Acts 20:3 - Ohiatonhseratokénti

³ Thóh nónwe áhsen niwennítake thóh renteróntakwe. Rahtateweiennéntaskwe ne Syria nonʼniáre nók sahariwáronke ne Sitaeró꞉nons tsi nihonatenikonronnihátie nahonwanonwariákon; sók kíʼ iathoriwaiéntase Macedonia nionsáhre.

Acts 20:3 Referans Kwoze

Acts 20:19

Kwak tiwákeronkwe iaweronhatiéhak ó꞉ni wéso tewakʼkhaserén꞉en tsi niwatiotén꞉en neh tsi kenhátsera rahonháke ne Roiá꞉ner neh tsi niwentórekwe nakeriwáhke tioríhwa ótiakes ne Sitaeró꞉nons tehionkaskotániskwe.

2 Corinthians 11:26

Iotkaʼtátie tsi ní꞉ioht tsi tekatawénries eh konhnháhere kaniataraʼkéhshon, tsi nonkwa ne ratinénskwas, tánon ne neh shaʼakwaià꞉ta, ó꞉ni ne iáh tehatishitaʼehró꞉nons, iotterón꞉tonʼne ne kanatakónhshon, neh shá꞉ka ne kahentakeʼkó꞉wa, ó꞉ni ne kaniataraʼkeʼkó꞉wa, ó꞉ni ne iáh teiakorihwiióston.

Acts 25:3

nahontasakonikonraiérite, Jerusalem nahontahonwaiaténhawe ne Kór, neh tsi ronatenikonríshon tsi nihioháhes enhonwanonwariákʼkon.

2 Corinthians 7:5

Shaʼakenewe ne Macedonia, iáh teiótonʼon aiontiatorishén꞉take. Niaʼté꞉kon waʼtionkhiʼnikonhrhá꞉ren ne ionkhíhswens tánon ó꞉ni waʼontiateronhiénhten.

Galatians 1:21

Onakènke Syria tánon ó꞉ni Cilicia niaháke.

2 Corinthians 1:15

Kwáh se orihwí꞉io wakonní꞉ne tsi takwakweniénstha, eh ní꞉ioht tsi kateʼnikonhrón꞉niskwe í꞉se tentisewáhente ne iaonsakwanataʼrenáhse. Ók ná꞉ʼa nen né꞉ʼe teiorí꞉wake iesewaiaʼtateríston tsi ienkwanataʼrenáhse.

Acts 21:3

Tsi tehionkwaiahiakonhátie kharehónen wahakwatʼkátho Cyprus, sók kíʼ sénha entiéne niahakwaiérate neh Syria iahiákwaʼwe. Tyre nónwe iahakwarároh, thóh nónwe wahonnetakwaniónko noreniaʼshónhas ne kahónwakon tsi nahóten watakhé꞉ne.

Acts 19:21

Sonteweiennéntaʼne tsi nahawénseron, Kór ne tsi Ronikonratokénti rosárine, iathoʼriwaiéntaʼse ne Macedonia tánon Achaia nónwe iatahathawénreh tánon thóh ienkaniʼiónten Jerusalem nienʼhénre. “Nó꞉nen iénkewe neh nónwe,” wahénron, “ónenk ó꞉ni tsi ienke Rome.”

Acts 18:18

Kór sékon karíhwes thóh nónwe ne Corinth senteróntahkwe rathikweʼkón꞉ne ne thoʼnetáhkwens, ehʼthóhʼne sahsakotewéntethe tánon wahatʼtsiróten tsi watahiáʼiake tsi Syria niaháre wahónne ne Priscilla ó꞉ni ne Aquila. Nohénton nahatʼtsiróten nahontahaténti ne Cenchreae onahónstha wahonniónni tsi wahonwanónkare tsioríhwa tsi nihorahráston rahonháke ne Rawenni꞉io.

Acts 16:9

Neh tsiniwasóntes ne Kór wathotserionhnionse wahóken ne Macedoniaró꞉non thóh írate tánon ronekénnis, “Macedonia nontáse tánon takwaiénawas!”

Jeremiah 5:26

Ne kariwahétkens rotiʼiótens skátʼke rathináhkere nakonkwetaʼshón꞉a; rathihiatahkerontátie rothiráhre tsi ní꞉ioht ne ronthaharáiens notsitén꞉a akonwahtiʼiéna, ók né ronahteristhaienthákwen nónkwe ashakotiʼiéna.

Proverbs 1:11

Tókaʼ shí꞉ken ahonní꞉ron, “Kenh nontá꞉se; tánon tewé꞉sak ónhka aiethinonwarhiakhon! Káton eniethiié꞉na ne iáh oʼthé꞉nen tehotirì꞉waien kwáh nek ne tsi niionʼwé꞉sen!

Ezra 8:31

Né꞉ne tékeni-iawénhre siwenhniserakéhaton ne tsotenhnitatierénhton tsonhkwahthéntion ne Ahava tsi kanatierathátie né Jerusalem nonhthahiákwe. Nokwáh Ní꞉io iakwahkwekonhátie tánon sonhkwahiathanonsthatonhátie tsi nokwáh ne hionhkhí꞉sons ne tó꞉sa ahontahionhkhihiatiaʼtón꞉ti tánon nahionhkhinenhrénhten tsi nihiakwatʼthahine.

Matthew 4:24

Nese ȣahonni ȣahasennoȣannha rahotinakeraserakon ne Syrian; eh onikenh iontatiatheskȣe nʼiakonnraronnion, niatekannrotenson, Otkon iakonatienni, iakaȣennitaronnis, iakoiatakenheion: nok sesakotsienthakȣe.

Acts 16:12

Thóh hionsahiakwatásawen hiahakwatenatórenne ne Philippi, nehne kanatowánen ne tiotserénton nahonthonwentsiáke ne Macedonia; nehne Roman nahatihiathóten neh nónwe rathiná꞉kereh. Tóhkaʼ nónta ehnónwe nihiákweskwe.

Acts 20:1

Shontóhetsʼte tsi nihiotʼtsirótakwe, Kór wahsakohiataróhroke ne rathikweʼkónne tánon sahsakonikonraʼnírate thó꞉ne thonsahsakonónweron. Ethò꞉ne thonʼsahontetʼkhási Macedonia niaháre.

Acts 20:2

Hiahathohetsʼtánion neh kanakeraserákons ó꞉ni sakonikonrahníratsʼte nonkwesónhas tsi niwéso sakoteriwahnotánisʼkwe. Ehʼthóhʼne Achaia iahárawe.