Daniel 7:13 - Ohiatonhseratokénti

¹³ Tsi ní꞉ioht tsi waʼkatkahthóseron ne tsi niwahsón꞉tes, kwáh né ne ón꞉kwe teskaieróntare tsi wahíken. Tsi nón꞉we ní꞉keʼs nontahawenonhátie teiotshátare ne raiaʼtákta, tánon eʼtho niaháre tsi niká꞉ien ne wahónnise shihrónnhe tánon waʼthonwatenròseron.

Daniel 7:13 Referans Kwoze

Matthew 26:64

Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.

Luke 21:27

Nok ethone oni onen enhonȣaken nonkȣe Roienha otsikerakesson natenthaȣenonhatie kasastenserakon oni Kaiatanerakȣatserakon.

Revelation 14:14

Eʼthò꞉ne iakatkátho, tánon thoiotsikerá꞉re katsikeraʼrá꞉ken, tánon ne renskó꞉te notsikerá꞉ke ne teshiatié꞉ren Ronwaiénha nónkwe, owistanó꞉ron í꞉ken rononwaró꞉ron, tánon ne ne hioiotí꞉ie iontkwirhiástha rahá꞉we!

Matthew 24:30

Ethone onen ontkaieronnine karonhiake nʼOnkȣe Roienha raotenientensera, ethone oni oni akaon ȣentsiakȣekon nonkȣe enhiakaonsenanion enhiontatonstskȣenaiaakhonseke, enhonȣaken oni nʼOnkȣe Roienha tare tsi taiotsikeraronniontie karonhiakeson, enthokȣeniatseroȣanenhatie enthoiatanerakȣatonhatie oni.

St. Mark 13:26

Ethone enhonȣaken nonkȣe Roienha otsikerakeson natentre, enthosastenseroȣanenhatie enthoiatanerakȣatonhatie oni.

Matthew 25:31

Ne nonen tentre nʼOnkȣe Roienha enthoiatanerakȣatonhatie, tenthonȣanitiokȣatontie oni ne raoronhiakeronon okon, nok ethone enhennistskȣaren ne raonistskȣaratseranerakȣatserakon.

John 3:13

Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.

Revelation 1:13

tánon ashén꞉non nón꞉we kíʼ wathaseranihiontháhkwa waʼhí꞉ken saiá꞉ta kwáh tesiatié꞉ren nón꞉kwe roién꞉ha, ne rotieronhniáton ne waʼkó꞉ses tánon owistanó꞉ron niwashohkó꞉ten ská꞉ti nokwá꞉ti khók rotentskweʼnorónkton.

Matthew 13:41

Onkȣe Roienha enteshakotori ne Raoronhiakeronon okon, neh tenshatiiestahsi ne Kariȣaiesatatsera ne raonakeraserakon, nok oni ne iakoriȣare ne ȣahetken.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Acts 7:56

“Sewatʼkátho!” wahénron. “Wakatʼkátho watewateronhiakʼkhási tánon ne nónkwe roiénha tsi raweientethákwen ne Rawení꞉io Í꞉rahte!”

Hebrews 9:24

Asèken ne Kerístos iáh thóh tiehotawehiáton tsi Tionáktaien ne Iotokénti ne ónhkwe akosnónsha ahióshon, né tekananetákwen ne kwáh orihwí꞉io íken. Kwáh karonhiáke nónhwe nieʼshawénon, thóh nónhwe ónenh iésres í꞉i onkwahriwáhke rahohénton ne Ní꞉io.

Daniel 7:22

Nok tsi niká꞉ien ne Ronheʼón꞉we, tánon waharí꞉wenhte, ne tahshakóhnhe ne Roʼshatstenhserowá꞉nen Rawenni꞉io raotióhkwa. Ó꞉nen iaʼkáhewe ne Rawenni꞉io raotióhkwa nahatiié꞉na ne kanontiióʼtshera aoʼshatsténhsera.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Hebrews 2:14

Tsi ne ratikʼsaokónha, tsi nisakonatónkwah, tsi ónkwe íken rotiwáhrare ó꞉ni rotinekwénsa, ne Ié꞉sos né꞉ne kwáh ronónha waháton tánon wahsakotiátaraʼse kwáh tsi niʼiorihóten tsi ronónnhe. Né kíʼ aoríwah thóh nahá꞉iere tsoríwah tsi rawenhéion nontiéren enhothónte ne ranesonrónon, roshatsʼtenseráien tsi nòkwah ne kenhéion,

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Daniel 7:9

Tsi náhe tekkà꞉nere, ne ontanitskwahraʼtsherotónnion ne wanitskwahraʼtsheranó꞉rons. Raónha tsi niká꞉ien ne shironnheʼón꞉we ó꞉ni tsi nén꞉we enhrónnheke, sewanitskwahràhtsera tsi nón꞉we nahá꞉tien. Né raoʼtsherónnia eʼtho nikarà꞉ken tsi ní꞉ioht ne ó꞉niehte, tánon ne raonónhkwis ne shá꞉ka tsi ní꞉ioht ne aʼóskon ononwéhron. Ne raonitskwà꞉ra, ne iokahkwenʼtontáhkwen né ótsire, kwáh kenʼtonhkowá꞉nen tsi iotéʼkha.

Ezekiel 1:26

Éhnekenh ne tsi karonhiáte ne꞉ne éhnekenh ne tsi ronahtenonhtsistatónhnions knahótenk tsi shí꞉ken ní꞉ioht nahtniskwáhra ne꞉ne tehioterónhionte onénhia nahóten ionhniáton, tánon ne atnistskwáhrahne renskwáhere teskaierónhtare ne ónhkwe akénhake.

Psalms 47:5

Né Rawenni꞉io ionsahattharáthate raonitskwárane ionhsahá꞉tien. Tehiakohenrétha tsi nihiakoktsienhnónhni, tánon ne ronhterenhnót꞉tha rotihonrawáʼton tsi nonhsahattharáthate ne Roiá꞉ner.

John 12:34

Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?

John 5:27

Raonha oni rokȣeniatseraȣi ne tasakoiatorete, aseken Onkȣe Roienha.

Jeremiah 49:19

Tsi ní꞉ioht ne kénreks thontaharókʼkaʼwe ne kwáh ioterahtó꞉hon ne kaniataratʼtóntie ne Jordan tsi nieʼiawénonh ne kahentí꞉io konwahtiʼterontákwah, kwáh èntʼke tánon enkhehiónnien ne Edomró꞉nons thentsawénhstsi enhontèko ne rahotiʼnakerahseráhkon. Ethòne enhihiataráhko ne rahnenhrahkweʼní꞉io nashaʼkokkórasʼte nonhkweshón꞉a. Ónhka aiekwéni ne ónhkak tahontahionkateniéntenste? Ónhka áienre nahionkenenhrótʼthaʼse? Nahakorahseróh꞉ten ahakwéni nahatsotátʼtshe tsi niwahkatenikonhríson?

Matthew 8:20

Tontahenron ne Iesos: Iohnatsonhionton naha ne Tsistso, nok kontsinakonni notsitenhokonha; Nok ne Niio Roienha akȣekon iah tehoien natkonsera.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Luke 24:27

Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

1 Thessalonians 4:17

éhʼthoʼne tsi nítion nentiónnheke neh nenkaháwike skát꞉ke tsi enhionkhihiataróhroke tsi iotsiatarónnion nónwe natentewahtátʼken ne Roiá꞉ner. Kwáh káti tsi nénwe tsi Roiá꞉ner entewahkwekónhake.

Psalms 110:2

Né Roiá꞉ner Zion nón꞉we tahaténieʼte ne kasháste sáhnia. Né énshaste nasehiatkóraste ne ieshá꞉shons.

Daniel 7:2

tsi nahò꞉ten waʼkatkátho ne thó ne wahsontátehkwe: Kwáh tsik nonwéhshon nitiowerénha ó꞉ni kwáh í꞉ken tsi ionontowá꞉nens ionontakwarontóntieʼs ne kaniataraʼkehkó꞉wa.

Daniel 7:12

Ne ronatiaʼkéshon ne karioʼtowá꞉nens wahonwatiʼshatstenhseráhkhwa, nok wahonwatiríhon shé꞉kon kwáh tókenʼk tsi nikarí꞉wes aonsahonnónnheke.

Daniel 8:15

Í꞉i Daniel kateniénthakwe naonkenikonraién꞉taʼne tsi nahò꞉ten kéntonhs neʼtho atetshénsera, ók thontaiawénstsi ónhkaʼk akhén꞉ton waʼtié꞉taʼne, kwáh ne teskaieróntare ne ron꞉kwe.

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.