2 Samuel 5:3 - Ohiatonhseratokénti

³ Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

2 Samuel 5:3 Referans Kwoze

2 Samuel 2:4

Ehʼthóhʼne nonkweʼó꞉kons ne Judah tahón꞉ne, tánon thóh nón꞉we naonwahiataráko ne Táwit asakotenontí꞉ioste ne Judahró꞉nons. Nó꞉nen saonwaró꞉ri ne Táwit, “Ne nonkweʼó꞉kons ne Jabesh Gilead ronwaʼiatáten ne Saul,”

1 Samuel 23:18

Eʼthóhʼne kiʼ tenitsá꞉ron wahiatsanerenhserísa raosén꞉nakon ne Roiá꞉ner; Ne Táwit thóh nenhné꞉ʼeh rahná꞉kerehkwe ne Horesh nón꞉we, ók ne Jonathan sahaténhti nenhʼnéʼeh.

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

2 Kings 11:17

Né ratsihénstatsi Jehoiada wahaónhnien ne Ronnontí꞉io Joash tánon nonkweʼshón꞉as nahontsanerenserónhni skát꞉ke ne Roiá꞉ner né ká꞉ti ne Roiá꞉ner raʼonkwetashón꞉as akénhake; kwáh kí ó꞉ni waʼhaianerenhserónhni tsi nateʼónteres ne ronnontí꞉io tánon nonkweʼshón꞉as.

2 Samuel 3:21

Nó꞉nen ne Abner wahawénhase ne Táwit, “Takeríhon ne iá꞉ke tánon akheiaʼtaróhroke ratikwé꞉kon NʼIsraerʼró꞉nons rahohénton natiá꞉ner ne ne ronnontí꞉io, ne nahón꞉ton nahonnónhni nateriwaseronniátshera skátne ní꞉se, tánon nètho ní꞉se ahón꞉ton asatenontí꞉ioste kwáh akwé꞉kon ne seriá꞉ne tsi nitesaskáneks.” Káti ne Táwit sahót꞉kawe ne Abner, tánon éh꞉ren sárehte skénnok thí꞉ken.

Judges 11:11

Sók kíʼ ne Jephthah sahónhne ne sakotihéntenhse ne Gileadró꞉nons, tánon rahónha wahonwakorasthe ó꞉ni nashakohéntenhse ne ratishó꞉tar. Ne Mizpah nónhwe rahohénton ne Roiá꞉ner, ne Jephthah thontahatnanétha tsi nishakoró꞉ri ne ohénton iehonhnéton.

Nehemiah 9:38

Ne wahkarihón꞉ni akwé꞉kon kí꞉꞉ken tsi nahawénhseron wahatiónhni naterihwasheronhniá꞉tshera tsi onthiá꞉ton, tánon ne ionkhihéntenhse Levites tánon ne ratiʼtsihénstatsis ne wahatinethanenhtákʼthe.

2 Chronicles 23:16

Tánon kí ne Jehoiada waʼhaianerenhserónhni tsi natehóntere ne rahónha tánon ratikwé꞉kon nonhkweʼshón꞉as ó꞉ni ne Ronnontí꞉io tsi kwáh kíʼ Roiá꞉ner rahonkwetaʼshón꞉as enhónton.

1 Chronicles 11:3

Ká꞉ti ratikwé꞉kon ne sakotihén꞉tenhse Israerró꞉nonhke niahónʼne tsi ténhteron ne Táwit né꞉ne Hebron nón꞉we. Kwáh iotokénti tsi ní꞉ioht tsi wathonterihwá꞉iesʼte, waʼhonwenhienáʼro, tánon rahón꞉a waʼonontí꞉ioʼne Nisraeró꞉nonke, kwáh kíʼ tsi nihorahrátston ne Roiá꞉ner rahonháke ne Samuel.

1 Samuel 11:15

Káti onkweʼtakwé꞉kon iahá꞉hen ne Gilgal, tánon thóh nón꞉we iahonwanontí꞉ioste ne Saul raohén꞉ton ne Roiá꞉ner thohʼnón꞉we Gilgal. Thóh nón꞉we nahonteskónten natakaritétshera aoriwá꞉ke raohén꞉ton ne Roiá꞉ner, tánon thóh nón꞉we ne Saul tánon ratiʼkwé꞉kon Nisraerʼró꞉nons wahontonnáhren teiotenonhiaʼníton í꞉ken.

Exodus 3:16

Wáhs sehiaʼtaró꞉rok ne ohénton iehonʼnèton ne lsraeró꞉nonke tánon sehró꞉ri tsi Í꞉i, ne Watiá꞉ner, ne RaotiʼNí꞉io ne sakotiʼsotthonkonhkènʼen, ne RaotiʼNí꞉io ne Abraham, lsaac, tánon ne Jacob, wahiaʼthoʼtáshien. Sehró꞉ri tsi táh꞉ke tánon wakatʼkáton tsi niʼhonwatiʼiérahse ne Egyptró꞉nons.

Joshua 10:36

Ne sonhteweienénhtaʼne, Ne Joshua ó꞉ni ne rahonkweʼtashón꞉as ronhterí꞉ios Eglon ionsahonhténti tánon iahatinonhthà꞉rane ne Hebron, tánon iakonhwatiaʼtónhti

1 Kings 1:34

tsi nónhwe ne Zadok tánon ne Nathan enthonwarihwaníratʼtse tsi ronhnonhtí꞉io íken Nisraerʼró꞉nonhke. Ethòne ónenh sewahonráwat tánon tesehwahénret, ‘Karíhwes rònnhet ne Ronhnonhtí꞉io Solomon!’

1 Chronicles 11:1

Ratikwé꞉kon nonkweʼshón꞉as Israerró꞉nonhke tsi thénteron ne Táwit niaʼhónʼne né꞉ne Hebron nón꞉we tánon wahonwénhaʼse, “Nonkwáhtsakes kwáh ne setewawá꞉ra ó꞉ni setewanekwénhsa í꞉ken ní꞉se.

2 Samuel 2:7

Neh kíʼ aoríhwa ne satshanáke akasháststeke, tánon akarihwásthake; asèken ne Saul iaiá꞉ner kénʼne rawenhé꞉ion, tánon nonkweʼókons ne Judah ne ronwaiaʼtarákwen nasakotenotí꞉ioste.”

1 Chronicles 28:4

Né Roiá꞉ner sakoNí꞉io Nisraeʼró꞉nonhke, wahatiataráhko tánon tsi nienhkatwatsírihne nahiakwatʼró꞉raste Nisraeʼró꞉nonhke tsi nénhwe. Né washakoiataráhko ne Judahró꞉nons nahontahóntkaʼwe nashakotihéntenhse, tánon thóh nón꞉we ne Judahró꞉nonhke waʼsakoiataráhko ne rakeníha rahowátsire. Thóh ne rathiwatsirahkwé꞉kon kwáh rahotsionhniatsherákon tsi iahatsaténhaʼwe tánon wahakenontí꞉ioste tsi niwatenáskwah Nisraeʼró꞉nonke.