Daniel 7:18 - Ohiatonhseratokénti

¹⁸ Eʼthó꞉ne ne raonkweʼtaʼshón꞉ʼa ne Roʼshatstenhsherowá꞉nen Rawenni꞉io enhatiié꞉na ne kanontiióʼtshera aoʼshatsténhsera ó꞉ni tsi nén꞉we enhonatienawaʼáhston.”

Daniel 7:18 Referans Kwoze

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Revelation 5:10

í꞉se waseiónhnien né꞉ne ronhnonhontsakeró꞉nons ahón꞉ton tánon ratiʼtsihénstatsis tahonahonwahiò꞉tenhse nón꞉kwa Ní꞉io, tánon ronón꞉ha enthatiniarotároke ne tsi ionwenhtsá꞉te.”

Revelation 20:4

Eʼthó꞉ne wakatkáto anitskwáras, tánon tsi niká꞉ien né꞉tho ratitskó꞉tons thonwaná꞉wi ne kakweniá꞉tsera ne tahatiiatórehte. Kwáh ó꞉ni waʼkéken tsi nihá꞉ti ne ronwaʼtiniaʼrhiát꞉khon ne tsi nihonwariwanirá꞉ti ne Ié꞉sos tánon ne raowenhnaó꞉kons ne Ní꞉io. Ne ronón꞉ha iáh ne tekonwashén꞉naien ne kaʼtsi noniowá꞉nen raohiatónhni tánon iáh teotiiená꞉on ne tahonwatikenkwaraiá꞉tonhke khóks ó꞉ni ne rontsá꞉nakes. Sahontonnhéte tánon waontkoráste tsi ní꞉iot ne ronhnontí꞉io skátne ne Kerístos ne énska tewenniawehetseráhsen niioserá꞉ke niká꞉ris.

Daniel 7:22

Nok tsi niká꞉ien ne Ronheʼón꞉we, tánon waharí꞉wenhte, ne tahshakóhnhe ne Roʼshatstenhserowá꞉nen Rawenni꞉io raotióhkwa. Ó꞉nen iaʼkáhewe ne Rawenni꞉io raotióhkwa nahatiié꞉na ne kanontiióʼtshera aoʼshatsténhsera.

Psalms 45:16

Í꞉se nakenontí꞉io í꞉ken kwáh wé꞉so ensanekenteronhtseraiéntaʼne tsi tesehsenatʼthákwen ne sesottonhkonhkénʼen tsi rotinontí꞉iokwe; tánon ensehkorasthánion tentatíraʼne nonhontsakwékon.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

1 Corinthians 6:2

Iáh kén tesateriéntare tsi Rawenni꞉io rahonkwetashónʼa tehatihiatórethe tsi ionwenhtsiáte? Iáh kén teshahkwékon tashahtorétake ne kén nihioriwáhshas?

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Isaiah 14:2

Tánon ne ronhnonhonʼtsakerónons kwáh ienhonwatiʼiathénhaʼwe tánon tsi thatiʼterónhton nón꞉we ienhonwatiʼiathénhaʼwe, tánon tsi ronónshoʼte ne Israel kwáh ensakotiénawasʼte ne ronnonhontsaʼkerónons ne ne rotiskenrakéte tánon ne tsonatʼthonwísens kontiná꞉tsheras ne tsi rahonhontsáien ne Roiá꞉ner; kwáh kí ensakotiʼienenháton tsi nikáien ne ronwatiʼiénaskwe, tánon ensakonatʼkóraste tsi nikáien ne ronwatironhiakéntha.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Daniel 7:17

Wahén꞉ron, “Kí kaié꞉ri nihá꞉ti karioʼtowá꞉nenʼs ne tekarihwakentónhkwen ne kaié꞉ri nikanontiioʼtsherá꞉ke tenthatí꞉taʼne ó꞉ni enhatiʼshátstenʼne ne tsi ionhwentsià꞉te.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Obadiah 1:17

Ók tsi ionontáhere ne Zion ótiaʼkeʼs enhieʼniá꞉kenʼne, tánon kwáh enionatatokénhtiʼke. Tsi tahawatsiratátie ne Jacob tsi kwáh enhonawenkhón꞉weke nohóntsa.