Acts 23:1 - Ohiatonhseratokénti

¹ Kór kwáh iahatakwaríshiaʼte tsi iatesakotʼkáneren ne rathitsiénhaiens tánon wahénron, “Tewatatéken Israerʼró꞉nons! Nakweriáne kwáh oriwiʼiohónwe tsi tehioskwátʼte tsi ní꞉ioht tsi konʼnhétie rahohénton ne Rawenni꞉io tsi nióre nónwa wenniseráte.”

Acts 23:1 Referans Kwoze

Acts 24:16

Káti tiotʼkonónwe iatewakatatʼtiaháton ne kwáh akeriasihióhake rahohénton ne Rawenni꞉io ó꞉ni nonkwesónha.

2 Timothy 1:3

Theʼinonwerátons ne Ní꞉io, tsi nikáien ne rihiótense tsi kwáh akeriaióskon íken, kwáh tsi nihoteiéren ne khesotʼtonhonkonkén꞉en. Theʼinonwerátons tsi kwáh tiókonte kwèhiare nakaterennaientaʼtserákon tsi niwasóntes ó꞉ni tsi niwenníseres.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Hebrews 13:18

Iashewahkóntat takwahterennaiénhas. Kwáh orihwí꞉io iontiónni nonkweriá꞉ne kwáh iáh thènen teiostónton, tsoríwah tsi néhe tiókonthe tehionkwahtonwenhtió꞉ni ne tkarihwahiéri tsi nahiakwáhtiere.

1 Corinthians 4:4

Kwáh tewahkenikonraʼswátʼthe, nók iáh kíʼ né tehkariwahnírats ne iáh thènen tahonkeníkon. Roiá꞉ner seh rahónha tehatiatorétha.

Acts 22:5

Ne Raʼtsihenstowánen tánon kwáh rathikwékon ne rathitsiénhaiens enhathiriwanírate tsi kwáh thóʼkenske tsi nahóten katónnions. Iehionkʼkhiatónni natatekénseras ne Sitaeró꞉nons ne Damascus nónwe nihatinákere, sók kiʼthoniá꞉hake nakheʼiéʼna nónkwe tánon oronkwása takhenénsterenke kén꞉en Jerusalem natahontakhehiaténhawe nahonwathiréwathe.

2 Corinthians 4:2

Iáh theʼtewatsterístha ne ioterihwatehaʼshón꞉as nothé꞉nen aitewariʼwáhsehte. Iáh ó꞉ni tetewateʼnién꞉tha nónhka aiethinonhwaroriʼtón꞉ni tóka ó꞉ni aontetewatoktáhkwe ne Rawenni꞉io raowennaʼshón꞉ʼa. Rawenni꞉io tetehshonkwaká꞉nere, ne khók ne orihwí꞉io tsi nahò꞉ten entewèn꞉ron, sók ne ronatiaʼkéhshon enhonaterihwahní꞉ratshe naontaionkhiiéhtahkwe.

Acts 23:6

Ne Kór sahatʼkátho ótsiakes nonkwesónha Sadducees nahatihiatótens ótsiakes ó꞉ni Pharisees, iasakonáton ne rathitsiénhaiens, “Tewatathékens Israerʼró꞉nons! Pharisees natiathóten, neh rahtsiénha Pharisees nahahiathóken. Kén꞉en tehiontiatorétha neh tsi Íkʼkhawe ne tewetákwen ne iakawenhéion entiontónnhethe.”

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

1 Tiér 3:16

Nók kwáh tasewateweiénton tánon kakwenienstaʼtserákon kénhak. Sewanikonrihióhak, ne káti nónen enietʼtsinikonrák꞉sate, tsi niháti ne wahétken tsi ní꞉ioht tsi rontátis neh tsi nishotenserí꞉io ne tsi Kerístos tsnonteráties kwáh enhontéhen tsi nahóten rónton.

Acts 22:30

Ne rasennowánen tehotonwentióʼnikwe kwáh oriwíʼio ahariwatʼtsénri onʼnahóten ronwariwároskwe ne Sitaeró꞉nons ne Kór; Káti noiasaiórenʼne thonsahonwanensteráko ne Kór ó꞉ni wasakónahne ne ratitsihenstowánens tánon kwáh ratikwékon ne rathitsiénhaiens nahontʼkennísa. Ehʼthóhʼne iahohiaténhawe ne Kór tánon wahahónnien rahothihénton wahthátaʼne.

Acts 6:15

Ratikwékon ne thóh ratikskótonkwe ne ratitsiénhaiens hiatonwatʼkáneren ne Stephen tánon wahontʼkátho kwáh thóh nihakonshó꞉ten tsi ní꞉ioht ne raronhiakerónon.

Acts 22:1

“Tewataʼtékens kaniseras, takwatahónsatat tsi nentʼkatátheʼne ne sewahénton!”

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Acts 23:15

Ónen káti, í꞉se tánon ne sewatsiénhaiens iatsisewateriwanié꞉ten ne ratiokwakweʼní꞉io ne Roman sewahénton nithoʼhiaténhaf ne Kór, tsi neh akénhake ne kwáh oriwihiohónwe tesewathonʼwentióni ne tkaiéri tsi ní꞉ioht tsi ahisewariwatʼtsiénri tsi nòkwa ne rahónha. Nók kíʼ ionkwatateweiennentáʼon nahsakwanonwariákʼkon nohénton kén꞉en árawe.”

Acts 23:20

Wahénron, “Ne Sitaeró꞉nons ronatenikonríson naʼiesariwanóntonse nenʼiórenʼne ne Kór iatsiaténhawe tsi rathitsienhaientákwa, ánioh ne rathitsiénhaiens sénha tehonathonwentióni nahontakaiérike tsi ahathiriwatʼtsiénri tsi nókwa ne rahonháke.

Acts 23:28

Tewakathonwentiónine nakeriwatʼtsénri nahóten ronwariwároskwe, hiahihiaténhawe tsi tathitsienhaientákwa.