Acts 1:15 - Ohiatonhseratokénti

¹⁵ Tohkára nónta onakènʼke wahontʼkenʼnísa ne thoʼnethákwens, kakʼnon ne énskat tewenʼniáwe tánon tewásen nihátikwe, tánon ne Tiér wahthátaʼne nahatáti.

Acts 1:15 Referans Kwoze

1 Corinthians 15:6

Ehʼthóhʼne skátʼke tsi sháh꞉sakothotasien ísinon ne wísk tewenʼniawe niháti ne ronwahnonteráhtieskwe, rohnahtiokowáhnen shé꞉kon nihonnónnhe, ónk kíʼ ótiakes rohnenhéion.

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

John 21:23

Ȣateȣateriȣareni neh nikaȣennoten raonatatekenserakon, tsi iah tharenheie ne thohiken. Iah sane tehaȣen ne Iesos iah tarenheie; neok ne: ok takanonton nahenterontake tsiniiore tentke, sariȣake katikenh?

Revelation 3:4

Thosà꞉ne ní꞉se shé꞉kon toká꞉ra nihionkwè꞉takes thóh nón꞉we ne Sardis iáh aré꞉kho thateotitiónston ne raonhatierónhnias; ronón꞉ha kwáh skátne tenhiakwahtekháhakwe, ne enhonaʼtserón꞉niaton kará꞉ken, asè꞉ken teonhaténtion.

John 14:12

Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

Luke 22:32

Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.

Matthew 13:31

Ohia are tonsasakoriȣakentonkȣen; ȣahenron: neh teskiatieren ne Karonhiake tkanakeraseraien tsiniiot, otsinekȣar kanen ieienthota, onkakiok ȣatrakȣe nok raonȣentsiake ȣahaientho.

Acts 10:23

Tiér wasakohónkaron ne ronnónkwe hiaʼontáwehiate tánon ó꞉ni thóh ahonnónwete. Tsi sahiórenhne wahatatewehienentane tanon wahontenhrosen; tokara niháti ne thonhnetakwen ne Joppa nithonenon skatne niahónhne.

Acts 11:1

Ne ratikweʼkónne ó꞉ni ronátiakes ne thonethákwens tsi niwatenáskwa ne Judea wahatiriwáronʼke ne iáh tehatiʼsitaeʼró꞉nons tahonʼnéthakwe ne Rawení꞉io rahowén꞉na.

Acts 11:12

Ne Rawenni꞉io wahatʼróri neh ahiakwaterósen tóhsa ó꞉ni nakaterahiátaʼkwe. Kiʼ iá-iak niháti atatekénseras neh thoʼnethákwen ne Joppa nónwe nithonénon wahonkwarískote tsi niahákwe ne Caesarea, tánon iakwakwékon hiahakwatáwehiate ne Cornelius rahonónskon.

Acts 11:26

Siahohiatatʼtsénri, Antioch nionsahohiaténhawe, tánon kwáh iaʼhiathoseríke tsi ionterenʼnaientákwa nónwe nihontkenʼnisáhaskwe nonkwesónha ó꞉ni hiakotiokowánen wasakotirihónʼnien. Thoʼnónwe ne Antioch ne kwáh tiotserenthákwen ne tsiakawetákwen Iakoriwiʼióston wahontatenathónkwen.

Acts 11:29

Neh ratikwekónne hiatotiriwaiéntase kwáh satihiatátʼtion ienhonténiente tsi nenhatikwéni nasakotiʼiénawase ne iakoriwiʼióston ne Judea nónwe niʼienákere.

Acts 12:17

Ratsianáke wáraste wataieronnionháton ne sakʼtahontatónni, tánon wasakonikonraientáten tsi ní꞉ioht ne Roiá꞉ner tsi sahohiatínekenwe tsi tiontatenothónkwa. “Neh kíʼ tsi sewaróri ne Sák tánon ó꞉ni ne ronátsiakes ne thoʼnethákwens,” wahénron; ehʼthóhʼne ahéren sárete tánon ákte non nionsáre.

Acts 14:2

Ne Sitaeró꞉nons tsi niháti ne iáh tethonetákwen wahsakothitsirónnien ne iáh tehatiʼsitaeʼró꞉nons tánon iasakonatsiatónti ne thonetákwen.

Acts 15:1

Tóhka niháti ronnónkwe Judea nontahónne tánon Antioch niahónne tánon tahontásawen wasakotirihónnien ne iakoriwiʼióstons, “Iáh tahónton nahonsehsewaniákenne tóhka iáh tesewatewarakwétaron tsi nikariwanóntons ne Mahís raoianerénsera.”

Acts 15:3

Nehne iakoriwiʼióstons iehonwanatheniéton; tánon tsi hiathiatawénrie ne Phoenicia ó꞉ni ne Samaria, wahiatʼróri tsi ní꞉ioht ne iáh tehatiʼsitaeʼró꞉nons tsi tahonwétakwe ne Rawenni꞉io; tsi wahatiriwáhronke tahiakáwen ne kowáhnen atʼtsennonʼniátsera ne thoʼnehthákwens.

Acts 16:2

Rathikwékon ne thonethákwen thonónwe ne Lystra ó꞉ni ne Iconium tehonwarensáronskwe ne Timothy.

Acts 16:40

Kór tánon ne Silas sahiatenothónko nók Lydia tsi tsiakonʼnónshote nionsáne. Thóh káti nónwe nathontátken ne thonnetákwens, neh wahonwathiʼtharákwen ne kanikonranirátʼtsera, tánon sahiaténti.

Acts 17:6

Nók tsi iáh tehonwathihiatatʼtsénrion, wahonwahiathí꞉sere ne Jason ó꞉ni tóhkaʼ niháti nakorénson ne thonetákwen rahothihénton ne kanáta konwatsenhaiénseh niaʼhonwathihiaténhaʼwe ó꞉ni tehothihenréta, “Ki꞉ken roʼnónkwe kwáh tsikʼnonwéson tsi tehathinikónrare! Tánon ónen onkwanátakon nontahónne,

Acts 17:10

Kwáh tsi niʼiostóre tahiokáraʼwe, neh rohthiriwiʼióstons iahonwanahténieʼte Kór tánon ne Silas nehne Berea nonniá꞉ne. Shahánewe, Ononsatokentíke niaháne.

Acts 17:14

Kwákh óksaʼk ne rothiriwiʼióstons kaniatarakekówaʼne ionsahonwatóri ne Kór tánon tòkah niháti wahonteróhsen; nók ne tenihiáse ne Silas tánon ne Timothy Berea neh nónwe nennéhseʼke.

Acts 18:18

Kór sékon karíhwes thóh nónwe ne Corinth senteróntahkwe rathikweʼkón꞉ne ne thoʼnetáhkwens, ehʼthóhʼne sahsakotewéntethe tánon wahatʼtsiróten tsi watahiáʼiake tsi Syria niaháre wahónne ne Priscilla ó꞉ni ne Aquila. Nohénton nahatʼtsiróten nahontahaténti ne Cenchreae onahónstha wahonniónni tsi wahonwanónkare tsioríhwa tsi nihorahráston rahonháke ne Rawenni꞉io.

Acts 18:27

Ne Apollos iathoʼriwaiéntase ne Achaia nón niáre, sók kíʼ ne rohthiriwiʼióstons ne Ephesus nónwe iahonwanikonrárehke tsi hiasakothiʼiáthonse ne rothiriwiʼióstons ne Achaia nónwe, ronwathiretsiárons ne tahonwaróton nónen iénrawe. Siahárawe, kwáh íken tsi kowánen wasakoiénawaʼse tsi nihiákon ne tiakawethákwen rahonháke ne Ié꞉sos tsioríhwa ne Rawenni꞉io tsi nióre tsi ioiánere tsi nisakotseraséhakwe.

Acts 21:7

Watsiakwaiáhiaʼke, hionkwatʼtsirótatse tsi nontáhiakwe ne Tyre tsi nióre ne Ptolemais, thóh nónwe watsiakwatátken ne thoʼnetá꞉kwens tánon sewennísera skátʼke iákwesʼkwe.

Acts 21:17

Shahákwaʼwe ne Jerusalem, ne thoʼnetákwen kwáh íken tsi watsionkihiaróhton.

Acts 22:5

Ne Raʼtsihenstowánen tánon kwáh rathikwékon ne rathitsiénhaiens enhathiriwanírate tsi kwáh thóʼkenske tsi nahóten katónnions. Iehionkʼkhiatónni natatekénseras ne Sitaeró꞉nons ne Damascus nónwe nihatinákere, sók kiʼthoniá꞉hake nakheʼiéʼna nónkwe tánon oronkwása takhenénsterenke kén꞉en Jerusalem natahontakhehiaténhawe nahonwathiréwathe.

Acts 28:14

Thóh nónwe thó꞉ka niháti wahakhihiatatʼtsénri ne thonetákwen neh wahonkhiriwanónthonse ne thóh nonnaiakwéseke tsiaʼiák꞉sera. Tánon káti Rome wahákwaʼwe.