Daniel 6:16 - Ohiatonhseratokénti

¹⁶ Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Daniel 6:16 Referans Kwoze

Job Tánon ne Raoronhiakensera 5:19

Kwáh enhiaiatanónsthate ne iá꞉iak nihiorì꞉wake ahisateraskwáksenhne; ne tsatá꞉khaton nienwatéraste iáh thaóthen ne kakaronhniá꞉tshera tiahisaié꞉na.

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Acts 25:11

Tóhka tewatiákon ne kaianerénsersa tánon kniwakatiéren neh tsi tahonkaténtion ne kenhéiat, iáh tekeriwanóntʼtha nakeniákenne neh kenheiát꞉ne. Nók tóhkaʼ iáh thènen tekáien nakariwaniráton tsi nihionkeriwáros, iáh ónhka taiekwéni ne iahionkátʼkaʼwe ne ronónhake. Caesar enhinéken.”

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Romans 13:3

Neh rathikóras iáh thateiothonwentsióhon nahonwathitsianíhseʼke nónka neh iohiánere tsi nihontiérha, nók neh tsi niháti neh kariwáksen tsi nihontiérha. Asenónweʼne kén níse neh tóhsa ashetʼtsaníhseke ne rathikóras? Neh kih thóh náhtier neh ioiánereh, ó꞉ni teniesarénsaron,

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Jeremiah 38:5

Ronnonhtí꞉io Zedekiah wahtariwahsehráhko, “Kwáh ioiánereh, káti, kwáh thóh nahsewáier tsi nísehwehre ne rahonháke; Iáh takʼkwéni ne thakwáhtasʼthe.”

Jeremiah 26:14

Tsi nòkwah ní꞉i, Sehwahshastsʼtenserákon wahkataténron! Thóh naʼthakwahiéras tsi nísehwereh ne tkariwaiéri ó꞉ni ioiánereh.

Acts 25:9

Nók kíʼ ne Festus rérahkwe nahontasakonikonraiérite ne Sitaeró꞉nons, sók kíʼ wahoriwanóntonse ne Kór, “Ahsenonwenéken ne Jerusalem nónwe niáhse tánon thóh nónwe akʼkénton taiesaiatórete kíʼ ken nahorihótens?”

Acts 24:27

Shonthóhetste ne tehioseráke, ne Porcius Festus tonsahonakʼthákwen ne Felix tsi rakóraʼkwe kènʼne. Felix rérahkwe nasakonikonraiérite ne Sitaeró꞉nons sók kíʼ wahonóton ne Kór.

2 Corinthians 1:10

Rawenni꞉io sahshonkwaiá꞉tako tsi ní꞉ioht tsi teionkwatenharenʼronhkwén꞉ni ne kenhé꞉iat, ó꞉ni kwáh orihwí꞉io waʼatión꞉ni tsi shé꞉kon eh nenhsáh꞉iere.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 38:6

Sók kíʼ iahontiaténhaʼwe tánon ahsehríhie wáhonsthe tsi iahontsiátenthe ne Malchiah rahonahwehráhkon, né꞉ne kanonhtiʼiotsherákon ahotenhénrahkon nónhwe nihionahwehróh꞉thaʼkwe. Iáh tekahnékhoʼkwe nonhawehráhkon, onahwástat khók íken, tánon thóh iatkóʼsehrenʼne.

Jeremiah 39:17

Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.