Daniel 4:34 - Ohiatonhseratokénti

³⁴ “Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 4:34 Referans Kwoze

Revelation 4:10

ne tewáhsen kaiéri nihá꞉ti ratirehtsá꞉ron wahatiiataién꞉taʼne raohén꞉ton tsi niká꞉ien né꞉tho renskó꞉te anitskwará꞉ne, tánon wahonwashén꞉naien tsi niká꞉ien ne raónha enrónhneke tsi nén꞉we tánon tsi nén꞉we enkénhake; thóh wahatí꞉ien ne raonanonwaró꞉re ohén꞉ton tsi wanitskwaráhserote, tehothiriwákwen, nónen thoh nenhotí꞉iere,

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Psalms 145:13

Ne sanakenásera né꞉ne tsi nénhwe enkátake, tánon ne sanonhtiʼiótshera enkátake tsi wahewatsiratátse. Né Roiá꞉ner kwáh rorihwatóken akwékon tsi nihorahráts꞉ton; tánon kanoronhkwahtsherákon renéstha ne rahohiothénhsera.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

Daniel 5:21

Rawenni꞉io wahorékwahte tsi nón꞉we nihatí꞉teron ne onkweʼshón꞉a, tánon eʼtho nahoʼnikonhró꞉tenʼne tsi ní꞉ioht ne kontírio. Skátne wahóntien ne ratirhakonhró꞉non ne tewahónhtes, ó꞉ni eʼtho ní꞉ioht tsi wahahóntake tsi ní꞉ioht ne tiohnhónskwaron teiotiná꞉kares, ó꞉ni átste raonwéhstakwe tánon tsi iáh thé꞉nen thahoiatanónhstate tsi ne ahoʼáweiaste tsi nón꞉we nihanonhwétsthakwe. Tsi niió꞉re iahoʼnikonhraién꞉taʼne tsi né seʼ ne Roʼshatstenhserowá꞉nen Rawenni꞉io tehshakoniarotárhon ne onkweʼshón꞉a ne tsi nonwéhshon niʼienakerénion tánon rokwénion ne aontahshakáon ne kanontiióʼtsheras ne kwáh tsik ónhka nen shakohiaʼtará꞉ko.

Daniel 4:26

Ne raronhiaʼkehró꞉non wahaténnhaʼne né tho aiotsinaʼahró꞉take nonhwentsià꞉ke, ne kí karihwahní꞉rats tsi shé꞉kon ensehsatenontí꞉iohste, né nó꞉nen enhserihwahní꞉rate tsi Rawenni꞉io seʼ rahsharí꞉ne ne tsi ionhwentsià꞉te.

1 Timothy 6:16

Kwáh rahonhatsíwa khók ne ronnhehónwe; kaskwatʼthetserákon nónwe nihénteron ne꞉ne iáh ónhka taiekwéni ne aktahaiénthe; Kwáh iáh nonwénton ónhka tehonwáken; tánon iáh ó꞉ni nonwénton tahónton nónka ahonwáken. Rahónha tahonwarénsaron ó꞉ni tsi ionnheʼónwe ne kashatsʼténsera! Éhʼtho naiáwenʼne.

Micah 4:7

Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Daniel 4:3

Tsi naʼteiotenonhianíhton ne ionehrákwaʼt, Rawenni꞉io shonkwarihotahshién꞉nihs! Tsi nikasatstenhserowá꞉nens ne iorihwanehrakwahténions tsi nihaieránions! Rawenni꞉io seʼ enhonontí꞉ioke tsi nén꞉we; kwáh tió꞉konte tsi raónha enthoniarotárhon!

Lamentations 3:38

Ahioianeréhake khés nahonhetkéntake thoʼneniáwenʼne tsi nentatháti.

Isaiah 24:15

Né káti aoríhwa ne tsitkarakwínekens nokwàhti tatsítsion ne kaiatanerakwáhtshera ne Roiá꞉ner; ne tsi kawenhokwatʼtóntses ionhontsakérons ronwasenhnówanat ne Roiá꞉ner, ne Sakoní꞉io í꞉ken NʼIsraerʼró꞉nons.

Psalms 146:10

Ne Roiá꞉ner tsi nénhwe tsi enononhtí꞉ioke, né꞉ne saní꞉io, Ó Zion, né꞉ne tsi waswatsiʼratátse nió꞉re. Tehonwanonhweráton ne Roiá꞉ner!

Psalms 123:1

Saiá꞉ner shonháke nón꞉we iakaterénhnaien, Ó í꞉se ne karonhiáke nón꞉we nishístʼkote ne sanitskwahráne!

Psalms 121:1

Iatʼkatkáneren ne tsi tsiononhtarónhnions, thóh nónh꞉we natsiatakenátshera nénhteʼwe?

Psalms 107:31

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonó꞉ronhkwahtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 102:24

“O akeNí꞉io,” ká꞉ton, “tó꞉sa iathatiathénhaf tsikʼsénhak shé꞉kon kénk nitewaʼtiónha, í꞉se ne sonhnhehónwe í꞉ken ó꞉ni kwáh tsi waʼhewaʼtsiratátse enkénhake.”

Psalms 92:1

Ioiánereh séh ne tahonwaʼnonweráton ne Roiá꞉ner, ne ne tahonwaʼrihwákwahse ne kwáh éhʼneken tót꞉te;

Psalms 10:16

Né Roiá꞉ner né꞉se Nonkwahnontí꞉io í꞉ken né꞉ne tsi nénhwe tánon iáh tsahontótʼten. Nonkweʼshónhas kwáh kíʼ éʼrenh enhiontatsatenháwite ne rahohontsáke.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

John 5:26

Aseken tsiniiot ne Roniha roien ne rahonhake tharonnheke, eh ki niiot tsi roȣi ne Roienha ahoientake ne raonhake tharonnheke.

Luke 18:13

Nok ne rakarotasions otasetonke tontahatonstsoten akȣekon iah teȣatarakestskȣenhatie, nok raton tsi roterennaien: O Niio! Takitenr ȣakeriȣaneren.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Psalms 107:22

Tánon áhnion ne iehatítat tsi tenhontenonweráton tsi enkonhwateskónten katʼtsénen, tánon ne rontrórhiat ne raohiothénhseras né tsi thenhatiríhwaʼkwe natʼtsenhnoinhniátshera.

Psalms 107:15

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonó꞉ronhkwahtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 107:8

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonoronhkwáhtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 9:2

Kwáh kíʼ enwakatʼtsenhnonhníhake tánon enwakatonhnárahke ne shonháke; Kwáh kíʼ tekeríhwakwe ne kanonwerathóntsera ne sasénhnakon, Ó né kwáh éhʼneken satohesthákwen.

Psalms 7:17

Kwáh entíhion ne Roiá꞉ner ne kanonhweratónhtsera nahontakaiérihke tsi nòkwah ne raorihwaʼkwahrishión꞉tsera, tánon tenhkeríhwakwe ne kanonweratónhtsera raosénhnakon ne Roiá꞉ner né kwáh éʼneken tót꞉te.

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Revelation 10:6

tánon wahorarátsten tsi niká꞉ien ne ronhnheón꞉we ne tsi nén꞉we enkénhake, tsi raónha ró꞉shon ne tsi karonhiá꞉te tánon tsi nihioteriwátserens tsi karonhiá꞉te, ó꞉ni tsi niioteriwatséren ne tsi ionhonhtsá꞉te, ó꞉ni ne kaniatarakeʼkó꞉wa tánon tsi niioteriwatséren né꞉ne kaniatarakeʼkowáhne: “Thóh nón꞉we kwáh ó꞉nenh iáh tahonshontenhniskwáhton,

Revelation 4:9

Tánon ne nó꞉nen ne ronónhne entontkáwe ne kaiatahnerakwáhtshera ó꞉ni ne tekarénhsaron ó꞉ni kanonweratón꞉tsheras tsi niká꞉ien ne renskó꞉te nanitskwará꞉ne, raónha ne ronhneón꞉we ne tsi nén꞉we ó꞉ni tsi nienhen꞉we,

Daniel 4:2

Kwáh wakerienʼtí꞉ios nakonhró꞉ri ne iorihwanehrakwáhtenions ne Roʼshatstenhserowá꞉nen Rawenni꞉io rakerihotahshién꞉ni.

Daniel 4:36

“Né shaʼtontakeʼnikonhraié꞉riʼne, Rawenni꞉io tontahá꞉kon né kakwenienstáhtshera, nʼakenontiióʼtshera ó꞉ni naoiatanehrakwáhtshera. Nakonkweʼtaʼshón꞉ʼa ó꞉ni ne ratihsennowá꞉nenʼs tonsaionkwarhó꞉ton, ó꞉ni tontaión꞉kon né kanontiiòhtshera aoʼshatsthénhsera, tánon ó꞉ni sénha kowá꞉nen né kakwenienhstháhtshera tsi nitiohtónʼne.

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Jonah 1:14

Sók ki iaʼthotihénrehte raonhá꞉ke ne Jonah Raoní꞉io, “Ó Sewenní꞉io, ionkwaterénnaien, ne tóhsa ne kenhéionʼt ahskwahrewátahkwe tsi awèn꞉ke ienshakwaiaʼtón꞉ti kí꞉ken rón꞉kwe! Í꞉se Sewenní꞉io, akwékon eʼtho nisáhson tsi nahawénhseron; kwáh tsi naʼtesatonhontsoní꞉ne.”

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

2 Samuel 22:31

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

1 Chronicles 29:10

Thóh rahotihénton ne kanenhrakwé꞉kon Ronnontí꞉io Táwit wathononhweráton ne Roiá꞉ner. Wahénron, “Saiá꞉ner í꞉se Tiewenní꞉iokwe né shawatsotʼthonkonhkénʼen Jacob, í꞉se taiesanonhweratónhseke tsi nénhwe ó꞉ni tsi nénhwe enkénhake!

1 Chronicles 29:13

Ó꞉nenh kíʼ OnhkwahʼNí꞉io, tekwahnonwerátons, tánon teiakwahtenonhwerátons tsi nishasenhnaneráhkwat.

Psalms 66:7

né꞉ne raoshaststenhserákon tsi rahón꞉ha enhotkorástonhke né꞉ne tsi nénhwe enkénhake, tánon tesakokarenháwis ne kaiatón꞉ni ratisénhnaiens tó꞉sa sehríhon tsi nihiákon ne iesát꞉konhte nahonthatenontónhnionse ratishástsʼtese. Selah

Psalms 111:7

Akwékon tsi nihaiéra iorihwaʼtóken tánon tkarihwaʼiéri í꞉ken; akwékon tsi nihotsawénhron enhiekwéni nahontaiakétaʼkwe.

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Isaiah 13:11

Í꞉i kwáh entréhwaʼte ne tsi ionwenhtsá꞉te ne enkarihónhni ne kariwahét꞉ken, tánon ne rotiriwáneren ne tsi nihotirihwáneren; Ní꞉i kwáh ientsiástsi rononhá꞉ke ne ratináies ne rontatkowanáhtha; tánon èhʼtake enkheiónhni ne iáh tehonatehenseráien ne ratinataká꞉riaʼks.

Daniel 9:14

Í꞉se, O Saiá꞉ner, onkwá꞉wen Ní꞉io, saweiennentaʼón꞉ne naskwahréwahte, ó꞉ni eʼtho náhsiere, ne tsi tió꞉konte né ne tkarihwaié꞉ri ne thé꞉nen nénhsiere, ók iáh tekwawennaráhkwen.