nikaʼnhakárahke né꞉ne tionónhskwarons tehiothinhákares ahothinhákare.

Daniel 7:5

Ne tekeníhaton karioʼtowá꞉nen ohkwá꞉ri neʼ teshiatié꞉ren ne nó꞉nen í꞉rate. Tsi naʼtehanawirátere áhsen nikanaʼáhtake ioienawá꞉kon, tánon iaʼkonwatewennóntienʼse, “Wà꞉s, seʼwà꞉rak kwáh tsi ní꞉kon enhskwé꞉ni.”

Daniel 6:28

Né Daniel kwáh í꞉ken tsi kaʼshatstenhserowá꞉nen tsi ní꞉ioht tsi roterihóntahkwe tsi nikarí꞉wes rotinontiióhne ne Darius tanon ne Cyrus ne Persiaró꞉non.

Daniel 5:31

tánon ne Darius né ne Mede, ó꞉nen iá꞉iaʼk niwáhsen tékeni shaʼtehaohseriiá꞉kon, wahatatiatakweʼní꞉iohste tsi kanontiioʼtsherá꞉ien.

Daniel 2:39

Né ne ó꞉nen iáh thaonsesaterihóntake, thiháte né rakó꞉ra tenshá꞉taʼne ók iáh nenʼné꞉e eʼtho tehoʼshatsténhsera tsi ní꞉se ní꞉ioht, tánon né nón꞉ne shá꞉ka ne ahsénhaton rakó꞉ra, né ne otsí꞉nekwahr karístatsi enkénhake ne rakó꞉ra, tánon raónha onhwentsakwé꞉kon enhaiatakwení꞉ioke.

Jeremiah 51:11

Sehwahiotiʼhiónnion ne kaiénkwires! Tésehwak ne tehioniatástha! Asèken ne Roiá꞉ner wahshaʼkahorhiáneronh ne rathiʼshástsʼtes ne Ronhthiʼnonhtí꞉ios ne꞉ne Medes niahathiʼnenhrahsehrónhni tsi nòhkwah ne Babylon tánon akonhwáhthonʼthe. Né kí꞉ken tsi nenh shaʼkarhiákʼthe tsi nòkwah nónhka ne iáh tehiakorihwahkweʼniénston ne Raononhshaʼtokentiʼkó꞉wah. Ne iesakonatsiatóntses ronaterihón꞉tons wahonwatirihónten, “Sewahiotiiónhnion ne sewaienkwí꞉res! Sewaweienénhta ne tesewanientenstáhkwa!

Isaiah 44:28

Ónhka sakawénhnis ne Cyrus, “Né kí꞉ken nakonkwéta sakónonne teiotinakarontónha, tánon akwé꞉kon thóh nenhá꞉iere tsi niwakenikonró꞉ten”; tánon ónhka sakawénhnis ne Jerusalem, “Kwáh kí enskakwahtákwenhke,” tánon ó꞉ni nononsatokentiʼkówane, “tánon enkakwahtákwenhke tsi enwanitskwáhren.”

Isaiah 21:2

Né꞉ne kwáh ioriwaní꞉ron tsi ní꞉ioht tsi wahontʼró꞉ri; tánon ne ranikonrátha, sakotenhnínons, tánon ne sakotónhtha ratóntha. Thóh iaháse, Ó Elam, tetswának, Ó Media; akwékon tsi niʼtsiakahonníserens ahónha iorihonhníhon kwáh kí èntsake.

Isaiah 13:17

Satkátho, wakheioriáneron ne Medes niaʼsakonatsatónhti, ronónha ne iáh othènen tehatikweniénstha ne kawistaráken tánon iáh ne tehotinikonrotákwahs nowistanóron.

Esther 1:3

Ahsénhaton niiohserà꞉ke shihonontí꞉io waʼhakhwá꞉ren, akwé꞉kon wahshakohón꞉karon ne ronateríhonte. Ók ó꞉ni ne ronterí꞉ios ne Persia tánon Media eʼthó rón꞉neʼskwe, ók ó꞉ni ne ratikoráhshon tánon ne é꞉neken thonátteʼs tsi kakorahseraké꞉ron.

Ezra 4:5

Kwáh ó꞉ni wathonwathitsikhetá꞉roseh ne Persia kakorahsehrakónsons rothihiò꞉te ne nahonwathihiotatʼtse. Thóh ki nihatiié꞉rakwe kwáh tsi nikarì꞉wes ne iehotkoráston ne rakó꞉raʼkwe Cyrus tánon tsi iahononhtí꞉ione ne rakó꞉raʼkwe Darius.

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

1 Chronicles 21:16

Né Táwit wahó꞉ken ne raronhiakeró꞉non tsi ioweráhre nón꞉we níreskwe, roienawákon ne raʼosarekówa, rotateweienhnentáhon nahatenaténtʼtho ne Jerusalem. Ethó꞉ne ne Táwit tánon nonkweʼshón꞉as sakotiʼhenténhse—ratiʼkwé꞉kon káiare ronatʼtseronhniáton—ehtàke tsi wathontsákeʼte, kwáh ohontsáke tsehatiʼkónshaʼien.

Joshua 5:13

Tsi nikarì꞉wes ne Joshua ákta ne Jericho í꞉reskwe, thonthaiawénstsi wahóken rónhkwe rahohénton í꞉rathe, waʼsarowá꞉nen raháwe. Ne Joshua rahiatákta niaháre tánon wahoriwanóntonhse, “Í꞉se ken nénska akonhkwè꞉ta ne ronhterí꞉ios, katónken thetewatà꞉tsons?”

Numbers 24:2

Tánon washakóken nonhkweshón꞉ʼas NÍsraerʼró꞉nonke sók sotitiokwát꞉tson tsi ní꞉ioht tsi ronatatohserótons. Né꞉ne rahonikónhra ne Rawenni꞉io tsiakoniaró꞉taron,

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.

Revelation 13:11

Eʼthò꞉ne wahí꞉ken ó꞉ia katsinoniowá꞉nen thontaronhontsiót꞉kawe; tékeni teonakáronte tsi niiót ne teonakarontónha tánon thóh niiót tsi roʼtá꞉re tsi tsiiót ne rononwarontiétha.

Daniel 8:2

Eʼthóʼne tsi wakatkáhto thontaiawénstsi tsi tekanátannhen né Susa né tsi watonhwentsá꞉ien ne Elam í꞉kes, kaniatarákta ne Ulai eh ík꞉tahkwe.