1 Samuel 13:2 - Ohiatonhseratokénti

² Ne Saul áhsen-tewenhniawehetsherásen nihá꞉ti wasakoiataráko thóh nón꞉we Israerʼronónke; tékeni tewenhniawehetsherásen nihá꞉ti Saul ratikwekonhátiesʼkwe ne Michmash nón꞉we tánon ne tsi ionhniarónhnion kanakeraseráien ne Bethel, tánon énska tewenhniawehetsherásen nihá꞉ti ne ne ratikwekonhá꞉tiesʼkwe ne roién꞉ha Jonathan thóh nón꞉we Gibeah ne ne Benjamin ahotonhwenhtsáke; ne ronátiakes nonkweʼshón꞉ʼahs ionshasakotóri tsi tonathatoserótons niahonsahón꞉ne.

1 Samuel 13:2 Referans Kwoze

1 Samuel 10:26

Saul ó꞉ni sahaténti tsi thóh nónshoʼte ne Gibeah nionshá꞉re, tánon ne skátne nionsahónhne ne ronterí꞉ios tsi nihá꞉ti ne Ní꞉io washakonikonrá꞉reke nahonwatiátarase.

1 Samuel 14:31

Ne nó꞉nenh sahonwatisénhni ne Philistines nètho siwenhniserátekwe thóh tonʼtásawen Michmash tsi ní꞉iore ne Aijalon, ne ronterí꞉ios kwáh í꞉ken tsi ronatakenró꞉kwenhni;

1 Samuel 13:5

Ne Philistine wahonnitiokónhni ne nahonterí꞉io NʼIsraerʼró꞉nons, áhsen niwáhsen tewenhniawehatserásen nikaseréhtakes otsiónkwas, tánon iáh-iak tewenhniawehetserásen nihá꞉ti ne kosátens rotisátens tsi ronterí꞉ios, tánon ne ronterí꞉ios kentió꞉kwas kwáh thóh níhonatiókwa tsi natekanesaronkótaron ne kaniatarakhekówa atsaktóntie; tahón꞉ne tánon watʼkonwahonwarón꞉ni ne Michmash, ne ne tsikʼkarakwínekens nokwáhti ne Beth-aven.

1 Samuel 13:23

Nón꞉wa ne raotitió꞉kwas ne ronterí꞉ios ne Philistines iehonatʼthaʼhíten tsi niehiotohétston ne Michmash.

2 Samuel 21:6

áhnion ne tsá꞉ta nihonekenteronhtseráien ontionhá꞉ke tasheiaténiet, tánon í꞉i enhiakiniatérenke raohén꞉ton ne Roiá꞉ner ne Gibeon nón꞉we tsi thotenontáhere ne Roiá꞉ner.” Tánon ne ronnontí꞉io wahén꞉ron, “Kwáh kiʼ ienkeiát꞉kawe.”

1 Samuel 15:34

Eʼthó꞉ne ó꞉nenh ne Samuel thóh niahá꞉re Ramah; tánon ne Saul tsi thóh nón꞉shote neh nionsáreh thóhh nón꞉we Gibeah neʼne Saul.

1 Samuel 14:52

Kwáh í꞉ken tsi ioteriʼioseraníron tsi nahonterí꞉io ne Philistine tsi nihotenhniseraté꞉nionkwe ne Saul; tánon nó꞉nen ne Saul ónkak enhó꞉ken ne rashástste ronikonratʼtsáni raterí꞉ios, ienhoiaténhawe raón꞉ha enhatonhkweʼtará꞉ko.

1 Samuel 14:5

Énskat tsi nateionitstenró꞉ren tsi niwé꞉ne notó꞉rehke nokwáti ne nohénton ne Michmash, tánon nó꞉ia entiéne ne nokwáti thóh ohénton ne Geba.

1 Samuel 8:11

Waʼhén꞉ron, “Ken kiʼ ní꞉iot ne sanontí꞉io tsi nenhiatiéraʼse,” Samuel waʼhanikonraiénthaʼte, “Kwáh ensakoshakosotaronhniánion ne sanekenteronhtseraʼshón꞉ʼahs; ótiakes thóh nón꞉we nenhonterihontónhnion ne raoʼserehshón꞉ʼahs konterí꞉ios, ótiakes neh enhotisáten kosáhtens, tánon ótiakes tenhonrá꞉taʼte ohénton notsiónkwas káseres;

Judges 19:12

Ók né rahiatakweʼní꞉io wahénron, “Iáh thóh thatahitewáthaʼne ne tsi kanatowanénhke tsi nónhwe nonhkweshón꞉as iáh Israerʼró꞉nons tahatihiathóten. Entewathohétsthakwe tánon osthónha ísiʼnióre shé꞉kon nientsítewe tánon thóh nónhwe ientewasonhtí꞉iake né꞉ne Gibeah khés ne Ramah.”

Joshua 18:28

Zela, Haeleph, Jebus (tó꞉ka ó꞉ni né꞉ne Jerusalem í꞉ken), Gibeah, ó꞉ni ne Kiriath Jearim: kaiéri-iawénhre nikaná꞉thakes, konhtikwé꞉kon ne akthatieʼshón꞉as kanataiéntons. Ne kí꞉ken nonhóntsas ne tsi ratiwatsí꞉raiens ne rahothitióhkwakons ne Benjamin rotiienà꞉serons nahonawenhkón꞉weke.

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

1 Samuel 13:1

Saul áhsen-niwá꞉sen satehaoseriʼiá꞉kon sahatenontí꞉ioste; tánon kaiéri niwá꞉sen-tékeni niʼioseráke ronnontí꞉iokwe nIsraerʼronónke.

1 Samuel 13:11

Ne Samuel wahén꞉ron, “Onnasátieʼre?” Ne Saul watarihwaserá꞉ko, “Nó꞉nen sakhéken nonkweʼókon tsi saionkatiatonʼtákwaʼse, tánon ní꞉se tsi iáh tethisénon tsi nisenhniserará꞉kwenhne, tánon ne Philistine thonitsiokwaʼserónhniskwe ne Michmash nón꞉we,

1 Samuel 13:15

Tánon ne Samuel éhren shá꞉rehte tánon wahakthaíta tsi nontáre ne Gilgal nón꞉we. Ne roná꞉tiakes nonkweʼókons Saul neh wahonwásere tsi iashakotiatárahse ne ronterí꞉ios; iahón꞉newe Gilgal thóh ionsahonténhti Gibeah nón꞉we iathonnóiaʼke ne ne tsi tewatonhontsáien ne Benjamin. Ne Saul wasakó꞉sehte nonkweʼókons tsi nihá꞉ti ne rahón꞉ha ratikwekonhátie, káknon ne iá꞉iaʼk tewenhniá꞉we nihá꞉tikwe.

1 Samuel 13:16

Saul tánon ne roién꞉ha Jonathan, tánon nonkweʼókons ne rahón꞉ha ratikwekonhátiesʼkwe thóh wahontatíteron ne Geba ne ne tsi watonhón꞉tsaien ne Benjamin; ók ne Philistine thóh ne nón꞉we Michmash thonanáhtaièn.

1 Samuel 26:2

Káti ne Saul wahthá꞉tahne tánon thóh niahá꞉re tsi tiahonwenhtsatʼténhake ne Ziph, ne rónhne náhsen natewenhniawehettseráhsen niháti ne kaiatará꞉kwen ronhnón꞉kwe ne Israerʼronónke, ne nahonwahiatisákhe ne Táwit thóh iahonwenhtsaténhake ne Ziph nón꞉we.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

Joshua 22:6

Ne Joshua ionshasakotó꞉ri nahonsahonhtén꞉ti ratikwekonhátie ne rahohiathateríhtshera tánon ó꞉ni ne ratikwekonhátie ne kí꞉ken owenhnaʼshón꞉as: “Tsi tsisewathenhtiónhe kwáh í꞉ken tsi sewakwáhtse, iohnatiohkowanenhátie ne konhtiʼtshé꞉nens, kawistará꞉kens, owistanoronshón꞉as, teiotwístharon notsí꞉nekwar karísthatsi, tánon wé꞉so naʼtsherónhnias. Rotihiaʼtháhests nónhne né꞉ne sehsewahiátha tsi nahoʼténhsons ietsikwenhá꞉ton ne tesewataʼtsons.” Ethò꞉ne ó꞉nen thonsahontháhakwe sahonhtén꞉ti. Ne Mahís iehotkà꞉wen nonhóntsa ne nà꞉kon nòkwah ne Jordan né꞉ne satehothitiohkwí꞉ien ne Manasseh rahotirihwà꞉ke, ók nó꞉ia satehothitiohkwí꞉ien ne Joshua né꞉ne iehotká꞉wen ne tsi iaʼtewatséntos nòkwah ne Jordan, né꞉ne ó꞉ia kentióhkwas rahotirihwà꞉ke.

1 Samuel 24:3

Iahá꞉rahwe tsi konwathiterontáhkwah teiotinakarontónha owahák꞉ta í꞉ken, thóh nón꞉we niʼiotstenrahkáronte; tánon ne Saul thóh iahatáhwehiaʼte náste iáreh. Nón꞉wa ne Táwit tánon ne raonkwetashón꞉ahs thóh tatitskó꞉ton neh kwáh í꞉non iéhke nosón꞉wakon.

2 Samuel 23:29

Ne Heleb ne roiénha ne Baanah ne ne Netophahró꞉non; Ittai ne roiénha ne Ribai ne ne Gibeahró꞉non ne ne Benjamin nónwe;

Nehemiah 11:31

Tánon ne rahoksatashón꞉as ne Benjamin thóh nithoné꞉non Geba, thóh wahonthatì꞉teron Michmash, tánon Aija ó꞉ni Bethel ó꞉ni natstéhsons nokwá꞉ti naonahkerahserá꞉kons,