Daniel 6:2 - Ohiatonhseratokénti

² Tánon ó꞉ni iahawénhtate, Daniel tánon ó꞉ia tehniiáhshe wahshakoiaʼtará꞉ko ne ahonwanatenʼnikonhrahsontérhahse ne ratikoráhshon ó꞉ni ne ahontenʼnikónraren ne ronnontí꞉io raorihwaʼshón꞉ʼa.

Daniel 6:2 Referans Kwoze

Daniel 5:29

Kwáh óʼksaʼk ne Belshazzar wahshakóhnhaʼne ne raonhaʼtsheraʼó꞉kon né ne kwáh è꞉neken tiiótte ne kakwenienstáhtshera tsi ahonwakwénienste ne Daniel né ahonwaiá꞉tawiʼte ne arihwawaʼkonhnéha waʼkóhses ó꞉ni né ahonwénhtiake ohwistanó꞉ron oronkwáhsa ó꞉ni ahsénhaton niaʼthótahste tsi wahorihónten ne tsi kanakerahserá꞉ien.

Daniel 5:16

Ó꞉nen wakerihwá꞉roke tsi skwénieʼs ne ahserihotáhsi tsi nikéntonhs ó꞉ni ne ahsheʼnikonhraiéntahten ne ioteriʼwahséhton. Tó꞉kaʼ enhskwé꞉ni nahsewennahnó꞉ten ki kahiá꞉ton tánon enhsekró꞉ri nahò꞉ten kéntonhs, ne enhshié꞉na ne kwáh è꞉neken tiótte ne kakwenienhsthátshera tánon ne ensehsatsherónniaʼte ne waʼkóhses ne arihwawaʼkonhnéha niwahsohkó꞉ten, ohwistanó꞉ron enhsaníhtiake, tánon ne tsi kanakerahserá꞉ien ahsénhaton niénhstake tsi ensaterihóntake.”

Esther 7:4

Í꞉ʼi tánon nakonkweʼtaʼshón꞉ʼa waʼonkhiiatenhní꞉non ne aionkhiiaʼwéntho. Tóka iáh tho thaiorihowanénhake nek ne shí꞉ken iakwanáhskwa akénhake, thaʼtaonkwatotá꞉ton tánon iáh thaʼtakonʼnikonhrhará꞉ʼon ne thó꞉non niiorihwà꞉ke; nók ó꞉nen thó꞉ha aionkhí꞉rio tánon aionkhiiàhtonʼte!”

Ezra 4:22

Kwáh ó꞉nenk thóh ná꞉tier, ne káti nahónton ne tó꞉sa shé꞉kon ahonsontkarón꞉ni nakerihwaʼshón꞉as.”

1 Corinthians 4:2

Énskat tsi nahóten kariwahnóntons tsi nòkwah nètho kanhátsheras né꞉ne ahotiriwahtokénhake tsi nòkwah ne rahiatakweʼní꞉io.

Luke 16:2

Iahononke, ȣahaȣenhase: oh nahoten keriȣaronkas nise sariȣake? Skontseraseronni kati tsiniiot tsi saterihonte; aseken iah ki sekon noia kenh tiiaonsasiere nakaȣenk sonha.

Matthew 18:23

Ne ȣaonni ne testiatieren ne Karonhiake Tkanakeraseraien tsiniiot ne Ronontiio, ȣasakokontseratironten ne raonnhatsera okon.

Proverbs 26:6

Tókaʼ entsheríhon ne tehotenonhwarorí꞉tonte naharihwakaré꞉ni ne orihwaʼshón꞉ʼa, shaʼté꞉ioht ne àhshiaʼke sahsiʼtà꞉ke; seriʼwanóntha ne tahsaʼnikonhrhá꞉ren.

Proverbs 3:16

Attokháhtshera tiakó꞉wis naiakonhnhé꞉son tánon kakwenienhstáhtshera tánon kakwahtshéhsera.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”

Daniel 6:1

Ne shahonontí꞉ioʼne, ne Darius iaʼthoriwaién꞉taʼse énska tewenʼniáwe tánon tewáhsen, tsi ní꞉ioht tsi waʼthenhnárihte tsi niwatenáhskwa ne raonakeráhsera, énska ó꞉ni tewenʼniáwe tánon tewáhsen niionkwè꞉take wahshakorihónten ne ahontkorahserón꞉ni ne raonakerahserá꞉kon.