Acts 16:12 - Ohiatonhseratokénti

¹² Thóh hionsahiakwatásawen hiahakwatenatórenne ne Philippi, nehne kanatowánen ne tiotserénton nahonthonwentsiáke ne Macedonia; nehne Roman nahatihiathóten neh nónwe rathiná꞉kereh. Tóhkaʼ nónta ehnónwe nihiákweskwe.

Acts 16:12 Referans Kwoze

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

Philippians 1:1

Ne thonathásawen ne Kór tánon ne Timothy, ronwahiotenséhakwe ne Kerístos Ié꞉sos— Kwáh tsi niháti ne Rawenni꞉io rahonkwetasónha ne tohonatiriwasontere ne Kerístos Ié꞉sos thóh nón ne Philippi, thóh ratiiá꞉tare ne ononsatokentí꞉ke nohén꞉ton iehonhnéton ó꞉ni ne rontsniénons:

Acts 20:6

Philippi nónwe tahiakwaténni wahakwatʼtsiróten sonthóhetste ne wentanóronskwe ne iáh tewatʼtenkwáton kanátaro, tánon wísk nónta onakènke Troas nónwe iathonsahiakwatátʼken, tsiaʼiáksera thoʼnónwe niʼiákwesʼkwe.

Acts 16:21

Neh sakothirihonniénnis ne kariwiʼiosthóntseras tsi neh nikariwásthon nonkwahianerénsera; Romeʼró꞉nons nitewahiathótens, iáh tehionkwaríwaien nahitewaiéna kí꞉ken kariwiʼiosthóntseras iáh ó꞉ni sékon nek khók nahitewatéweienste.”

Acts 16:9

Neh tsiniwasóntes ne Kór wathotserionhnionse wahóken ne Macedoniaró꞉non thóh írate tánon ronekénnis, “Macedonia nontáse tánon takwaiénawas!”

Acts 16:10

Kwáh tsi niʼiosthóre ne Kór iathakaraientane, wahakwatateweniennéntaʼne ne Macedonia niahiákwe, tsioríhwa tsi hiationkwariwaiéntaʼse tsi Rawenn í꞉io wahshonkwánhaʼne niahiakhehiateriwanótʼtase ne kariwí꞉ios nonkweshónhas neh nónwe.

Acts 18:5

Shahánewe ne Silas tánon ne Timothy nehne Macedonia nathontáne, Ne Kór kwá nek khók wahohióten wahoteriwanótʼthase ne Ié꞉sos, sakonikonraientaténnis ne Sitaeró꞉nons tsi Ié꞉sos seh ne Kerístos.

Acts 19:21

Sonteweiennéntaʼne tsi nahawénseron, Kór ne tsi Ronikonratokénti rosárine, iathoʼriwaiéntaʼse ne Macedonia tánon Achaia nónwe iatahathawénreh tánon thóh ienkaniʼiónten Jerusalem nienʼhénre. “Nó꞉nen iénkewe neh nónwe,” wahénron, “ónenk ó꞉ni tsi ienke Rome.”

Acts 19:29

Tsi nontʼtsíro kwáh kanatakwékon wahtewaréni. Ne kentiokwáksen wahonwathiʼiéna ne Gaius ó꞉ni ne Aristarchus, tenitsiáron Macedoniaró꞉nons natenihiatóten skátʼke tehonatawerienháties ne Kór, tánon wathonwatisteríhathe tsi ronkʼkennisahátha niahonwathihiaténhawe.

Acts 20:1

Shontóhetsʼte tsi nihiotʼtsirótakwe, Kór wahsakohiataróhroke ne rathikweʼkónne tánon sahsakonikonraʼnírate thó꞉ne thonsahsakonónweron. Ethò꞉ne thonʼsahontetʼkhási Macedonia niaháre.

Acts 20:3

Thóh nónwe áhsen niwennítake thóh renteróntakwe. Rahtateweiennéntaskwe ne Syria nonʼniáre nók sahariwáronke ne Sitaeró꞉nons tsi nihonatenikonronnihátie nahonwanonwariákon; sók kíʼ iathoriwaiéntase Macedonia nionsáhre.

Acts 27:2

Kahónwakon iahakwatíta neh Adramyttium nontáwe, ónen sehióhe nahonteniatarítha ne Asia niahawenonhátie, tánon wahakwaténti. Aristarchus, nehne Macedoniaró꞉non nehne Thessalonica tanákere, iakwakwekonhátie.

Romans 15:26

Asèken ne tionterennaientákwas ne Macedonia tánon ne Achaia kwáh íken tsi iatehotiriwaiéntaʼse nasakotisniénon ne iakóten ne Rawenni꞉io rahonkwetaʼsónhas ne Jerusalem.

Philippians 1:5

Ne karihón꞉nis tsi takwaié꞉nawaʼse tsi teionkwateriwareniatonháties ne karihwí꞉ios ne kwáh sontontenniseratiérente wesewáronke.