2 Samuel 10:4 - Ohiatonhseratokénti

⁴ Káti ne Hanun washakoienénhaton ne Táwit raonkwetashón꞉ahs ratiriwakarénies, washakohkonstonrhiakón satiʼkonsakaratísons khók nokwatíson ne satiʼiatátʼtions, taroharakwahniónko ne raonatʼtserónhniat ratiʼhíiake khók niʼióre, tánon shasakotèkwate.

2 Samuel 10:4 Referans Kwoze

Isaiah 20:4

káti ne ronnontí꞉io ne Assyria iensakosárihne ne Egyptró꞉nons tsi ensakonhóton ó꞉ni ne Cushró꞉nons tsi ní꞉ioht ne ronwaʼnanahkerakwáhton, kwáh sathenhiótonke né꞉ne kén nithoʼtiiónsas ó꞉ni ne rotiʼtstohokónhas, raoʼtinehóskonk thí꞉ken tánon raoʼnaskawetóskonk, tánon ne tsehotiʼnahtsakétote, ne nahotehénhsera ne Egypt.

Jeremiah 41:5

sahtekonhniháti wahónnhewe Shechem nonhthahónne, tánon ne Shiloh, ó꞉ni ne Samaria. Akwékonh ronatatʼkhonsthonrhiákon, rohthirahtiónkwen ne rahonatʼtsherónhniat, tánon ronatatʼrenáhnion. Onátsa tánon wehnekeráhkon wahatihawíʼne ne iakónhion Nononhsatokentiʼkówa.

Isaiah 15:2

Dibon ononsatokentiʼkówaʼne né niehawénon, né èhʼneken tiót꞉te nón꞉we iatahaséntʼtho; ne raoʼrihwáke ne Nebo tánon ne Medeba Moab waʼtiohénrete tsi nahonikonrátsen. Kwáh tsi niaʼtehiakonontsístake tsi iáh othènen tetsakononhkwíseró꞉te, kwáh tsi niaʼtekakonstónrahʼke tsi ronhwatiʼkonsthonrhiá꞉kon;

Leviticus 19:27

Tó꞉sa sewathatenonhkhar ne sewanonhtsistatʼthónhtie tó꞉ka ó꞉ni nahisewatʼkonhsthónhrhiaʼke

2 Samuel 10:5

Nó꞉nen sahonwaró꞉ri ne Táwit, iasakoteriwaniéten ne ratiriwakarénies ne tahontátʼke, asèken ne ronnónkwe teiotenonhianíton tsi nihontéhenskwe. Ne ronnontí꞉io wahén꞉ron, “Thóh tasewenterón꞉tat Jericho tsi ní꞉iore tentsisewakonstonréshane, tánon ehthóhʼne tontásewe.”