Daniel 6:10 - Ohiatonhseratokénti

¹⁰ Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Daniel 6:10 Referans Kwoze

Psalms 55:17

Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

Acts 5:29

Tiér tánon ne ronátiaʼkes waʼthatiriwaseráko, “Ónenk tsi Rawení꞉io ensakwawénʼnaraʼkwe, iáh nónkwe.

Psalms 95:6

Ó ká꞉sewe, ánion entsitewasénhnaien tánon tethewatʼtsáket raohénton, Ánion tethewathentʼtsóten rahohénton ne Roiá꞉ner, ne shonwahiatíson!

Hebrews 13:15

Ánion tewahtátʼrek, káti, tiotkonʼhónwe ietewáhtat ne kanonwerahtóntshera rahonháke ne Rawenni꞉io né꞉ne onkwahtaʼtewenhniʼiótshera tsi nòkwah ne Ié꞉sos, né꞉ne iewatʼkáwenh tsi nitiawénon ne tsi ieshakáronthe tsi nihiákon ne iakoriwahniráhton tsi rahónha ne Roiá꞉ner.

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

Psalms 34:1

Kwáh kíʼ tiókonte tsi tenhinonhweratónhsehke ne Roiá꞉ner; kwáh iáh nonwénton takát꞉kawe tsi tehinonhweratónhnions.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Acts 9:40

Tiér akwékon átste nonsontáti hiahóti, tánon waʼtatentʼtsióten wahaterénnaien; etʼthóhʼne tonsahatʼkaraténi thoʼnionsahatiérate tsi non nikahiatáhere tánon wahénron, “Tabitha, satʼkétsko!” Thonsontʼkakwarísi, tánon nónen sahóken ne Tiér sonnitskóten.

Jonah 2:4

Eʼthoʼne waʼkí꞉ron, Ó Saiá꞉ner, takwateʼkwáhton ne tsaʼtà꞉kta, oh ní꞉ioht tsi shé꞉kon aonsakatkátho ne Sanonhsatokénhti?

1 Kings 8:54

Nó꞉nen ne Solomon saharihókthen tsi roterenhnaiénthakwe rahonháke ne Roiá꞉ner, ohénton ne ietienharákwahke wathátaʼne, tsi nónhwe naʼterenhtsióthaʼkwe tsi ronenhtsakétskwenhne.

1 Kings 8:44

“Nónen enshé꞉nahne ne shonkwetaʼshón꞉as nahonterihiósehra ne tehontátʼtsons tánon sonháke ienhonterénhnaien, né kwák tsikʼnónhwe nenhonhnésheʼke, né kanatowanénhke ne saráhkwen tánon ne kí꞉ken Ononsatokentiʼkówa ne konhnionhsonhniénhni,

Ephesians 3:14

Neh kíʼ wakarihónni wakʼkatentʼtióten rahohénton ne Kaníhsera,

Acts 10:9

Nóhia sahiórenne, tsi wahonathaiʼtákene ónen ákta sihónne ne Joppa, Tiér karonkwénake hiaharátʼten káknon ne éntie síkare nahaterénʼnaien.

Daniel 6:13

Eʼthó꞉ne wahonwahró꞉ri ne ronnontí꞉io, “Daniel tsi niká꞉ien ne thonwarekwáhton ne Judah, iáh tehiakweniénstha Sanontí꞉io iáh ó꞉ni teharihwakweniénhstha ne saianerenhseríhson. Kwáh iorihwató꞉ken ne áhsen nienwá꞉teratste raterénnaiens né sewénhnisera.”

Hebrews 4:16

Áhnion kíʼ ionkwahnikonrahnirónhak, káti, tánon ákta ítewet ne Rawenni꞉io raoniskwáhrahne, thóh nónwe tkáien ne kenténrat. Thóh nónwe entewahiénna ne ataniténron ó꞉ni entewahtiénri ne kenténrat naionkwahiénawahse nónen thenionkwahtonontióseh.

1 Kings 8:38

satahónsatat ne rahonaterénhnaiens. Tó꞉ka nónhkak ne shonkwetaʼshón꞉as Nisraerʼró꞉nonhke, né tsi nihontʼthókas ne ronhné꞉riaʼne tsi nihotinikonhrákʼsens, iathahonhnenhtsáthaʼte aterenhnaienthatsherákon ne kénʼen Nononsatokentiʼkówaʼne nónhwe,

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Acts 20:36

Saharihókʼten ne Kór, wahtatentʼtsióten tánon skátʼke tsi wahonterénnaien.

Nehemiah 6:11

Ók tsi niwaton, “Teiotonhontsohon ken ne rón꞉kwe tsi ní꞉ioht ní꞉i nahateko? Tánon teiotonhontsohon ken ne rón꞉kwe tsi ní꞉ioht ní꞉i niahatawehiá꞉te nonnonsató꞉kentikowane nahanónstahte tsi rón꞉nhene? Kwáh kíʼiáh tiá꞉katahwehiate!”

2 Chronicles 6:38

Tó꞉ka ne thóh nón꞉we tionhontsáien kwáh thó꞉kenske tánon orihwihiohónwe enshontatréwaʼte tánon shonháke enhonterénhnaien tsi natenhontkánerenh kí꞉ken ionhontsáien tsi nitesehiáwi nonhkwahsoktsheraʼokonhkénʼen, kíʼ kénʼen kanatowanénhke né saráhkwen, tánon kíʼ kénʼen Ononsatokentiʼkówa ne konhnonsonhniénhni,

Revelation 2:13

“Wakaterièn꞉tare tsi nón꞉we nisená꞉kere, tsi nón꞉we nótkon nihotenitswaratsérote. Ne kíʼ sá꞉ka satienawáston nakshén꞉na, tánon ní꞉se iáh tesatonhní꞉en tsi thisetákwen nakonhà꞉ke iekanihá꞉rakwe tsi nihotenhniseraténionhkwe ne Antipas ne rakeriwanirá꞉tis, ne nakonkwè꞉ta ne roriwató꞉ken, ronwanonwarià꞉khon ne thisewatenrohónhne, tsi nón꞉we nótkon nihanákere.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

Acts 21:5

Nónk nónen shakáhewe ne tahonsaiakwatetʼkhá꞉si, sók kíʼ thonsaiakwatʼtáhakwe. Rathikwékon, ó꞉ni ne rontatʼronahasónhas ó꞉ni ne sakothiʼioʼokónhas, wahakwaterósen tsi sahiakwaiákenʼne ne kanátakon atsiákʼtha niaʼhákwe, thóh nónwe iakwakwékon watsiakwatentʼtsóten tánon wahakwaterénnaien.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Acts 7:60

Wathatetʼtsióten tánon wathohénrete tsi nihawén꞉na, “Saiáner! Tóhsa sehiárak kí꞉ken kariwáneren ne rononhákes!” Neh sahénron warénheie.

Acts 5:20

“Wáhs ononsatokéntiʼke niahásehʼne, tánon akwékon itʼtsiróri nonkwesónhas kí꞉ken áse atónnhets.”

Acts 4:29

Tánon nónwa, Saiáner, satahónsatat tsi nahonráhrasthe, tánon takwaríhon, I꞉i ne sonkwetaʼsónhas, nahiakwatʼróri ne sateriwahʼnothátsera ne kwáh aionkwanikonrahníronke.

Acts 3:1

Énskat wenniseráteʼkwe Tiér tánon ne Sán Ononsatokenʼtí꞉ke niahá꞉ne ásen sihiowistáhe ne iothohetsthonʼnéntie, tsi nikaháwi ronterénʼnaiens.

Acts 2:15

Kí꞉ken ronnónkwes iáh tehotinèkas, tsi neʼsewénron; ón꞉wak khók tióhton niʼiohwistáhe noronké꞉ne.

Luke 22:41

Isi niiore niiahare, neh nahoten nenskat iaiakohnenhionti, nok iathatonstsoten nok iahaterennaien.

Luke 14:26

Onkakiok raskaneks naiakenikȣekhene; tanon iah tesakotakȣasȣens, roniha, ronistenha, rone, Sakoienhokonha, rontennosenhokon oni rontatekenhokon iehiohe nakȣa raonha tsi ronnhe, iah onkiatenro teȣatonsere.

Psalms 86:3

takithénrat, Ó Saiá꞉ner, asèken kontatsekó꞉wa shonháke iewaʼkaterénhnaien.

Ezra 9:5

Shakáhé꞉we noʼkarasné꞉ha hionterihwathenhtiátha ne karihwiiosehokón꞉as, thon sát꞉thane tsi nón꞉we niwakeʼnikonhratʼtsénskwe, tánon shé꞉kon ne niwakatieronhniáthon ne wakeratsónhkwe nakatierónhniat, Watʼkatentʼtsó꞉ten nakaterén꞉naien tánon wakanentʼtsiakétsko rahohén꞉ton ne Roiá꞉ner akeʼNí꞉io.

2 Chronicles 6:13

Né Solomon otsínekwar karístatsi nahóten rahonhniáton ne raʼteratastákwah tánon satewatenhenríʼen nón꞉we nihó꞉ien. Shatekon niwashí꞉take tehiotekerónhte tánon wísk-niwashí꞉take nitiótʼte. Iaharátʼten ne tsi rotaskónhni, wathatentʼtsóten ne nonhkweʼtaʼkwékon ahonwáken, tánon wahanenstsakétsko karonhiáke niahaiéraʼte.)

1 Kings 8:30

Satʼthóntet nakwahterénhnaient ó꞉ni ne rahonaterénhnaient ne shón꞉kwetashón꞉ʼas nónen enhonterenhnaien tsi nòkwah ki ken Ononsatokentiʼkówa. Tsi tesíteron ne karonhiáke takwatʼthónhtet tánon saskwahnikónhrens.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

St. Mark 3:3

Nok ne Iesos, ȣahaȣenhase ne roiatakenheion: Kanonsihen testann,