1 Samuel 2:1 - Ohiatonhseratokénti

¹ Hannah onterénnaien tánon wakén꞉ron, “Nakerhiá꞉ne iotonnáhere raonʼháke ne Roiá꞉ner; nakeshatsʼténsera iehiothaʼratáton rahonháke nakeʼNí꞉io Ne tsiksakáronʼte iakosterístha ne iónkswenhs, tsioríhwa tsi wakatonnáhere thóh akateshennietserákon.

1 Samuel 2:1 Referans Kwoze

Psalms 13:5

Ók né keniahésenh ne sáwenk iorihwató꞉ken kanoronkwáhtsera; nakwéri kwáh kíʼ enwatonhnáren tsi enseskeniákente.

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

Psalms 92:10

Ní꞉se thóh naskeshaststenhseró꞉wanaʼte tsi ní꞉ioht ne karakonró꞉non tehonákares; aweiéhnase waskeienhnó꞉kaʼwe.

Psalms 89:17

Asèken í꞉se ne raotiʼshaststénhsera í꞉ken tsi thóh nón꞉we nihotiʼiatanerákwat; Né꞉ne sashaststenhseroʼwanenhkó꞉wa waʼhonkwasniénon tsi waʼhakʼkhisénhni ne hionkhíshons.

Philippians 4:4

Aiáwens tiótkonhte ahisewathonnárake ne tsi Roiá꞉ner tesewahtheriwahsóntere. Shé꞉kon ne enskhíron: sewatonnárak.

Psalms 20:5

Aiáwenhs tahionkwahénrete nattsenhnonhniátsera tsi sahtesénhnion, tánon raosénhnakon nonhkwaNí꞉io tewaʼniatarakétsko. Aiáwenhs ne Roiá꞉ner akwé꞉kon ahontáhion tsi niseriwaʼnón꞉tons.

Psalms 9:14

Ne ká꞉ti nahónton nakatró꞉ri akwékon ne sanonweratónhsera, tánon, thóh tsi tiotenhenrakáronhte nakoiénha Zion, kwáh enkatonhnáren tsioríhwa tsi í꞉se sestiatákwen.

Psalms 35:9

Eʼthóhʼne nakwatón꞉nhets kwáh enwaʼtonnháren rahonháke ne Roiá꞉ner, tánon kowáʼnen enkatonhnháren tsi sahakeniákenhte.

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Romans 5:11

Nók iáh kíʼ thók tèkon; ionkwatonʼnáhere neh tsi nihoiéren ne Rawenni꞉io rahonháke ne Sonkwaiáner Ié꞉sos Kerístos, rahónha ónen wasontiónʼnien ne Rawenni꞉io aionkwaténroke.

Habakkuk 3:18

Nek kik sáka enwakatonhnárake tánon enwakaʼtsenhnonhní꞉hake rahonhà꞉ke ne Roiá꞉ner; tiorì꞉wa ne Rawenni꞉io tsi thá꞉kenes.

Psalms 118:14

Roiá꞉ner seh nakeshastsʼténhsera tánon kashaststenhserowáhnen í꞉ken; rahónha natienawaʼséhtshera rotónhon.

Psalms 89:24

Nakerihwatokentítsera tánon ne iorihwató꞉ken akenoronhkwáhtshera tsi ensenikwekónhake; tánon aksénhnakon tsi tsókonhte enisnienónsehke nashakosénhni ne ronhwáshons.

Exodus 15:21

Ne Miriam waʼtshiaʼkoriwáhʼkwahse: “Tetsisewariwáhkwas ne Roiá꞉ner, tsoríwa tsi athonwesenhtsherákon rotʼkwénion; kaniatarakheʼkówah ieshaʼkohiatóntion ne kosáhtens ó꞉ni ne roʼshátens.”

Exodus 15:1

Ethòne ne Mahís ó꞉ni ne lsraerʼró꞉nons waʼthonwariwáhkwahʼse kí꞉ken karénhna ne Roiá꞉ner: “Tenhiriwá꞉kwahse ne Roiá꞉ner, tsioríwa tsi aʼthonwesenhtsheràkon wahatʼkwéni ne atesenhniéntshera; kaniatarahkheʼkowàhne iesakohiatóntion ne koshá꞉tens ó꞉ni ne roʼtiʼshátens.

1 Tiér 1:8

Níse tsi sewanorónkwa, ehʼthoʼsáne iáh nonwénton thetsisewáken, tánon níse tatsisewéthakwe, ehʼthoʼsáne níse iáh nonwénton thetsisewáken. Káti níse kowánen wesewathonnáren ó꞉ni tsi niʼioriwanerákwat natʼtsennonniátsera, iáh tekawénnaien náionste nakanikonraiénthaʼte,

Psalms 51:15

Tatiénawas nakatáti, Saiá꞉ner, tánon kwáh tenhkonhnonweráton.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Habakkuk 3:1

Ne Kí꞉ken ne Raoterénhnaient ne Rotokénhse Habakkuk.

Psalms 75:10

Kwáh kíʼ thensakoʼshaststenseriáke ne ionkwetahét꞉kens, ók ne raotiʼshaststénhseras ne tionkwetaiéris kwáh nené꞉e enwaʼtehiáron.

Psalms 71:8

Nekʼsákon ne titkáhere ne sanonhweratón꞉tshera, tánon kontatséshons ne iakenikwékon ne sahiatanerakwáhtshera.

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”

Luke 1:69

Oni tsi ȣasontion enskat ne rosastenseroȣanen nasakoiatakennha Taȣit raȣatsirakon ȣahaiakenne.

Nehemiah 11:17

Tánon ne Mattaniah, né꞉ne roʼiénha ne Mica, né꞉ne roní꞉ha ne Zabdi, né꞉ne roní꞉ha ne Asaph, né꞉ne saiá꞉ta sakohentenhséhakwe tsi tehontenonwerá꞉tons naterenhnaientáhtshera, tánon ne Bakbukiah, raónha tekení꞉haton nié꞉rate tsi nonhonthatekénhas, tánon ne Abda, né꞉ne roʼiénha ne Shammua, né꞉ne roʼiénha ne Galal, né꞉ne roʼní꞉ha ne Jeduthun.

Deuteronomy 33:17

Ne tewenhniaweheʼtseráhsens niháti ronhterí꞉ios ne tsi ratiʼtá꞉raiens ne Ephraim ó꞉ni ne Manasseh ratikowá꞉nens tánon ratiʼshátstes tsi ní꞉ioht ne tionhnónskwaron rátsinn. Kwáh tsi ní꞉ioht ne karahkónha tehonakáres rahonakáre rátstha tsi tenshakotenakarotsiénthe ne tehontà꞉tsons, káti kwáh tenshakotinakarotsiénthe ne tehontà꞉tsons tánon ienshakotí꞉reke ne tsi iehiontohontsiokʼthaní꞉hon.”

Job Tánon ne Raoronhiakensera 16:15

Ne wakenítkhon ne káiare nahó꞉ten nakenhehónhne, tánon watakenroién꞉ton nakeshatsthénhsera.

Psalms 148:14

Sakoshaststenhseráwi ne rahonkwetaʼshón꞉has, tehonwanonweráton akwékon tsi niorihwatóken, asèken nonkweshón꞉has Nisraeronónke rahiatát꞉ta rónhnes. Tehonwanonweráton ne Roiá꞉ner!

1 Samuel 1:6

Ne Peninnah kwáh sés eniakotsirón꞉nien, neh naiaʼkonakónhni, tsioríhwa ne Roiá꞉ner tsi ronhonónhtonh tsi nón꞉we niʼiontonniátha nowirá꞉ʼa.

1 Samuel 1:7

Káti thóh niʼiotonhátieʼne thó꞉ka niʼioseráke niahá꞉he; kwáh tsi niiotʼkáte thóh nienhén꞉ien raononsaʼtokentíke ne Roiá꞉ner, ne Peninnah tsió꞉konte enhiakonakónhni. Ne kiʼ aorí꞉wa ne Hannah thenhionsént꞉tho tánon iáh thataionská꞉on.

2 Chronicles 20:27

Né Jehoshaphat ionhshasakohéntenhse ne rahonénhra ronhterí꞉ios Jerusalem nionhsahónhne tsi ronatʼkwenionhátse, tsioríhwa ne Roiá꞉ner tsi washakosénhni ne tehontátʼtions.

Psalms 21:2

Tetsáwi tsi nitaskanékskwe ne rawerhiáne, tesarihwaʼserákwen tsi niharihwaʼnóntonskwe. Selah

Psalms 89:18

Roiá꞉ner, seh nonkwahnétsera í꞉ken, Nón꞉kwah nontí꞉io né seh ne Roiatatokénti í꞉ken Nisraeró꞉nonke.