Acts 21:16 - Ohiatonhseratokénti

¹⁶ Thokaráh niháti ne rathikweʼkón꞉ne ne Caesarea nithonénon wahakwatenrósen tánon tsi thoʼnónshote ne Mnason niahonkhihiaténhawe neh tsi thoʼnónwe nen hiakwatáwehiate, nehne Cyprus non thiʼtawénon, nehne kwáh wahónʼnise shiʼtawetákwen.

Acts 21:16 Referans Kwoze

Proverbs 16:31

Ne tiakorihwaié꞉ri teniakoterihwaʼserákwahse eniakonhnhé꞉son; ataʼkenhróhkhwa niiakononhkwiseró꞉ten ne shá꞉ka tsi ní꞉ioht kakwenienhstáhtshera teiakoterón꞉ronh te.

Acts 21:8

Tsi ó꞉ia sahiórenʼne sahiakwaténti tánon Caesarea iahákwaʼwe. Thóh rahonʼnónskon iahakwatáwehiate ne rateriwanó꞉ta Philip ronwáiats, raónha ne saiátat ne tsiátak niháti ronwathiʼiatarákwen nahontsʼniénons ne Jerusalem nónwe.

Psalms 92:14

Ónen iorontatsthénha shé꞉kon kíʼ niwaʼhianihióntʼtha; tánon tiókonhte ronatakaríhte tánon ratishástste,

Philemon 1:9

Onk ne tsi konhnonhrónhkwa, kek wahkonrihwahnón꞉tonhse. Thóh kiʼ náhtiereh iawehrohátien tsi I꞉i ne Kór, riʼhiatatiáshe ne Kerístos Ié꞉sos, kehʼnhó꞉ton né꞉ne Ié꞉sos rahorihónniat.

Romans 16:7

Tekenonwerátons nònʼne ne Andronicus ó꞉ni ne Junia, Sitaeró꞉non nateniʼiatóten tsi ní꞉i ní꞉ioht skát꞉ne iakwanhótonkwe; kwáh íken tsi ronwatiʼientéris ne ronteriwanhótʼtha, rohnónha rothihénton rotiriwiʼiostáʼon tsi ní꞉i ní꞉ioht.

Acts 15:39

Kwáh thóh tsi nathiriwaké꞉nha, tánon wahthiatekháshion: Barnabas wahiateróhsen ne Mark tánon wahiatʼtsiróhten Cyprus niaháne,

Acts 11:19

Ótsiakes ne rotiriwiʼióstons neh tsiatehonarénion tsi nihiorihonʼníʼon ne kakenronniátsera tsi thóh niʼiawén꞉en nónen ne Stephen sahonwanonwariákon thóhnióre nieʼiawénon tsi nióre ne Phoenicia, Cyprus, ó꞉ni ne Antioch, nekʼkhók ne Sitaeró꞉nons ronwahnateriwanotaníhakwe.

Acts 10:48

Sók kíʼ wasakónaʼne nahontenekwáheste rahosénʼnakon ne Ié꞉sos Kerístos. Ehʼthóhʼne wahonwariwanóntonse neh skátʼke ahonʼnéseʼke thoʼkára niwenʼniseráke.

Acts 10:24

Nóhia sewenniserátekwe Caesarea hiahárawe, tsi nónwe ne Cornelius thóh ráhrekwe, skátʼke ne rontátenonkwe ó꞉ni ne kwáh ákta rontenrosónhas tsi nikáien ne sakohonkaráwi.

Acts 8:40

Philip Azotus neh nonnionsáre; thó꞉ne Caesarea, nionsáre, tánon tsi niaháre roteriwanothátie ne kariwí꞉ios ne kwáh tsi niaʼtekanatákes.

Acts 4:36

Nekáti raónha ne Só꞉se, neh꞉ne Levite Cyprus nón thoʼnakeráton, neh꞉ne ratikweʼkónʼne Barnabas ronwanatónhkwaʼwe (neh꞉ne kéntons “Sakonikonranírats”)

Acts 15:7

Ónen kwáh thóh tsi nikaríwes satehothiriwahwénron Tiér wahthátaʼne tánon wahénron, “Tewatenrohshónhas, sewahtheriéntare ónen kwáh wahónnise tsi náhe ne Rawenni꞉io thaʼtsiatarákwen ne sewentiókwakon nakhehiateriwanótʼthase ne kariwí꞉ios ne iáh tehatiʼsitaeʼró꞉nons, nahónton nahónronke tánon nahontahonʼnétakwe.