2 Samuel 3:3 - Ohiatonhseratokénti

³ ne tekeníhaton roién꞉ha ne ne Chileab, Abigail ne ronisténha, ne ne Nabal rotiniá꞉konhne, Carmel nón꞉we nitsiawénon; nasén꞉haton, roién꞉ha ne ne Absalom, Maacah ronisténha, ne sakoién꞉ha ne Ronnontí꞉io Talmai ne Geshur nón꞉we;

2 Samuel 3:3 Referans Kwoze

1 Samuel 27:8

Nón꞉wa ne Táwit tánon ne raonkwetashón꞉ʼahs iahónhne tánon ne wahonhnón꞉niate nahonwatiʼnenhrénhten ne Geshurites, ó꞉ne ne Girzites, tánon ne Amalekró꞉nons, asèken ronónha khók kí꞉ken ne thók tihonanataién꞉takwe tsi nieiáwe nónhne Shur tánon kwáh tsi nió꞉re ne tsi tiohontsá꞉ien ne Egypt, ne ne Telam nitonénon.

1 Chronicles 3:1

Né ní꞉ioht, né tsi nithotíhions, né Táwit raonekenhteronhtsheraʼsónhas né ronakakeráhton tsi náhe Hebron nón꞉we iéresʼkwe: Né Amnon, né꞉ne ronisténha í꞉ken ne Ahinoam né꞉ne Jezreel nitsawénon Né Daniel, né꞉ne ronisténha kènʼne ne Abigail né Carmel nitsawénon né Absalom, né꞉ne ronisténha kenʼne ne Maacah, né sakoienhkʼenʼen ne Ronnontí꞉iokwe Talmai né Geshur nitsawʼenon né Adonijah, né꞉ne ronisténha kenʼne ne Haggith né Shephatiah, né꞉ne ronistenhakwe ne Abital né Ithream, né꞉ne roniténhaʼkwe ne Eglah

2 Samuel 2:2

Káti ne Táwit thóh nón꞉we niaháre, wahón꞉ne ne tekeniʼiá꞉se rotiniá꞉kons, ne ne Ahinoam ne ne Jezreelró꞉non, tánon ne Abigail ne ne Nabal rotiniá꞉konhne ne ne Carmelró꞉non.

1 Samuel 25:42

Abigail watkátahne kasterí꞉henke tánon tewahóntes wahosáten tsi niaháhe; wísk nikón꞉ti nahonhatserasón꞉has konwahiatahnonʼnátie. Ne iakononteráhtie ne Táwit ronwarihwakareniénhnis tánon ne ró꞉ne iahón꞉ton.

1 Samuel 25:3

Nón꞉wa tsi nihoʼsenhnóten kí꞉ken rón꞉kwe ne ne Nabal, tánon tsi nihiakoʼsenhnóten ne ró꞉ne Abigail. Nètho iónkwe kwáh í꞉ken tsi watenikonratʼtókha tánon watkatoʼtserí꞉io, ók ne rón꞉kwe kwáh neh í꞉ken tsi ratonkweténtoʼre tánon raniakátste; ne raónha ne ne Calebite nahahiatóten.

Joshua 13:13

Ók ki, Nisraerʼró꞉nons iáh teshakotihiaʼtinekén꞉en nonhkweshón꞉as ne Geshur nón꞉we ó꞉ni ne Maacah; shé꞉kon nón꞉wa Israerró꞉nonhke ratinákere.

Deuteronomy 3:14

Ne Jair, né꞉ne Manasseh nahoʼtaró꞉ten, kwáh ohontsakwé꞉kon wahatié꞉nawatste ne Argob, né꞉ne, Bashan nónhwe, kwáh tsi nió꞉re tsit karistatátie ne Geshur ó꞉ni ne Maacah. Ne tsi nihosenhnò꞉ten né wahanà꞉tonkwe ne tsi kanataién꞉tons, tánon shé꞉kon ne konwatisenhnaienté꞉ris tsi kanataién꞉tons ne Jair.)

2 Samuel 18:33

Ne ronnontí꞉io otsitówa wathaséntʼtho, tánon tsi tsionáktaien niahá꞉re thóh éhʼneken tsi iotenhenrakáronhte, tánon tehaséntʼthos; tánon tsi niahá꞉re, wahén꞉ron, “Ó riʼiénha Absalom, riʼiénha, riʼiénha Absalom! Í꞉i ahonkihé꞉ion tsi ní꞉iot ní꞉se, Ó Absalom, riʼiénha, riʼiénha!”

2 Samuel 14:24

Ne ronnontí꞉io wahén꞉ron, “Tserí꞉hon thóh iésreh tsi thóh nonshó꞉te; iáh tèkereh nahí꞉ken.” Káti ne Absalom tsi thohnónshoʼte nionsá꞉re, tánon iáh tiehawénon raohén꞉ton ne ronnontí꞉io.

2 Samuel 13:1

Kwáh éhʼtho tsi ná꞉he shitsiotohétston. Ne Táwit roién꞉ha Absalom tsi niʼiotkathotserí꞉io rotenosénhtakwe Tamar iontátsiatsʼkwe; tánon ne Táwit roién꞉ha Amnon kwáh í꞉ken tsi nasakonó꞉ronhkwe.

2 Samuel 14:32

Ne Absalom watoriwaserá꞉kwahse ne Joab, “Shaʼsehiáran, iekoniateriwaʼnieténhni: kénʼen nahontá꞉se, neh nahónton iakoniaténiete ronnontí꞉ioke natserihwanónhtonhse, ‘Onhnontiéren tsi Geshur nón꞉we nitewakénon? Kwáh aioianerénhen shé꞉kon ní꞉i thóh nón꞉we nahontakiterónhtake.’ Ó꞉nenh kíʼ takeríhon thóh iéke ne ronnontí꞉io raohén꞉ton; tó꞉ka ní꞉i ahonkení꞉kon, Tserí꞉hon kíʼ nahakenonwarhiákhon!”

2 Samuel 15:7

Tsi iahontók꞉ten ne kaiéri niʼioserá꞉ke ne Absalom wahawénhase ne ronnontí꞉io, “Asatthóntate takerí꞉hon ne iá꞉ke thóh nón꞉we Hebron tánon aká꞉rhiake tsi niwakarharátston rahonhá꞉ke ne Roiá꞉ner.

2 Samuel 15:8

Asèken i꞉i waʼkararátston tsi náhe thóh nón꞉we tkenákerehkwe Geshur thóh nón꞉we Aramke: Tó꞉ka ne Roiá꞉ner kwáh oriwiʼiohónwe ienshatiaténhawe Jerusalemke, ehʼthóhʼne kíʼ kwáh enhisénhnaien ne Roiá꞉ner thóh nón꞉we Hebron.”

1 Kings 2:15

Waʼtharihwasehráko, “Sateriénhtharaʼkwe tsi í꞉i tehiothonhontsóhonhne nahonkatenonhtiʼióston tánon onhkwetaʼkwékon Nisraerʼró꞉nonke iakorihwanonhwéhonkwe. Ók kíʼ ó꞉ia nahá꞉wenhne, tánon iatiathatekénha wahononhtí꞉ione tsioríhwa tsi Roiá꞉ner et nihonikonhró꞉thenhne.

2 Samuel 14:23

Káti Joab watatʼtáhakwe, Geshur niahá꞉re, tánon thontahohiaténhawe ne Absalom thóh Jerusalem.