1 Samuel 7:5 - Ohiatonhseratokénti

⁵ Eʼthóhʼne Samuel wahén꞉ron, “Ietsiʼiataró꞉rok raʼtikwé꞉kon NʼIsraerʼró꞉nons ne Mizpah nón꞉we, tánon kwáh enkaterénnaien raonhá꞉ke ne Roiá꞉ner sewariwá꞉ke.”

1 Samuel 7:5 Referans Kwoze

Judges 20:1

Onhkwetaʼkwékon Nisraerró꞉nonhke né꞉ne Dan thontásawen tsi nióre né othoréke nòkwahti ne Beersheba niaháhe thó꞉ne enhtiéne nòkwahti nonhsáwe, kwáh ó꞉ni thóh nihioiánere ne tsi ionhontsáien ne Gilead né꞉ne ná꞉kon nòkwahti, wathatirihwásnieʼne. Énskak khók tsi nónhwe nahonteróhroʼke né rahohénton ne Roiá꞉ner né꞉ne Mizpah nónhwe.

Joel 2:16

Ietsihiaʼtaró꞉rok nonkweshón꞉ha, ietsihiónnien naotihiatatokenhtí꞉ke; skátne ietsihiónhni ne thotí꞉ions; ietsihiaʼtaró꞉rok ne ratitʼsahokón꞉as, iekaníhare ne ronwatistarónt꞉tha. Tsi sewarí꞉hon ne roniákon thahiáken ne tsi ranonwétstha, tánon ne ioniákon ne tsi wanonwétstha.

Nehemiah 9:1

Tánon ne tewáhsen kaié꞉ri siwenhniserá꞉te ne tsi niwenhnitá꞉rakwe, nahonkweʼtashón꞉as Nisrael wahontiaʼtaró꞉roke skátne tsi wahonhnenhtónhtsete tánon kaiá꞉re wahontserón꞉niate tánon ratinontsí꞉ne wahonthatenkenrá꞉ro.

2 Kings 25:23

Nó꞉nen ne Judahró꞉non ratisennowánens tánon ne ronterí꞉ios tsi nihá꞉ti ne iáh tehonaʼnentsakwahríhshion wahatirihwáronhke kí꞉ken, Gedaliah wahonwatsiáʼtarahse né Mizpah nón꞉we. Kí꞉ken ratisennówanenskwe thó raiá꞉tare ne Ishmael né꞉ne roienkénʼen ne Nethaniah, ne Johanan né꞉ne roienkénʼen ne Kareah, ne Seraiah né꞉ne roienkénʼen ne Tanhumeth né꞉ne tsi kanatowanénhke ne Netophah raná꞉kerekwe, tánon ne Jezaniah né꞉ne tsi kanatowanénke ne Maacah nón꞉we nihanákerekwe.

1 Samuel 12:23

Sénha isiʼnónwe nakeriwá꞉ke í꞉ken, ahí꞉non nikénhak nakeriwá꞉ke nètho ne kwáh akeriwanerá꞉ke tsi nókwah ne Roiá꞉ner tsi akatʼkáwe tsi koniaterennaién꞉ni; tánon kwáh enkonrihón꞉nien thohʼnónhwe ne ioiá꞉nere tánon ne tkariwaié꞉ri.

1 Samuel 10:17

Samuel iasakonónkʼkon nonkweʼókons skátʼne ahón꞉ton ne ne kariwiʼiostónhtsera tsi ahonhnitioʼkwarórohke ne Mizpah nón꞉we.

1 Samuel 7:16

Ienʼhakwatóseron tsi iatenhakwátase iateioserá꞉ke thóh nonwéson Bethel, Gilgal, tánon Mizpah; tánon ensakorihwénhtaʼse Israerʼró꞉nons akwé꞉kon kí꞉ken tsi kanataién꞉tons.

1 Samuel 7:12

Eʼthóhʼne ne Samuel iahanenhiénhawe thóh wahanenhióten tsi naʼtetiátere ne Mizpah tánon ne Jeshanah, tánon ne wahanátonkwe Ebenezer, asèken wahén꞉ron, “Tiaʼkarihwaʼkén꞉niaʼte tsi ní꞉iore nón꞉wa Roiá꞉ner shéh washonwaʼié꞉nawase.”

Joshua 15:38

Dilean, Mizpah, Joktheel,

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

Genesis 31:49

tánon ne kanáwaʼahte Mizpah, aseʼkénh wahén꞉ron, “Ne Roiá꞉ner ahatenʼnikón꞉raren tsi naʼtetiátere ní꞉se tánon ní꞉ʼi, ne nó꞉nen iáh skátne téteneʼs.

Judges 10:17

Ethòne ónenh ne Ammonró꞉nons rahotisóhtar wahonthateweienénhthaʼne nateriʼiósera tánon Gilead nónhwe nahonthathosehrothónhnion. Nonhkweshón꞉as Nisraerró꞉nonhke skát꞉ke tsi wahónhton tánon Mizpah nónhwe nahonthathó꞉sehrothónhnion né꞉ne Gilead nónhwe.

1 Samuel 7:4

Káti ne Israerʼró꞉nons í꞉si iahonáti ne Baals ó꞉ni ne Astartes, tánon nek khók sahonwahiótenʼse Roiá꞉ner.

1 Samuel 8:6

Ók kí꞉ken niʼkarihó꞉ten kwáh í꞉ken tsi tahotiérase ne Samuel nó꞉nen sahonní꞉ron, “Takwanontiʼiótseron nashonkwatʼkó꞉rasʼte.” Samuel iahaterénnaien rahonháke ne Roiá꞉ner,

1 Samuel 12:17

Iáh kén ná꞉ʼa tsi niʼieientkwákwas noná꞉tsa nón꞉wa wenhniseráte? Í꞉i kwáh ienhináton ne Roiá꞉ner, neh nahontahaténieʼte nakawéh꞉re ó꞉ni aiokenhnó꞉re; tánon ní꞉se kwáh ensewateriéntaraʼne tánon ensewatkátho tsi niʼioriwatsáni nètho ní꞉se tsi nishewatiéren raohén꞉ton ne Roiá꞉ner, ne tsi nisewarihwanónton naʼisewanontiʼiotseraiéntaʼne.”

Jeremiah 40:6

Gedaliah tsi thóh nonhshó꞉te nónhwe iakáhtien ne ne Mizpah nónhwe tánon shaʼkhehiarískhoʼte nonhkweshón꞉a tsi nikáien ne iaʼtehonahthaténron né ionhwénhtsiaien.

Joshua 18:26

Mizpah, Chephirah, Mozah,

Hosea 5:1

Sewathóntet kí꞉ken, O sewatsihénstatsis! Sewathenʼnikónhraren, O tiónkwes Israerró꞉nonhke! Sewatahónsatat, O rahonkweʼtashón꞉as ne Ronnontí꞉io! Asè꞉ken ne karihwenhtátsheras í꞉se sewarihwá꞉kes; asè꞉ken í꞉se teietsinikará꞉rahkwe ne Mizpah nón꞉we, tánon ahá꞉re watkonwatakwaríten ne Tabor,