Acts 17:1 - Ohiatonhseratokénti

¹ Kór tánon ne Silas wathatáwenre tsi iahiathó꞉hetste ne Amphipolis ó꞉ni ne Apollonia tánon hiahánewe ne Thessalonica, neh thóh nónwe nikanonshótakwe ne Sitaeró꞉nons ronterennaientákwa.

Acts 17:1 Referans Kwoze

Philippians 4:16

Sekonnònʼne ne Thessalonica, sitkéskwe, iáh énskat khók tseʼiohterásthon tsi takwaiénawase.

1 Thessalonians 1:1

Kór, Silas, tánon Timothy nón nitsawénon— Ne onkwesónha ne tiakawetákwen ne Thessalonica nónwe, tsi nihiákon ne Rawenni꞉io ne Kanísera rahonkwetaʼsónhas ó꞉ni ne Roiá꞉ner Ié꞉sos Kerístos: Ne kenténrat ó꞉ni ne skénnon aisewahwenkónweke.

2 Thessalonians 1:1

Kór kíʼ nón nitsawéhnon, Silas, tánon Timothy— Ne nonkwesónhas ne thonetákwen ne Thessalonica nónwe, né꞉ne Rawenni꞉io rahonkwetaʼsónhas Sonkwahníha ó꞉ni ne Roiá꞉ner Ié꞉sos Kerístos:

Acts 20:4

Sopater nehne Pyrrhus roiénha, Berea non nihanákere, neh wahiaterósen; tánon ó꞉ni ne Aristarchus ó꞉ni ne Secundus, nehne Thessalonica non nihanákere; Gaius nehne Derbe nihtawénon; Tychicus ó꞉ni ne Trophimus, tho nithonenon tsi watonhontsaien ne Asia; ó꞉ni ne Timothy.

2 Timothy 4:10

Ne Demas wahanóronkwe ne kén ionwentsiáte tánon wahakatewéntethe, Thessalonica niaháre. Ne Crescens Galatia neh niaháre, tánon ne Titus Dalmatia ne niaháre.

Acts 27:2

Kahónwakon iahakwatíta neh Adramyttium nontáwe, ónen sehióhe nahonteniatarítha ne Asia niahawenonhátie, tánon wahakwaténti. Aristarchus, nehne Macedoniaró꞉non nehne Thessalonica tanákere, iakwakwekonhátie.

Acts 17:13

Nók ne Sitaeró꞉nons neh Thessalonica nónwe nihatinákere sahatiriwáronke ne Kór tsi roteriwanóte ó꞉ni ne Rawenni꞉io rahowénna ne Berea nónwe, thóh wahónʼnete tánon tahontásawen wathonwanahnonwarawénriaʼte ó꞉ni wahonwatitsiʼriónnien ne onkwesónhas nehne ahonnitsionʼkónni ne kenʼtiokwák꞉sen.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.

Acts 16:13

Tánon tsi wahawentatokéntaʼne wahakwahiákenne ne kanátakon tánon wahakwaniatarósereh, ehnónwe wahákwereh thoʼkanónwa thoʼnónwe ne Sitaeró꞉nons rontiataróhroks nahonterénnaien. Wahakwátsien tánon watsiakwatarónnion ne tsionatʼthonwísens neh ionatiataróronʼne.

Acts 15:21

Asèken ne Mahís raoianerénsera wahónnise shiʼiotewennanóte nononsatokentíke kwáh niaʼtewéntake nawentathokentíke, tánon ne raowennaókons kwáh tsi niaʼtekanátake tsi wateriwanóte.”

Acts 14:1

Kwáh neh sáka tsi thóh naháwenʼne neh nón Iconium tsi nitsawén꞉en ne Antioch nehne Pisidia nónwe: ne Kór tánon ne Barnabas ononsatokentíke niaháne tánon kwáh tahiateweniénton tsi wahiatáti neh wakarihónni kwáh ronatsiokowánen ne Sitaeró꞉nons ó꞉ni ne iáh tehatiʼsitaeʼró꞉nons tahonnétakwe.

Acts 17:10

Kwáh tsi niʼiostóre tahiokáraʼwe, neh rohthiriwiʼióstons iahonwanahténieʼte Kór tánon ne Silas nehne Berea nonniá꞉ne. Shahánewe, Ononsatokentíke niaháne.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.