Acts 21:8 - Ohiatonhseratokénti

⁸ Tsi ó꞉ia sahiórenʼne sahiakwaténti tánon Caesarea iahákwaʼwe. Thóh rahonʼnónskon iahakwatáwehiate ne rateriwanó꞉ta Philip ronwáiats, raónha ne saiátat ne tsiátak niháti ronwathiʼiatarákwen nahontsʼniénons ne Jerusalem nónwe.

Acts 21:8 Referans Kwoze

Acts 6:5

Kwáh kentiokwakwékon wahakaweʼrientí꞉io tsi nahatítaʼte ne ratikweʼkónʼne, sók kíʼ Stephen wahonwahiataráko, thóh rónkwe kwáh íken tsi tawetákwen, ó꞉ni ne Ronikonratokénti, tánon Philip, Prochorus, Nicanor, Timon, Parmenas, ó꞉ni Nicolaus, tánon ne iáh teʼasitaerónon ne Antioch nithawénon neh꞉ne iáh wahónʼnise tsi néhe Judaism non nishotsiátare.

Ephesians 4:11

Rahónha wáhi iatékon tsi ní꞉ioht tsi sakoiatarakwenháton nonkwesónha; ótiakes natiriwakarenieseke, ótiakes niahatiriwakénseke, ótiakhes tahonteriwaré꞉niate, ótiakhes rathitsihénstatsis tánon ó꞉ni sakothiriʼhonniénnis.

2 Timothy 4:5

Nók ónenk tsi entesatatheniarótarohke ne kwáhk tsi nahorihhoténsons; sakátstek naseronhiáken, neh sahióten ne rateriwahnótʼtha ne kariwí꞉ios, tánon neh sateriwahténtsiat kwáh tsi nisateriwahiénʼni tsi Rawenni꞉io tiótense.

Acts 28:16

Sahákwaʼwe ne Rome, wahonwaríʼon ne Kór rahonwáʼakhok ahenteróntake kíʼ raterí꞉ios enhotennikonráren.

Acts 16:13

Tánon tsi wahawentatokéntaʼne wahakwahiákenne ne kanátakon tánon wahakwaniatarósereh, ehnónwe wahákwereh thoʼkanónwa thoʼnónwe ne Sitaeró꞉nons rontiataróhroks nahonterénnaien. Wahakwátsien tánon watsiakwatarónnion ne tsionatʼthonwísens neh ionatiataróronʼne.

Acts 16:10

Kwáh tsi niʼiosthóre ne Kór iathakaraientane, wahakwatateweniennéntaʼne ne Macedonia niahiákwe, tsioríhwa tsi hiationkwariwaiéntaʼse tsi Rawenn í꞉io wahshonkwánhaʼne niahiakhehiateriwanótʼtase ne kariwí꞉ios nonkweshónhas neh nónwe.

Acts 9:30

Neh nónen ne thoʼnethákwens sahatiriwatʼtsénri, Caesarea non niahonwahiaténhawe ne Saul ó꞉ni Tarsus nónwe hiahonwaténienʼte.

Acts 28:11

Shontóhetste náhsen niwennítake Alexandria non tontaiakwaténti tánon saiakwatʼtsiróten neh kahonweiaʼkówa ne konwanathónkwa ne “Tekaniʼioserásere tenikʼken,” thóh tsi kawenó꞉the nónwe naʼhatioseríʼiake.

Acts 27:1

Shatʼkariwaiéntaʼne ahiakwatʼtsiróten ne Italy niaiá꞉kwe, ne Kór ó꞉ni ronátiakes ne rathinótons tsi Julius ensakotennikonráren, nehne raterí꞉ios ne Roman rahothitiókwakon neh ronwanathónkwa ne “Ne Rakorakówa Ronwateríhiose.”

Acts 23:23

Ne ratiokwakweʼní꞉io iasakónonke teniʼiáse ne rahonkwéta tánon wahénron, “ientʼtsiweienéntan tékeni tewenniáwe niháti ronterí꞉ios nehne Caesarea niahónne, rontenrósen ne tsiátak-niwásen niháti ne rothisátens ó꞉ni tékeni tewen-niáwe niháti ne rontʼtsikwaró꞉iaks, tánon ronatateweienʼnentahónhak ne tióton nitsiowistáhe nenhiókaraʼwe.

Acts 20:13

Ónen káti enhiakwatʼtsiróten tsi tenhiakwaiáhiake ne Assos nienhiákwe, nehne Kór ahionkwénon tsi tahionkwahiáiakon. Thóh ní꞉ioht tsi shonkwaróhri ehnahiakwáiere, tioríhwa tsi iáh neh teréhrakwe kahonweiát꞉ke niáre.

Acts 20:6

Philippi nónwe tahiakwaténni wahakwatʼtsiróten sonthóhetste ne wentanóronskwe ne iáh tewatʼtenkwáton kanátaro, tánon wísk nónta onakènke Troas nónwe iathonsahiakwatátʼken, tsiaʼiáksera thoʼnónwe niʼiákwesʼkwe.

Acts 18:22

Siahárawe ne Caesarea nónwe, Jerusalem niaháre ó꞉ni watesakononweráton nonkwesónhas, etʼthóhʼne Antioch niaháre.

Acts 16:16

Énskat weniserátekwe tsi niahonkweʼnonhátiene tsi tionterennaientákwa, wahonkhinontérane nitiakohión꞉a nehne ienáskwa ótkon iakotsiénni neh kakwénieskwe ne iaieriwáken. Kawistowánen ronwaʼwistonnienníhakwe ne sakotiatakweniʼióstonne neh tsi hiontʼhiathonseratʼkenséhakwe.

Acts 10:1

Saiáta Cornelius ronwaiátskwe Caesarea non nihanákerekwe, raónha ratiokwakweʼní꞉iokwe ne Romeʼró꞉nons rahononkwetaʼsónhas ronterí꞉ios nehne ronwatinathónkwaʼkwe “Ne Tariʼien kentiókwa.”

Acts 21:16

Thokaráh niháti ne rathikweʼkón꞉ne ne Caesarea nithonénon wahakwatenrósen tánon tsi thoʼnónshote ne Mnason niahonkhihiaténhawe neh tsi thoʼnónwe nen hiakwatáwehiate, nehne Cyprus non thiʼtawénon, nehne kwáh wahónʼnise shiʼtawetákwen.