Acts 19:10 - Ohiatonhseratokénti

¹⁰ Tehioseráke kí꞉ken thóh nihiothónne, neh nahónton kwáh tsi niaʼteionkwétake neh nónwe niʼienákere nahonthonwentsiáke ne Asia, rathikwékon ne Sitaeró꞉nons ó꞉ni ne iáh tehatiʼsitaeʼró꞉nons nahónronke ne Roia꞉ner rahowennahókons.

Acts 19:10 Referans Kwoze

Acts 20:31

Sewanikónrarak, káti, ó꞉ni seweiárak neh tsi wéso nokasí꞉ri, tsi niwenníseres ó꞉ni nokarasnéha, kwáh tsi sewahiatátʼtion kwarihonniénni nehne áhsen niʼioserá꞉ke.

2 Timothy 1:15

Sateriéntare tsi kwáh niaʼtehionkwétake nahotonwentsiáke ne Asia, thóh nihiátare ne Phygelus ó꞉ni ne Hermogenes, kwáh ionkatewenthéton.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Romans 10:18

Nók keriwanóntons; thòkensʼke kén iáh tehonarónken nateriwanhothátsera? Oriwí꞉io kíʼ náha tsi ronharónken—asèken tsi niwáthon nhoriwatokénti: “Kwáh ohontsiakwékon hiatathiwenʼnaniháraʼne; ne rahothiwénna iakanihárho ne tsi iotonhóntsiotʼte.”

Romans 10:12

Kwáh tsik ónhka kíʼ iakóthons, Asèken kwáh iáh thènen thateontʼthíhen neh Sitaeró꞉nons tánon ne iáh tehotiriwiʼióstons; Rawenni꞉io kwáh ónhkwe takwékon tsi Sakoiánere ó꞉ni kwáh wahtsokowatserowánen sakohiataterísta tsi niháti ne ienhonwanáthon.

Romans 1:16

Asèken iáh tekatéhense ne kariwiʼiósthotsera; neh ne raotsténsera íken ne Rawenni꞉io ne naʼkoʼienawahséntsera nonkweʼtakwékon ne iakóien tewetáhkwen, ne ne ratisitaʼero꞉nons entʼthontiérenhte ethoʼne ne iáh tehatisitaeronons.

Acts 16:6

Iahiathóhetste tsi tiohóntsiaien ne Phrygia ó꞉ni ne Galatia tioríhwa ne Ronikonratokénti iáh tesakoriwáwi nahonateriwanótake tsi kanakeraseráien ne Asia.

Revelation 1:11

watón꞉nions, “Shiá꞉ton thóh kaiaʼtonhserá꞉kon tsi nahó꞉ten waʼsatkáto tánon iaseiateʼniénten ne tsá꞉ta nikanónhsake ionterenhnaientáhkwas, thóh nón꞉we Ephesus, Smyrna, Pergamum, Thyatira, Sardis, Philadelphia, tánon Laodicea.”

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

1 Tiér 1:1

Tiér kí꞉ken nón tiohawiton, roteriwanothánis ne Ié꞉sos Kerístos— Né꞉ne Rawenni꞉io rahonkwetashón꞉ʼa rotinatenháwis tsi ní꞉ioht tsi rahtiná꞉kere tsiatehonarénion nahotonwentsiákes ne Pontus, Galatia, Cappadocia, Asia, ó꞉ni Bithynia.

Acts 20:18

Shiahónnewe, wasakawénhaʼse, “Sewateriéntare tsi nikaríwes tewakweʼkónne, neh kwáh shonthontenʼniseratsérente siahákewe nahonthonwentsiáke ne Asia.

Acts 19:22

Kati Timothy oni Erastus iasakoteniete, ne ne teniʼiase ne rowasnienonskwe, Macedonia ne nonwe niaháne, tsi nahe ne raónha saonisko tsi watonhontsaien ne Asia.

Acts 19:8

Ne Kór ononsatokentíke niaháre ó꞉ni áhsen niwennítake nikaríwes kwáh íken tsi wasakotewennaníratʼtse nonkwesónhas, tehothiriwatíronte ó꞉ni rahteniéntʼtha niasakonikonrénhawe tsi nòkwa ne Rawenni꞉io Rahonakerásera.

Acts 18:11

Káti ne Kór thoʼnónwe nihenteróntaʼkwe ne tsiósera tánon tsaʼtesewasénnen nikaríwes, sakorihonʼniénnisʼkwe ne Rawenni꞉io rahowennahókon.

Acts 18:4

Tehathiriwatirónthakwe nononsatokentíke kwáh niatewéntake niawentathokentíke, rahteniénthakwe ne tasakonikonrakénni ne Sitaeró꞉nons ó꞉ni ne Greeks.

Acts 2:9

Parthia, Media, tánon Elam, Mesopotamia, Judea, tánon Cappadocia, tánon Pontus, ó꞉ni Asia nónwe nitionkweʼnons,

Acts 6:9

Nók ótiakes ne ronónkwe ronwariwakweníhaʼkwe nononsatokentíke ratiʼiátare ó꞉ni neh Freedmen ronwatinathónkwa, ó꞉ni ne Cyreneró꞉nons tánon ne Alexandria. Rononha tánon ne ronátiakes ne Sitaeró꞉nons ne Cilicia nón nihatinákere tánon ne Asia tahontásawen wathatiriwakéna ne Stephen.

Acts 13:12

Nónen ne rakóra sahatʼkátho tsi naháwenʼne, tarétaʼkwe; Asèken kwáh éhʼtho tsi nihoriwanerákwaskwe tsi nòkwa ne Roiá꞉ner.

Acts 19:20

Nakwékon tsi nahawénseron kwáh iohsátsthe tsi tahiakéthakwe nonkwesónhas, tánon káti nehne rahosatsténsera ne Roiá꞉ner, nateriwanothátsera khék watewaréhni ó꞉ni kasátsthe tsi onteiáron.