2 Samuel 7:2 - Ohiatonhseratokénti

² ne ronnontí꞉io wahawénhaʼse ne rotó꞉kense Nathan, “Skatkátho ó꞉nen, ní꞉i thóh kíteron tsi kanón꞉shote nonenhtakwénhte, ók ne raoneró꞉kwah nateriwaseronniátshera ne Ní꞉io atoserákon nenʼné꞉eh tká꞉ien.”

2 Samuel 7:2 Referans Kwoze

2 Samuel 5:11

Ne Ronnontí꞉io ne Hiram ne Tyre nón꞉we iahoteriwaʼniéten ne Táwit, ne wakené꞉te ne onenhtakwénhte karontasónhas, ó꞉ni ratiʼswenhkarakétas ó꞉ni ne ratinenhiakwétarons ne ne ronónha ronwanonsiʼsenhénhni ne Táwit.

2 Samuel 12:1

tánon ne Roiá꞉ner Nathan iahoténiete tsi thénteron ne Táwit. Tsi iahá꞉rawe ne tsi thénteron, tánon wahawénhase, “Thóh nón꞉we tenonkwétake ninákerehkwe ne kanatatóken kanatowanénke, ne saiá꞉ta rokwátshekwe tánon ne saiá꞉ta roʼtèntene nenʼné꞉e.

Acts 7:46

Ne Rawení꞉io tahoriwáhwaʼse ne Táwit, nók ne Táwit wahoriwanóntonse ne Rawení꞉io nahoríʼon nahononshón꞉nien nononsatokentiʼkówa ne Jacob Raóni꞉io.

John 2:17

Ethone ne raotiokȣa sahonneiarane tsiniȣaton tsi kaiaton: Sanonsa aokȣeniat onkiatakari,

Haggai 1:4

Ó꞉nenh ken thóh tsi nikahá꞉wi ní꞉se ne iatesewahiátis thóh nahisewenhterónhtake ne washirowá꞉nens oswénhkare wasthá꞉nion ne sewanonskónhsons, tsi ná꞉he ní꞉i nakénonsa iorihwenhtà꞉on?

1 Chronicles 29:29

Tsi nihonwakarahtónhkwa ne Ronnontí꞉io Táwit né tsi nitsotásawenh tsi niehiotótʼte thóh nón꞉we nikaiatónhnions skát꞉ke násenh nihá꞉tiʼkwe rotitokenséhaʼkwe, né꞉ne Samuel, Nathan, tánon Gad.

1 Chronicles 16:1

Athoserákon iahatí꞉ionhte Naʼterihwaʼseronniátshera Oneró꞉kwah tsi niká꞉ien ne Táwit rothoseró꞉te né꞉ne aorihwá꞉ke. Ethóhʼne ó꞉nen waʼonteskonthón꞉nion tánon kwáh skaríhwa í꞉ken tsi ní꞉ioht tsi waʼonwátat꞉tse ne Rawenni꞉io

Psalms 132:5

tsi nió꞉re ienhinakʼtatsiénhriaʼse ne Roiá꞉ner, tsi nón꞉we nenhenhterónhtake ne Raoní꞉io Jacob.”

2 Chronicles 1:4

Né Aterihwasehronhniátshera Onerókwa, ethosáne, Jerusalem nón꞉we tewateweiénhtonhne, athohserákon kaiénthakwe né꞉ne Ronnontí꞉iokwe Táwit roketskwe né shontaháhaʼwe Nonerowa né Kiriath Jearim nón꞉we.)

1 Chronicles 14:1

Né Ronnontí꞉io Hiram ne Tyre nón꞉we iashakoténieʼte ne ronhtenhnínons tsi ténhteron ne Táwit; taʼhót꞉kawase nonenhthaʼkwénhte karonhtaʼsónhas ó꞉ni ne tehatitsʼtenhrót꞉thas tánon ne raʼtiskwenhkarahkétas nahatinonsónhni ne ronhnontí꞉io rahonónsa.

2 Samuel 7:17

Thóh entsioianénhawe skát꞉ne akwé꞉kon kí꞉ken owenhnasón꞉ahs ó꞉ni skát꞉ne akwé꞉kon kí꞉ken tsi nonterihotaʼshión꞉ko, ne Nathan wahoró꞉ri ne Táwit.

2 Samuel 6:17

Tahatiʼiónte ne raoneró꞉kwah nateriwasehronniátshera ne Roiá꞉ner, tánon thóh wahá꞉tien tsi nón꞉we niionát꞉te, atohsehrákon nètho Táwit rotohsehró꞉te ne ne aorihwáke; tánon ne Táwit wateskónten tánon neh washakotátʼtse ne otsiokwahtokénti raohén꞉ton ne Roiá꞉ner.

Exodus 40:21

Ethòne noneró꞉kwa atohserákon iaháʼhionte tánon wahaʼharanihiontónhnion. Né kí꞉ken hontʼrenhóstaʼkwe ne ateriwaseronhniátshera oneró꞉kwa, kwáh kíʼ tsi nihotenhnáhon ne Roiá꞉ner.

2 Samuel 11:11

Ne Uriah wahawénhase ne Táwit, “Ne ateriwaseronniátshera tánon NʼIsraeró꞉nons ó꞉ni ne Judah thóh ratiteróntons ne thiʼwaskwakarénhren; ne rateriʼioserakweʼní꞉io Joab ó꞉ni ne raonhatseraókons thóh ronaná꞉taien ne kénk nón꞉we thí꞉ken kahentá꞉ke; ónhní꞉iot tsi ahónton thóh niahonsáke tsi tewakenónsoʼte, ne takatská꞉on ó꞉ni natnekíra, tánon skát꞉ne aiatiá꞉rate ne ketsténha? Ní꞉se tsi nishón꞉nhe, tánon ne satón꞉nhets tsi nihiónnhe, Ní꞉i kwáh iáh èhʼthoh thátiere neh nikariʼóten.”

1 Kings 1:22

Shékonk shiʼhiótare, ónenh ne Nathan wará꞉we ne tsi kanonhtiʼiotseráien.

1 Kings 8:17

Tánon kíʼ ne Solomon iahathasónhteren, “Né rakeʼníha Táwit roʼtenikonhrónhnikwe nahanonhsónhni nononhsatokentiʼkówa né nahonwasenhnaiéntakwahke ne Roiá꞉ner Sakoní꞉io Israerʼró꞉nonke,

1 Chronicles 22:7

Né Táwit wahawénhaʼse, “Tien, ke꞉rahkwe akenonsónhni Nononsatokentiʼkówa né tsi aʼikwéniensʼte ne Roiá꞉ner akeNí꞉io.

2 Chronicles 9:29

Né ken iotiétons tsi nihonwakaratónhkwah ne Solomon tsi nitiotásawe tsi niʼió꞉re iehiotéson thóh nón꞉we nikaiatónhnions Tsi nihonwakaratónhkwah ne Nathan rotokenséhakwe, Né tsi niehorihwáken ne Ahijah ne Shilohró꞉non, tánon Tsi nihotetʼtsénhen ne Iddo rotokenséhakwe, né nonʼné꞉e iotaráhkwen ne Ronnontí꞉iokwe Jeroboam Nisraeʼró꞉non.

2 Chronicles 29:25

Né ronnontí꞉io wahá꞉sere kíʼ ne karihonhnienhnítsheras nètho Roiá꞉ner thóh꞉wi ne Ronnontí꞉io Táwit rahonháke ne Gad, né꞉ne ronnontí꞉io rahonkweʼtaʼkénʼen rotokenhséhakwe, ó꞉ni rahonháke ne rotokenhséhakwe Nathan; Ononsatokentiʼkówaʼne washakóteron ne Leviró꞉nons, skát꞉ke ne onowahkówas ó꞉ni ne teiotwasakweʼnónhnis,

1 Kings 1:8

Ók ne Zadok né ratsihénstatsi, tánon ne Benaiah né꞉ne roʼníha ne Jehoiada, tánon ne Nathan rotokenséhakwe nenhné꞉e, tánon ne Shimei, Rei, tánon ne Táwit ronwahiathanónhnaʼkwe iáh nenhné꞉e Adonijah tethonwatswanónhnen.

1 Kings 4:5

Nohénton iéraʼte ne ratikorásons ne tsi watonwénhtsaien: né꞉ne Azariah né꞉ne roʼiénha ne Nathan Ne kanonhtiʼiótsera sakotenikonrawis: né꞉ne ratsihénstatsi Zabud né꞉ne roʼiénha ne Nathan

Psalms 132:2

O tsi niʼiorihwaʼníron rorihwanirá꞉ton rahonháke ne Roiá꞉ner tánon rorahratsʼthénhni, ne Roshaststenhserowánen ne Raoní꞉io Jacob: