Daniel 6:3 - Ohiatonhseratokénti

³ Daniel kenʼk nikarí꞉wes sók wahrènehste tsi sénha raónha raioʼtenhserí꞉io tsi ní꞉ioht né ronatiaʼkèshon ne ronttókha tánon ne ratikoráhshon. Né tsi sénha raónha rateʼnikonhrattókha, ne ronnontí꞉io waʼthaiaʼtó꞉rehte raónha ohén꞉ton iaʼtahótahste kwáh tsi nihonontiióʼtshera.

Daniel 6:3 Referans Kwoze

Daniel 5:14

Wakahrónken né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni sarennhà꞉onʼ ó꞉ni íhshawe ne attokháhtshera ó꞉ni ne kaʼnikonhraientáhtshera.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Daniel 5:12

Kwáh shónhtek thí꞉io tsi nihateʼnikonhrattókha ó꞉ni roʼnikonhrowá꞉nen tánon rorennháon nahaʼnikonhraiéntahte natetshénseras, tahaniʼtonníahsi ó꞉ni nahaʼnikonraiéntahte ne ioteriʼwahséhton; káti iaʼtshínonk ki rón꞉kwe Daniel, né ne ronnontí꞉io rohsenná꞉wi ne Belteshazzar, tánon raónha akwé꞉kon enhiahró꞉ri nahò꞉ten thi kahiá꞉ton nahshonhtà꞉ke ó꞉ni tsi ni kéntonhs.”

Esther 10:3

Kí꞉ken Sitaeró꞉non Mordecai tekeníhaton é꞉neken rotirihón꞉tahkwe; Ronontí꞉io Xerxes khok sénha é꞉neken roterihón꞉tahkwe. Ronwakweniénhsthahkwe ne Mordecai tánon akwé꞉kon nihonwanón꞉weʼskwe ne ronatiaʼkéhshon Sitaeró꞉non. Wahoióʼten ne ioiánere raotirihwà꞉ke ne raonkweʼtaʼshón꞉ʼa tánon skén꞉nen ahonnonhtonniónhake ne takahwatsiratátie.

Daniel 9:23

Shontahsatáhsawen, watshaniténhten ne Rawenni꞉io, waʼthiarihwaʼserákwaʼse. Ianorónhkhwa ne Rawenni꞉io, né kátiʼ aorì꞉wa kénʼen nontá꞉ke naʼontakonhroriá꞉na nahò꞉ten kénton. Kwáh satahónhsatat tsi nenkeʼnikonhraiéntahte natetshénhsera.

Proverbs 17:27

Nónhka ronaterién꞉tare tsi nihontiéhrha iáh tió꞉konteʼ tehotíhthare. Nón꞉kwe ne thaʼtehonató꞉te ratikaʼenionhtsherí꞉io.

Ecclesiastes 2:13

Óh, wakateriénthaʼre, “Natʼtokáhtshera sénha ne iohiánere tsi ní꞉ioht ne ononhwaroʼríta, tsi ki ní꞉ioht ne teioswátʼthe sénha ne iohiánere tsi ní꞉ioht ne tetsiókaras.

Nehemiah 7:2

eʼthó꞉ne tahí꞉ion ne iatiathateʼkénha Hanani, tánon Hananiah, ne rakó꞉rahkwe ne tsi ronón꞉shote ne ronnontí꞉io, nahontahaniarohtaró꞉ke ne Jerusalem; asè꞉ken rotonkwetakwahrí꞉shionkwe rónkwe tánon rotsá꞉niskwe ne Rawenni꞉io sénha tsi ní꞉ioht ne iakotiohkowá꞉nen.

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”

Ezra 4:22

Kwáh ó꞉nenk thóh ná꞉tier, ne káti nahónton ne tó꞉sa shé꞉kon ahonsontkarón꞉ni nakerihwaʼshón꞉as.”