Acts 13:5 - Ohiatonhseratokénti

⁵ Siʼiahánewe ne Salamis, ononsatokentíke non nahiateriwanóten ne Rawenni꞉io rahowénʼna. Sawátis Mark skátke ratikwekonhátie nahatsniénon ne kahioténsera.

Acts 13:5 Referans Kwoze

Acts 13:14

Perga ionsahiaténti tánon iahánewe Antioch ne Pisidia nónwe, tánon tsi wahaʼwentatokéntane ononsatokentíke iahiatáwehiate tánon iaʼhiátsien.

Acts 13:46

Nók ne Kór tánon ne Barnabas onensénha wahiatewennanírate tsi wahiatáti: “Kwáh tehiothonwentióhonne ne í꞉se ahontesewatierénton naʼietsiʼhiaronkaténni ne Rawenni꞉io rahowénna. Nók kiʼ tsi wesewakénron ó꞉ni í꞉se wesewatatréwate ne tsi iáh tsiatekaiéri tsi nisewahiáneren naisewaiéna ne ionnheʼónwe atónʼnhets, enskwatewéntethe káti tánon nehne iáh tehatisitaerónon nonʼnientsiákeʼne.

Acts 19:8

Ne Kór ononsatokentíke niaháre ó꞉ni áhsen niwennítake nikaríwes kwáh íken tsi wasakotewennaníratʼtse nonkwesónhas, tehothiriwatíronte ó꞉ni rahteniéntʼtha niasakonikonrénhawe tsi nòkwa ne Rawenni꞉io Rahonakerásera.

Acts 18:4

Tehathiriwatirónthakwe nononsatokentíke kwáh niatewéntake niawentathokentíke, rahteniénthakwe ne tasakonikonrakénni ne Sitaeró꞉nons ó꞉ni ne Greeks.

Acts 17:17

Sók kíʼ ononsatokentíke non wahtathitarónnion ne Sitaeró꞉nons skátʼke ne iáh tehatiʼsitaeʼró꞉nons tsi nikáien ne ronwasénnaiens ne Rawenni꞉io, ó꞉ni kwáh niaʼtewenniseráke neh tsi iontʼkerontákwas nónwe tsi nihiákon neh nónwe néntsien.

Acts 14:1

Kwáh neh sáka tsi thóh naháwenʼne neh nón Iconium tsi nitsawén꞉en ne Antioch nehne Pisidia nónwe: ne Kór tánon ne Barnabas ononsatokentíke niaháne tánon kwáh tahiateweniénton tsi wahiatáti neh wakarihónni kwáh ronatsiokowánen ne Sitaeró꞉nons ó꞉ni ne iáh tehatiʼsitaeʼró꞉nons tahonnétakwe.

Acts 12:12

Rotheriéntarakwe tsi nihothesenʼnótenskwe, Onwári tsi tiakonʼnónshote niaháre, nehne Sawátis Mark ronwaʼién꞉a, thóh nónwe iakotsiokowánen iakotiataróron ó꞉ni ronaterenʼnaiéntakwe.

Acts 9:20

Kwáh hiahatʼthakwaríshate nonʼnonsatokentíke tánon tahatásawen wahateriwanóten nètho Ié꞉sos tsi Rawenni꞉io roiénha.

2 Timothy 4:11

Kwáh Luke khók tiontiariskhóʼon. Mark hiatsínonk tánon tatʼtiaténhaf, tioríhwa tsi enhakwéni nahasniénon ne kahioténsera.

Colossians 4:10

Ne Aristarchus, skátke iakehninó꞉ton, tetsisewanonwerá꞉tons, tánon ne Mark, né꞉ne Barnabas ronarahséha. (Ó꞉nenk sewariwahienté꞉ri tsi tatsisewaró꞉ton ne Mark tóhka thóh nokwáh niéh꞉re.)

Acts 15:37

Ne Barnabas réhrakwe Sawátis Mark iahohiaténhawe,

Acts 12:25

Ne Barnabas tánon ne Saul wahníhsa ne rahotihioténsera tánon Jerusalem nionsáne, rónʼnehne ne Sawátis Mark.

1 Kings 19:21

Ethòne ne Elisha thóh nionhsáre tsítʼnethe né raotshénen tehotinákares, tánon washakononhwarhiákon, tánon wahawarárihthe, né wárasthe ne iatsienhtaniáktha tsi wahatekathakwe. Nówaron onhkweshón꞉a nènhne washakowaránonhthe, tánon wahónʼneke. Ethòne ó꞉nen Elijah hionhsahó꞉sere nahosniénon.

Matthew 20:26

Tosa kati nise eh naseȣaier: ok eken aeseȣatatennhatseronnien nonka enrerheke aionkkoȣanen.

2 Kings 3:11

Né Ronhnonhtí꞉io Jehoshaphat waharihwanónhton, “Rénhteronh kén ne rotó꞉kense né kenhʼnónwe ne rahonháke nónhwe natsitewanikonhríhsake ne Roiá꞉ner?” Saiáta ne rasenhnowánen ne rasóhtar né꞉ne Ronhnonhtí꞉io Joram rahotsiókwah wathariwaseráko, “Elisha roiénha Shaphat kénʼen í꞉res. Né꞉ne rahónha tehothiʼienawákonhne ne Elijah.”

1 Kings 19:3

Né Elijah wahoteronhiénhthen tánon wahatèko nahanónsthathe tsi rónnhe; iahohiathénhaʼwe ne rahonhátsera tánon Beersheba niaháre né꞉ne Judah nónhwe. Tánon thóh wahótʼkawe ne rahonhátsera,

Exodus 24:13

Ne Mahís ó꞉ni ne roʼsniénons Joshua wahiaʼthatewehienhnenhthàne, tánon Mahís tahatásawenh niahanontárahne.

Acts 19:22

Kati Timothy oni Erastus iasakoteniete, ne ne teniʼiase ne rowasnienonskwe, Macedonia ne nonwe niaháne, tsi nahe ne raónha saonisko tsi watonhontsaien ne Asia.

Acts 19:29

Tsi nontʼtsíro kwáh kanatakwékon wahtewaréni. Ne kentiokwáksen wahonwathiʼiéna ne Gaius ó꞉ni ne Aristarchus, tenitsiáron Macedoniaró꞉nons natenihiatóten skátʼke tehonatawerienháties ne Kór, tánon wathonwatisteríhathe tsi ronkʼkennisahátha niahonwathihiaténhawe.