Daniel 11:16 - Ohiatonhseratokénti

¹⁶ Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Daniel 11:16 Referans Kwoze

Daniel 8:9

Énska kí꞉ken ne kaié꞉ri nikanaʼkará꞉ke, ó꞉ia kenʼniwá꞉ʼa tonsahonaʼkarón꞉taʼne, né raoʼshatsténhsera iakaníharaʼne ne entiè꞉ne, tánon né tsi tkarahkwínekenʼs, ó꞉ni tsi nón꞉we nikarharátston nonhwéntsa.

Daniel 11:41

Kwáh ó꞉ni thienhshakotiaʼtón꞉ti ne kwáh iohontsáskats ronwanararhahstén꞉ni tánon ó꞉ni tóhka tewenʼniaweʼehtsheráhsen enshakoʼwéntho, nok né tsi kanakerahseraké꞉ron ne Edom, Moab, tánon tsik ní꞉kon tsotatén꞉ron tsi iohontsá꞉te ne Ammon iáh nenʼné꞉e kenʼ thiashakó꞉iere.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 11:3

“Eʼthó꞉ne ne kwáh thoʼshatstenhserowá꞉nen ronnontí꞉io enhatotáhsi. Ionhontsowá꞉nen tsi nón꞉we nenhaiatakweʼniió꞉hake tánon tsi nenthaská꞉neke eʼtho nenhá꞉iere.

Daniel 8:7

Wahiiaterò꞉roke iahotiaʼtón꞉ti thi teiotinaʼkarontón꞉ʼa rátsinn. Eʼtho niió꞉re tsi ronakhwén꞉en né iaʼthoiaʼtóiaʼke tánon tetsá꞉ron waʼthonaʼkarà꞉riʼse. Né teiotinaʼtkarontón꞉ʼa rátsinn iáh thiaʼtekaié꞉ri tsi nihaʼsátsteʼkwe ne aontahotatennhè꞉on. Waʼthaonhontsó꞉ienʼte ó꞉ni wahoratatiéhshon, tánon iáh ónhka teiotetshénrion naontahonwannhè꞉on.

Daniel 8:4

Wahiiateró꞉roke thi teiotinaʼkarontón꞉ʼa rátsinn ratenaʼkaraienhtaniónʼne tsik nonwéshon niahá꞉re tsi iaʼtewatshéntos, tánon othorè꞉ke, ó꞉ni entiéʼne niahá꞉re. Kwáh iáh thaʼkatsiʼnonió꞉ten thakakwé꞉ni né tahonwátahste, tóka ó꞉ni né aonsaieʼniá꞉kenʼne tsi nokwá ne raoʼshatsténshera. Eh nenhá꞉iere tsi nenthaskáneke né raweriá꞉ne tánon kwáh í꞉ken tsi rotatkowanáhton.

Daniel 11:45

Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Isaiah 8:8

Kwáh iatenhwatnekaréni ne Judah tsi ní꞉ioht ne iawenhnóton, tánon iotnekawenhrá꞉ton, kwáh enwatnekakahráhthate kwáh tsi niió꞉re tsi nitsakoniáshote tánon tsi natehiotehonstsakaráhwen kwáh tentkarohróks꞉te tsi nateshonhontsakáron, Ó Immanuel.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Daniel 5:19

Eʼtho niió꞉re tsi ronkweʼtowanén꞉nen kwáh tsi niaʼteiakaonhwentsià꞉ke nón꞉kwe, tánon tsi niaʼtehatinekwénhsake ó꞉ni tsi naiewennoʼténhake kwáh ronwatshániskwe ó꞉ni rotiiaʼtontawè꞉ton. Enhshakononwariákon tsik ónhka nénrehre nashakóhtonʼte. Enshakonónhstate tsi nenthanón꞉weʼne. Enshakokwénienste tókaʼ ó꞉ni enshakotéhaʼte tsi nénrehre.