Daniel 11:13 - Ohiatonhseratokénti

¹³ “Ne ronnontí꞉io ne Syria ensháhkete nok sénha kanenrowá꞉nen enshanitiohkón꞉ni ne ronterí꞉iohs tsi nitiohtònne. Nó꞉nen ienskáhewe, eʼtho iénsre enhotiohkowanenhátie tánon kwáh í꞉ken tsi enhonatateweiennentaónʼhake ne raotióhkwa ronterí꞉iohs.

Daniel 11:13 Referans Kwoze

Daniel 4:16

Tsá꞉ta niiohserá꞉ke iáh eʼtho thaonsahoʼnikonhroʼténhake tsi ní꞉ioht nón꞉kwe, nók thoʼnenshoʼnikonhró꞉ten tsi ní꞉ioht ne kário.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 11:12

Kwáh í꞉ken tsi enhatatón꞉niʼne tsi rotkwénion tánon tsi nihonatiohkowá꞉nen ne ronterí꞉iohs shakoʼwénthon, nok iáh kiʼ tiahatahshónteren ne tió꞉konte ahotkwénionke.

Daniel 11:14

Eʼthó꞉ne iakotiohkowá꞉nen enhonwatkónten ne Egypt ronnontí꞉io. Ó꞉ni ó꞉tiaʼke ne ratihseró꞉henʼs sanakerahserá꞉kon non nenthónne, Daniel, enhonwatkónten ne Ronnontí꞉io né tsi nahò꞉ten ronatkáhthon natetshenhserákon, nok kiʼ enhonwatiʼshén꞉ni.

Daniel 11:40

“Né nó꞉nen ne Syria ronnontí꞉io skanóronks iahotenhniseróktahse, ne Egypt ronnontí꞉io ienhotiaʼtón꞉ti, nok ne ronnontí꞉io ne Syria tenthonàkwen kwáh tsi nihoʼshatsténhsera, né én꞉ratste ne tékeni teionkahʼkwèn꞉tonte oʼtshónhkwa ne kohsá꞉tenhs kontiiaʼtaniiontáhkhwa, ne ó꞉tiaʼke enhotihsá꞉ten nen né꞉ʼe, tánon wé꞉so ne kahonweiaʼkó꞉wa konterí꞉ios énhontste. Wé꞉so tsi kanakerahseraké꞉ron ienhshakotiaʼtón꞉ti, tsi ní꞉ioht ne awenhnó꞉ton.