1 Samuel 13:3 - Ohiatonhseratokénti

³ Jonathan washaʼkosénhni ne ronwanahtsatontaʼkwénhni ne Philistine ne thóh nón꞉we nihatiterónhtaʼkwe Geba; tánon ne Philistine wahatirihwáronhke. Tánon ne Saul wahahonráwate kwáh tsi niwatenáskwa ne tsi ionhontsá꞉ien, ratonhá꞉kwe, “Kwáh ronatʼtónhten ne Hebrews!”

1 Samuel 13:3 Referans Kwoze

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

Judges 3:27

Nónen thóh nónhwe iahá꞉raʼwe ne tsi tsionhniarónhnions kanakerasehráien ne Ephraim, wahahonráwate hiasakonónhkʼkon nonhkweshón꞉as Nisraerró꞉nonke nahonteriʼiósehra; ethòne shasakohéntenhse sahonhnontátsnenhte.

Judges 6:34

Né rahonikónhra ne Roiá꞉ner tahoniarotharó꞉ke ne Gideon, tánon wahahonhráwathe tsi hiashakonónhkon ne rahotitsiókwas ne Abiezer nahatikwekónhake.

Zechariah 14:10

Kwáh atenahthakwé꞉kon, tsi nió꞉re ne Geba né꞉ne othorè꞉ke ne Rimmon nieniawé꞉nonh ó꞉ni entiè꞉ne, kwáh enkahtahkwarí꞉shionke. Jerusalem ienhioniashakethótahke ne tsi ionwenhtsá꞉ien ne aktónties; ne kanatowá꞉nenh ienkanihá꞉rahne tsi nió꞉re ne Benjamin tiotenhenrénton tsi nió꞉re tsi iatekahiosáhien tiotenhenrénton, thóh nón꞉we nohén꞉ton tiotenhenrentónhakwe, tánon tsi nió꞉re tkanikáhthote ne Hananel né꞉ne thóh nón꞉we ne ronnonhtí꞉io nihanekonhniátha notsí꞉tsa.

Isaiah 10:29

iatehotiʼiahiákon ne tsi nieʼiawénon, Geba nón꞉we tahonhnón꞉wete; ne Ramah iohiatishón꞉kwah, Gibeah ne Saul nón꞉we ronatèkwen.

2 Samuel 23:14

Ne Táwit thóh ne nón꞉we nihenterónhtakwe atenhénrakon nosténhra watenhén꞉raien; tánon ne rahotiʼtsió꞉kwa Philistiaró꞉nons ronterí꞉ios thóh ne nón꞉we Bethlehem thónneskwe.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

2 Samuel 2:28

Joab wahathátiste ne ieonrawátstah tánon kanenhrakwé꞉kon nonkweʼókons wahthaʼtítahne; iáh kíʼ ó꞉nen tesheshakotísehron NʼIsraerʼró꞉nons khéhs ne ne ahonsahonateriwaʼthentsiá꞉ton nateriʼiósera ne kénʼen wahó꞉tsete.

1 Samuel 13:16

Saul tánon ne roién꞉ha Jonathan, tánon nonkweʼókons ne rahón꞉ha ratikwekonhátiesʼkwe thóh wahontatíteron ne Geba ne ne tsi watonhón꞉tsaien ne Benjamin; ók ne Philistine thóh ne nón꞉we Michmash thonanáhtaièn.

Joshua 21:17

Ne tsi kanakerahserá꞉ien ne Benjamin kaié꞉ri nénhne nikaná꞉takes thonwaná꞉wi: né꞉ne Gibeon, Geba,

Joshua 18:24

Chepharammoni, Ophni, tánon ne Geba: tékeni-iawénre nikaná꞉thakes, skátke ne kanathaién꞉tons aktatieʼshón꞉a.