Acts 9:11 - Ohiatonhseratokénti

¹¹ Ne Roiá꞉ner wahawénhase, “Satateweienéntan tánon kanatakwení꞉ioke niaháse, neh tsi thohʼnónsote ne Judas tánon ehtseriwanónton ne rónkwe neh Tarsus nithawénon Saul ronwáiats. Roterén꞉naien,

Acts 9:11 Referans Kwoze

Acts 22:3

“Ksitaeronon, Tarsus nónwe Cilicia aotonhontsake tewakenakeráton, nók kén꞉en Jerusalem wahkathehiáron Gamaliel non niʼwakateweiénston. Kwáh íken tsi ioníron tsi wakateweiénston ne ietʼthisotʼtahokonkén꞉en rahothihianerénsera ó꞉ni kwáh éhʼtho tsi niʼiʼriwakweniénstha ne Rawenni꞉io tsi kiʼniseʼní꞉ioht ne kén꞉en isewes꞉nónwa wenniseráte.

Acts 21:39

Kór watariwaseráko, “Ksiʼtaeronon, Tarsus nónwe tewakenakeráton nehne Cilicia, thóh nónwe nikʼsénnare ne kwáh kasennowánen kanáta. Ahsatʼthontátʼtseke akhétarase nonkwesónhas.”

Acts 9:30

Neh nónen ne thoʼnethákwens sahatiriwatʼtsénri, Caesarea non niahonwahiaténhawe ne Saul ó꞉ni Tarsus nónwe hiahonwaténienʼte.

Acts 11:25

Ehʼthóne ne Barnabas Tarsus nionsáre Saul wahohiathisákʼkha.

Acts 11:13

Wasonkwaróri tsi ní꞉ioht tsi róken ne raronhiakerónon rátakwe ne rahonónskon, tsi wahonwénhase, ‘Ónhkak Joppa nónwe hiaseʼiatóri nahonwahiatisákʼkha ne rónkwe Simon Tiér ronwáiats.

Acts 8:26

Ne Roiá꞉ner rahoronhiakerónon wahawénhase ne Philip, “Satateweienʼnéntan tánon entié꞉ne niaháse nehne wahohatátie tsi nitsawénon ne Jerusalem tánon ne Gaza nieʼiawénon.”

Acts 2:21

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate.’

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Deuteronomy 4:29

Thóh nón꞉we entsisewahiaʼtí꞉sake ne sewaNí꞉io, tánon tó꞉ka seweriaʼsakwé꞉kon sewatonhneʼtserakwé꞉kon tsi entsisewahiaʼtí꞉sake, entsisewahiataʼtshénri.

John 4:10

Ȣahenron ne Iesos tsi tontahaȣennaȣeron: Neh nasienterihake ne Niio raotanitenrasera, hatsienterihake oni onka ne ȣaiariȣanontonse atsnekanonte ise aontesatierenton atseriȣanontonni, nok ne raonha aonsaianekanonten ne kanekiio.

Acts 8:22

Sahsatatréwat, káti, kí꞉ken tsi nikariwahétken ne sáwenk, tánon hiasaterénʼnaien rahonháke ne Roiá꞉ner nahónton nahonsahianikónrense tsi niwanonthonniontseráksen kí꞉ken.

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.