Acts 20:1 - Ohiatonhseratokénti

¹ Shontóhetsʼte tsi nihiotʼtsirótakwe, Kór wahsakohiataróhroke ne rathikweʼkónne tánon sahsakonikonraʼnírate thó꞉ne thonsahsakonónweron. Ethò꞉ne thonʼsahontetʼkhási Macedonia niaháre.

Acts 20:1 Referans Kwoze

2 Corinthians 7:5

Shaʼakenewe ne Macedonia, iáh teiótonʼon aiontiatorishén꞉take. Niaʼté꞉kon waʼtionkhiʼnikonhrhá꞉ren ne ionkhíhswens tánon ó꞉ni waʼontiateronhiénhten.

Acts 19:21

Sonteweiennéntaʼne tsi nahawénseron, Kór ne tsi Ronikonratokénti rosárine, iathoʼriwaiéntaʼse ne Macedonia tánon Achaia nónwe iatahathawénreh tánon thóh ienkaniʼiónten Jerusalem nienʼhénre. “Nó꞉nen iénkewe neh nónwe,” wahénron, “ónenk ó꞉ni tsi ienke Rome.”

1 Timothy 1:3

Tewahkatonwentióni ne Ephesus nónwe nasiteróntake, kwáh tsi ní꞉ioht tsi konretiarónʼon ne Macedonia shahonkenonhátieʼne. Rohnátsiakes ne nónwe onówen nahóten sakotirihonniénnis, tánon ónenk tsi ensehiónʼnien nahontkáh꞉we.

1 Thessalonians 5:26

Teietʼtsihiaróton ratikwékon ne thoʼnetákwen ne teietʼtsinoronkwáhniont ne skénʼnon.

1 Corinthians 16:20

Ratikwékon ne thohnetákwen ne kén꞉en teietʼtsinonwehráhtons. Né tesewahtathenonwerahtónsek tsi taisewahtatheʼnoronkwáh꞉nion ne skénnen.

1 Corinthians 16:5

Ónenk tsi ienskwahnatarénahse nónen ienwakʼkwátʼtonke ne Macedonia—asèken ónenk tsi Macedonia ientʼkwátʼtho.

Romans 16:16

Tesewatatenorónkwat. Kwáh ratikwékon ne Kerístos raotiókwa iahitsiʼiateniétaʼse ne raotinonronkwátseras.

Acts 20:37

Rathikwékon tehonséntʼthos tsi wahonwaniása tonsahonwanonronkwánion tsi sahaténti.

Acts 20:10

Nók Kór iahásnente tánon wahokétsko ó꞉ni wahoniása. “Tóhsa tesewatatenikonráhnen,” wahénron, “Sekon nirón꞉nhe!”

Acts 16:9

Neh tsiniwasóntes ne Kór wathotserionhnionse wahóken ne Macedoniaró꞉non thóh írate tánon ronekénnis, “Macedonia nontáse tánon takwaiénawas!”

Acts 11:26

Siahohiatatʼtsénri, Antioch nionsahohiaténhawe, tánon kwáh iaʼhiathoseríke tsi ionterenʼnaientákwa nónwe nihontkenʼnisáhaskwe nonkwesónha ó꞉ni hiakotiokowánen wasakotirihónʼnien. Thoʼnónwe ne Antioch ne kwáh tiotserenthákwen ne tsiakawetákwen Iakoriwiʼióston wahontatenathónkwen.

Genesis 48:10

Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa.

2 Corinthians 13:12

Tesewatatahrhó꞉ton tsi naʼtesewátere, wenéhaʼk ne kanoronkwáhtshera. Ratikwé꞉kon ne Rawenni꞉io raotióhkwa iaʼehtshiiatenniéhten ne raotinoronhkhwáhtshera.

Acts 16:12

Thóh hionsahiakwatásawen hiahakwatenatórenne ne Philippi, nehne kanatowánen ne tiotserénton nahonthonwentsiáke ne Macedonia; nehne Roman nahatihiathóten neh nónwe rathiná꞉kereh. Tóhkaʼ nónta ehnónwe nihiákweskwe.

Acts 20:2

Hiahathohetsʼtánion neh kanakeraserákons ó꞉ni sakonikonrahníratsʼte nonkwesónhas tsi niwéso sakoteriwahnotánisʼkwe. Ehʼthóhʼne Achaia iahárawe.

Acts 20:3

Thóh nónwe áhsen niwennítake thóh renteróntakwe. Rahtateweiennéntaskwe ne Syria nonʼniáre nók sahariwáronke ne Sitaeró꞉nons tsi nihonatenikonronnihátie nahonwanonwariákon; sók kíʼ iathoriwaiéntase Macedonia nionsáhre.

Romans 15:19

Ne kasatsʼténsera tsini watieronnísta ne ioriwanerakwaténions, ó꞉ni nahosatsʼténsera ne Rawenni꞉io Rahonikónra. Tanon káti, tsi nitewakatʼtahínon ne Jerusalem tsi nióre ne Illyricum, kwáh tewakeriwasaháthon tsi wakateriwánote ne kariwí꞉ios ne Kerístos rahonháke.