Daniel 3:1 - Ohiatonhseratokénti

¹ Ronnontí꞉io Nebuchadnezzar wahaténhnhaʼne ahonwaiaʼtonnihserónnien à꞉ohskon ohwistanó꞉ron, tióhton niwáhsen niwahshítake naontaiótteke tánon tióhton niwahshítake naʼtaontaká꞉ron tánon Dura tsi aotonhwentsià꞉ke iahahiaʼtonnihseró꞉take, tsi watonhontsá꞉ien ne Babylònhne.

Daniel 3:1 Referans Kwoze

Habakkuk 2:19

Satrewátane asè꞉ken sró꞉ris ne oiénhte, “Í꞉tie!” ne iáh tewatá꞉ti onénhia, “Satatkétsko!” Akakwé꞉ni ken nahiakorihónhnien? Satkáto, owistanó꞉ron tánon kawistará꞉ken tekaiestánion, tánon kwáh iáh othé꞉non teiahonhniserá꞉ien.

Jeremiah 16:20

Ahiekwéni kén nonhkweshón꞉a akaónha ahionthateniʼiosehrónnien? Iáh, tó꞉ka thóh nenhiéhiere, nètho kwáh íken tsi iáh niʼiohokónhas thakénhake.”

Isaiah 46:6

Tsi ní꞉iakon ne tseiakokthonró꞉hon nowistanóron tsi tsaketákwas nakonathatserákon, tánon iekontserihara ne kawitará꞉kens— wahhonwánhaʼne ne rawistanorontserónni, né꞉ne wahaniʼioserónniaʼte; eʼthó꞉ne wahontsiaʼtiénenhte tánon wakonwasénhnaien!

Hosea 8:4

Washakotinontiiotseronhniá꞉nion, ók iáh kí akonhà꞉ke nón꞉we tetsawé꞉non; washakotiiatarakwenhá꞉ton nahonwatihénthenhse, ók kí iáh kí tekherihwanirá꞉ti. Né꞉ne raonáwenk kawistará꞉kens tánon nowistanó꞉rons ne wahontsatonhniseronhniátakwe kwáh ronhnón꞉ha wahontatónhnien nahotiiathatónhte.

Acts 19:26

Ónen, káti kwáh iatesewahiáti wesewatʼkátho ó꞉ni wesewatʼthóntene, iáh kén꞉en khók Ephesus tèken nók kwáh thóh wáhtsik nonwéson ne Asia, kí꞉ken rónkwe Kór, tasakonóntonse ó꞉ni iakotsiokowánen wasakoriwaténi tsi nihariwáhsaste nahóten nosnónsa iohiathonniseríson iáh kíʼ niʼioʼokónhas tèken.

Acts 17:29

Tsi Rawenni꞉io sonkwaienʼokónha, tóhsa tewérek ne raónha thóken nihahiathóʼten tsi ní꞉iot ne owistanóron tóhka ó꞉ni kawistaráken thóka ó꞉ni nonén꞉ia, thóh nahontahiakorennahónhake nónkwe aiakohiathonniserónnike.

Isaiah 2:20

Nètho enwenhniseráteke nonkweʼó꞉kons kwáh ne ienhonwanatiéten notsiniónkaron tánon ne tsikerawístiks ne raotiʼiatonhnisónhas ne kawistarákens ó꞉ni nowistanó꞉rons, ronahtatsenhénhni né꞉ne akonwasenhnaiénseʼke,

Psalms 135:15

Né raotiʼiathonhniserahsónhas nonhkweshón꞉has né꞉ne kawistará꞉kens tánon nowistanórons, né iahónhni nónkwe akosnón꞉sas.

1 Kings 12:28

Nó꞉nen sahanonhthonhniónko, tékeni té꞉ro owíra íken owistanoronhtseróskon wahatsathonhniserónhni tánon washakawénhase ne rahonkwetashón꞉as, “Ónen thóh tsi nikaríhwes Jerusalem niesewé꞉tha niahísewatherénhnaien. Tsiónhkwe Israerʼró꞉nonke, né kí꞉ken ne sewaní꞉ios íken né thetsitsihiatinekénhen ne Egypt!”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.

Jeremiah 10:9

Ne raotiʼhiatónnis kwáh thitioróh꞉ron ne kawistaráhken ne ne Spain nónwe nitsawénon tánon ne owistanóron Uphaz né nónhwe nitsawénon, akwékon ne raothihioténseras ne rathirástha; ne kasehronniáton ne tehioterónhionte ne arihwakonnéha ó꞉ni ne arihwakonnéha oniatahrá꞉a ne rothíson ne rohthirennáhon tehatiʼserihiétarons.

Isaiah 30:22

Eʼthòne kwáh ensitákʼsate ne kawistaráken ioterorókston ne sahiatonhnisónhas tánon ne sáwenk owistanó꞉rons iotstánions. Kwáh kí thensaréniaʼte tsi ní꞉ioht ne tehiótsions oniatarahasónhas, kwáh kí ensehiénhase, “Éʼren í꞉sewet!”

Deuteronomy 7:25

Sewátsahat ne raotihiaʼtonhnisónhas. Tó꞉sa sewaská꞉nek ne kawistará꞉kens ó꞉ni nowistanó꞉rons ne ionatstánions, tánon tó꞉sa í꞉se iaʼsewáhaf. Tó꞉ka thóh nenhsewá꞉iere, né꞉ne kwáh iakorióktha, tiorí꞉wa ne Roiá꞉ner tsi ráshons ne kahiatonhniʼsónhas.

Exodus 32:31

Ne Mahís thóh nionsáre tsi ítres ne Roiá꞉ner tánon wahénron, “Kí꞉ken onhkweshón꞉ʼa iorihowánen rotiriwanerenhákston. Owistanó꞉ron ronathateniʼiosehronhniénhni tánon né wakonhwasénhnaien.

Exodus 20:23

Tó꞉sa sewaʼthatiaʼthonniseriónhnien ne kawistaràhke tó꞉ka ó꞉ni nowistanóron nahisewasénhnaien ne thikáʼte tsi nòkwah Ní꞉i.

Revelation 9:20

Ne ken iotsétons nonkwehó꞉kons, iáh nenhné꞉e ne teiakononhwarià꞉khon kí꞉kens kariwaiesátsheras, iáh teshonatatrewáton naoioʼténhseras ne ratitsá꞉nakes khéks nahonatsakwahrí꞉shion tsi konwasenhnaiénskwe ranikonra꞉sen ó꞉ni kaiatonhnishón꞉as ó꞉ni owistanó꞉rons tánon kawistará꞉kens ó꞉ni nowásas ó꞉ni nonénhias ó꞉ni noién꞉te, né꞉ne iáh tekontí꞉kens iáh ó꞉ni teionathón꞉te khéks takontekhá꞉hakwe.

Daniel 3:30

Sók ne ronnontí꞉io sénha è꞉neken tiotenáktahte tsi ní꞉ioht tsi sahshakorihónten ne Shadrach, Meshach, tánon ne Abednego ne eʼtho nón꞉we Babylònhne.

Esther 1:1

Tsi nón꞉we nihatientáhkhwa ne Ronontí꞉io Xerxes, eʼthó nón꞉we tkanatakweʼní꞉io ne Susa tsi nón꞉we ne Persia, énska tewenʼniáwe tánon tewáhsen tsá꞉ta kakorahseraké꞉ron tehasnonhsáhere, India tiotáhsawe tsi niió꞉re Ethiopia.

Daniel 3:14

Washakoriʼwanóntonhse, “Shadrach, Meshach, tánon Abednego, tó꞉ske ken iáh tesewathóntats ne aesewahsénnaien ne Akeʼní꞉io tánon ne taesewatentshóthase thí ohwistanó꞉ron watiathonnisehrakétskwen?

Daniel 5:4

Tánon waʼkonwatihsénnaien ne kaiaʼtonniʼshón꞉ʼa nohwistanó꞉ron ionniá꞉ton, kahwistarà꞉ken, kahwistárhon otsí꞉nekwahr karistá꞉tsi, ó꞉iente, tánon ne onén꞉ia.

Hosea 2:8

Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.

Daniel 2:49

Ne Daniel wahoriʼwanóntonhse ne ronnontí꞉io, né ahshakorihónten ne Shadrach, Meshach, tánon ne Abednego né ahonterihwatstériste tsi niioterihwatié꞉ren tsi tkanakerahserá꞉ien ne Babylònhne; ók tsi naʼáwenʼne, ne Daniel kanotiiotsherá꞉kon ne nón꞉we nihenteróntakwe.