1 Samuel 5:3 - Ohiatonhseratokénti

³ Ohronhkéstsi tsi saióhrhenʼne nonkweʼókons ne Ashdod waʼhontkátho nètho kaiatón꞉ni Dagon ioreniénhen kwáh tsekakonsó꞉te ohontsá꞉ke ohén꞉ton ne raoneró꞉kwa ne Roiá꞉ner Raoʼteriwaseronhniátshera oneró꞉kwa. Sók kiʼ tonsahónhnekwe tánon sakonwanaktaserónhnien.

1 Samuel 5:3 Referans Kwoze

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 46:7

Wahonhnénhsaren, wahatihawíson, wahatiʼkwahtáko tsi nón꞉we nihionát꞉te, tánon thóh nón꞉we natʼkonwákaste; iáh thaʼónton nahontorhiá꞉neron tsi nón꞉we natʼkonwátaste. Ónhka shí꞉ken iatakonwaséntʼthoʼse, iáh kí tatekarihwasehrá꞉kwas khés nahiaʼkonónsthate ne thénhne tahonanikonhrárahke.

Zephaniah 2:11

Ne Roiá꞉ner kwáh tenhiotenonhianí꞉tonke tsi nensakokʼkónhten; kwáh ensakahonkárhiakte ratikwé꞉kon ne nihioʼokón꞉as ne tsi ionhwenhtsá꞉te; tánon nonkweshón꞉as kwáh tenhionhtsákete ne raohénton, tsehiatátions tsi nón꞉we niienákere, ratikwé꞉kon nonkweshón꞉as ne kawenokwakʼtóntie ienakerénion.

St. Mark 3:11

Nok nonatkonseraksen tsiokʼsʼenʼsʼ niiore iahonȣaken tare ronȣasennaienskȣe; kontonhakȣe: Ise ne Niio Iaienha.

Jeremiah 10:8

Ratiʼkwékon tohʼnathónnokʼte ó꞉ni tehonatenonhwaroʼróhthonʼte. Onhnahó꞉ten ahathiwehientétahʼne ne óiente kahiatónnis nonʼnahontáh꞉we?

Isaiah 41:7

Né rakaratákwas enʼonikonraníraʼte ne rawistanoronhtserónhni, tánon tsi nikáien ne rakétas iehnekonréksta rátstha enʼonikonranírate tsi nikáien ne raientánions notsikwahkó꞉wa rátsta, rohrorhiánions ne raristó꞉seras, “Kwáh í꞉ken tsi ioiánere”; tánon wahatinonwarotónhnion né ká꞉ti ne tó꞉sa ahontorhiáneron.

Isaiah 40:20

Nathatawítshera aiakónhniaʼte né iontaterakwénhnis orihkó꞉wa óienhte —né nó꞉iente iáh tewatiésen naiótken— ehʼthó꞉ne enhonwaiatísaʼke ne rorenhnáhon ahakaratáko né nenhahiatonhniseró꞉ten né iáh taʼkarénienhne.

Psalms 97:7

Akwékon tsi nihatisénhnaiens ne kaiatonnishónhas waʼkonwanatéhaʼte, tsi niʼiákon né thóh nón꞉we nateierénhsarons ne iáh othènon tekarihwásthas kaiatonnishónhas; ratikwékon ne niʼiohokónhas tehontsátʼtons raohénton ne Roiá꞉ner.

Exodus 12:12

“Nètho enhiokaratserátheʼke kwáh iatenkatonhontsohétsthe ne Egypt, khenonhwarhiakonhátie ne tohʼnatierénton roʼnahnakeráton ne roʼtiskenràkete, tetsarónhkwen ne ónhkwe ó꞉ni ne katʼtshénen, tánon kherewahtonátie ratikwékon ne Egyptró꞉nons raotiʼníios. Í꞉i ne Watiá꞉ner.

1 Samuel 6:5

Káti ó꞉nenk tsi ensewatsiaʼtonhniseronniáhnion niwásas tahonsakaierontárake tsi wesewatkarotakwarontáseron sewatsiatonhniseronniá꞉nion otsinionká꞉ron nètho waʼhatihétʼkente nohón꞉tsa, tánon taʼtsítson kaiatanerakwátshera ne sakoʼNí꞉io NʼIsraerʼró꞉nons; tokaʼnón꞉wa iáh thaʼtahonsahotsanátsʼteke ne tsonhá꞉ke ó꞉ni ne sewaní꞉ios tánon ne tsonhontsáke.

1 Samuel 6:1

Ne raoneró꞉kwa ne Roiá꞉ner thóh kaiéntaʼkwe raoʼtinakeraserákon ne Philistine tsá꞉ta niwenhní꞉take.

1 Kings 18:26

Iahonwahiathénhawe ne té꞉ro ne tahonwénhnon, wahathikwahtháko, tánon rahonháke ne Baal wahonterénhnaien tsi nióre ne entseʼsiskaháwiʼkwe. Wathothihénrethe, “Teskwahrihwaserákwas, Baal!” tánon thóh tikonhthákwen tehothinonhniákwen tehonakwahtháse ne tsi ietsienharákwahke ne rothíson. Ók iáh kíʼ thènen taʼthehonaʼterihwaserakwénhni.

Psalms 115:7

Tehontsanónhtons, ók iáh kí othènen tehontʼthó꞉kas; tehonshitónhtons, ók iáh tehonthéntses; iáh othènen tehontʼtsarokwáhʼtha ne ratiniakwákes.