Acts 21:3 - Ohiatonhseratokénti

³ Tsi tehionkwaiahiakonhátie kharehónen wahakwatʼkátho Cyprus, sók kíʼ sénha entiéne niahakwaiérate neh Syria iahiákwaʼwe. Tyre nónwe iahakwarároh, thóh nónwe wahonnetakwaniónko noreniaʼshónhas ne kahónwakon tsi nahóten watakhé꞉ne.

Acts 21:3 Referans Kwoze

Acts 27:4

Thóh ionsahiakwatásawen, tánon tsi tionkwaweroká꞉ton, wahakwatewérenthe tsi niahakwahónhiontse nehne ákthe nakawenokwáti ne Cyprus.

Acts 21:16

Thokaráh niháti ne rathikweʼkón꞉ne ne Caesarea nithonénon wahakwatenrósen tánon tsi thoʼnónshote ne Mnason niahonkhihiaténhawe neh tsi thoʼnónwe nen hiakwatáwehiate, nehne Cyprus non thiʼtawénon, nehne kwáh wahónʼnise shiʼtawetákwen.

Acts 12:20

Ne Herod kwáh íken tsi sakonákwasene nonkwesónhas ne Tyre ó꞉ni ne Sidon, sók kíʼ wahonnitiokónni wahonwatʼkénsera. Tahontiérente Blastus wathonwanikonrakénni, nehne rónkwe roteriwatsteríston ne tsi kanontihiotseráʼien, neh nahónton nasakoiénawase. Ehʼthóhʼne Herod rahohénton niahónne wahonwariwanóntonse ne skénnen, tsioríhwa ne tsi thatinákere ne rahotítʼkhwa thó꞉non nitewétakwe ne ronhnontí꞉io rahonakeraserákon.

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

Matthew 4:24

Nese ȣahonni ȣahasennoȣannha rahotinakeraserakon ne Syrian; eh onikenh iontatiatheskȣe nʼiakonnraronnion, niatekannrotenson, Otkon iakonatienni, iakaȣennitaronnis, iakoiatakenheion: nok sesakotsienthakȣe.

Acts 18:18

Kór sékon karíhwes thóh nónwe ne Corinth senteróntahkwe rathikweʼkón꞉ne ne thoʼnetáhkwens, ehʼthóhʼne sahsakotewéntethe tánon wahatʼtsiróten tsi watahiáʼiake tsi Syria niaháre wahónne ne Priscilla ó꞉ni ne Aquila. Nohénton nahatʼtsiróten nahontahaténti ne Cenchreae onahónstha wahonniónni tsi wahonwanónkare tsioríhwa tsi nihorahráston rahonháke ne Rawenni꞉io.

Acts 15:41

Syria tánon Cilicia iahiathóhetste, sakothisatstenserawiháties ne onkwesónhas.

Acts 15:39

Kwáh thóh tsi nathiriwaké꞉nha, tánon wahthiatekháshion: Barnabas wahiateróhsen ne Mark tánon wahiatʼtsiróhten Cyprus niaháne,

Acts 15:23

Tánon ken nikawennóten tsi iahonwathihiátonse: “Í꞉i ne iakwateriwanótʼtha ó꞉ni ne rathiretiárons, sewatatekenokónhas, kwáh shewakwékon nonkwatatekénseras ne iáh tehatiʼsitaeʼró꞉nons tsi ronahnakeráton tehiakhiʼnonwerátons tsi niháti neh thoʼnónwe nihatinákere ne Antioch ó꞉ni ne Syria ó꞉ni ne Cilicia.

Acts 13:4

Neh tsi Ronikonratokénti iesakothórion, ne Barnabas tánon ne Saul Seleucia niaháne, tánon thoʼnónwe hionsahiaténti wahiatʼtsiróten tsi watʼnihiáiake hiahánewe tsitkawenóte ne Cyprus.

Acts 11:19

Ótsiakes ne rotiriwiʼióstons neh tsiatehonarénion tsi nihiorihonʼníʼon ne kakenronniátsera tsi thóh niʼiawén꞉en nónen ne Stephen sahonwanonwariákon thóhnióre nieʼiawénon tsi nióre ne Phoenicia, Cyprus, ó꞉ni ne Antioch, nekʼkhók ne Sitaeró꞉nons ronwahnateriwanotaníhakwe.

Luke 10:13

Sententasere Korasin; sententasere Bethsaïda! aseken naiohnatkaton ne Tyr oni ne Sidon tsinikon nise satkattos ne ioriȣanerakȣatenions; katkaron nah nehne tahontaiakotatreȣaton, kaiare aiakokȣason nok okenrake aiontesereseke.

Luke 2:2

Nok nonen siiakaheȣe neh naiaȣenne, Cyrenius rakora kenhne ne Syri nonȣe.

Matthew 11:21

Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne etho naioriȣanerakȣatenionke tsi naonkieren, katkaron ahontahonatakenroserhon tsinahonsahonatatreȣaton.

Isaiah 7:2

Nó꞉nen ne tsi rononshó꞉te ne Táwit wahatirihwáronhke nètho Aram tsi iathonhnitsokwátseste ne Ephraim, ne raweriá꞉ne ne Ahaz tánon ne ronhneriá꞉nes nonkweshónhas wathonhneriashísonʼkwe kwáh tsi ní꞉ioht ne kerítons ne karakonhkówa tehiotʼkarénhron tsi niháhote.

Psalms 87:4

Tsi nihiákon ne iontsientéri waʼkhenatónhnion né꞉ne Rahab tánon ne Babylon; Philistia ó꞉ni, tánon ne Tyre, skát꞉ne ne Ethiopia “Kí꞉ken thóh né nón꞉we nihawenhnakeráton,” né rónhton.

Psalms 45:12

Nonkweshón꞉has ne Tyre entiesahawítase nathatawí꞉tsheras, né꞉ne kwáh thotikwahtsénions

2 Samuel 8:6

Eʼthóhʼne ne Táwit wasakó꞉teron ne ronterí꞉ios tsi nón꞉we nihathiteróntons ne Aramró꞉nons ne Damascusró꞉nons; tánon ne Aramró꞉nons ne wahón꞉ton ratinhá꞉tshera raohén꞉ton ne Táwit tánon tahatihásheron nowístas. Ne Roiá꞉ner taháwen naʼtesenhniétsheras ne Táwit ne kwáh tsikʼnonwéson niénhʼhenreh.

Judges 10:6

Shé꞉kon kíʼ á꞉re nʼIsraerʼró꞉nons sahatirihwánerake tsi nòkwah ne Roiá꞉ner tsi konwatisénhnaiens ne Baal tánon ne Astartes, kwáh satehioiánere tsi ní꞉ioht tsi konhwatisénhnaiens ne Syria ahoniʼiohokónhas, ne Sidon, ne Moab, ne Ammon, ne Philistia. Wahonwatiathonhthákwahse ne Roiá꞉ner tanon wahóntkaʼwe tsi ronhwasénhnaiens.

Acts 21:2

Thóh nónwe iahakwahonwatʼtsénri kahonwehiowánen tekahiáiake nehne Phoenicia niahawenonhátse thóh kíʼ iahakwathíta, tánon wahakwatʼtsiróten.

Acts 21:7

Watsiakwaiáhiaʼke, hionkwatʼtsirótatse tsi nontáhiakwe ne Tyre tsi nióre ne Ptolemais, thóh nónwe watsiakwatátken ne thoʼnetá꞉kwens tánon sewennísera skátʼke iákwesʼkwe.