Daniel 7:23 - Ohiatonhseratokénti

²³ Ne kí꞉ken ne tekarihwathé꞉ton taión꞉kon: Thí꞉ken kaieríhaton karioʼtowá꞉nen né ne kaieríhaton nikanontiioʼtsherá꞉ke nonhontsaʼkéhkha ó꞉ni kwáh iáh thé꞉nen thaʼtaonsakaierón꞉taraʼke ne ronatiaʼkéshon rotinontí꞉ios. Kwáh tsi niiohóntsa tsi tenshakonénhstiaʼke ó꞉ni tenshakohskwáseren.

Daniel 7:23 Referans Kwoze

Daniel 2:40

Tánon thò꞉ne káti shé꞉kon kaieríhaton ienshatotáhsi ne rakó꞉ra, eʼtho nenhaʼshátsteke tsi ní꞉ioht ne karístatsi, tsi naʼtewattokwátha tánon kwáh akwé꞉kon niaʼtekahríhtha, tánon kwáh né karístatsi akwé꞉kon niaʼtewattokwá꞉tha eh kiʼ ní꞉ioht tsi tenwattókwate ó꞉ni teniakohskwà꞉serahkwe ratikwé꞉kon ne thotihén꞉ton né ratikoráhshon.

Daniel 7:7

Tsi nikarí꞉wes wakateró꞉ron, kaieríhaton ne karioʼtowá꞉nens sahatotáhsi kwáh í꞉ken tsi raʼshátste, tiotónʼnek tsi ní꞉ioht tsi nonwátteron. Tsi nikowá꞉nens karístatsi ranoʼtsó꞉ton teshakonénstiaʼks né ieshakotiaʼtónties, tánon teshakohskwaʼserónkwas. Iáh thaʼteshontié꞉ren ne ronátiaʼke karioʼtowá꞉nens, kí꞉ken oié꞉ri naʼtehoná꞉karonte.

Luke 2:1

EH NONȢE siȣenniseratenion ȣaharihoȣanate n Cesar-August nʼakȣekon nonkȣeokon aiontatsennaren.

Daniel 7:22

Nok tsi niká꞉ien ne Ronheʼón꞉we, tánon waharí꞉wenhte, ne tahshakóhnhe ne Roʼshatstenhserowá꞉nen Rawenni꞉io raotióhkwa. Ó꞉nen iaʼkáhewe ne Rawenni꞉io raotióhkwa nahatiié꞉na ne kanontiióʼtshera aoʼshatsténhsera.

Daniel 7:24

Thí oié꞉ri nikanaʼkará꞉ke né ne oié꞉ri nihá꞉ti rotinontí꞉ios ronnónha enthatiniarotárhoke ne tsi kanontiioʼtsherá꞉ien. Eʼthó꞉ne thiháte ronnontí꞉io enshatotáhsi; kwáh ne í꞉ken tsi thiháte tsi ní꞉ioht ne thotihén꞉ton, tánon enhshakoʼshén꞉ni ne áhsen nikanontíioʼtsherá꞉ke.