Matiu 9:3 - Mangseng

³ Ma pamirealinga nge a Moses ile patorong pelie o ria e pel ve, “Toko aken i voltet a God, eneke i el a God imei.”

Matiu 9:3 Referans Kwoze

Matiu 26:65

Ma Prisre oa Pomnga i nongpola ile riong aken ma i inrau ile tekruk lollonga aken, na i ria ve, “Ake ini voltetong nge a God. Aro te leng ol toko mun pelie mo o ripot ol ia riong pelie avele. Te nongpol re ake i oma voltetong lale.

Panongpolong Sivenga ako Luk i wat i 5:21

Na Parisi tomo nge pamirealingare nge a Moses ile patorong osivenga olemi pompom ve, “Toko aken ini ao ake i kelelal a God, e? Toko e i pavurvur avele, God inga i pavurvur ako aro i patitepot toko ile vothung kerenga.”

Panongpolong Sivenga ako Mak i wat i 14:64

Eneke thomu o nongpol i lale ako ve, aken i voltet a God, na lomumu vava, aro te oma neke a i nge, e?” Na or vusnga olemi omoletetpot nge isorinnga.

Panongpolong Sivenga ako Mak i wat i 7:21

Ole vothung elonga areko i velpolpot a olemi kene i vene. Ine lemi rumong kerenga, na theki sering, na kemong, na toko so rinnga, na ngo tomoing nge toko na seng areko ini oewo avele,

Matiu 7:29

eneke ile riong i engeng ma i rel nge tokokoe areko o pamireal nge a Moses ile patorong.

Panongpolong Sivenga ako Mak i wat i 3:28

Lama Jisas i ria mun or ve, “O nongpol senu, God i pavurvur ako aro i patitepot toko na seng ole vothung kerengare, na ole voltetong nge tokokoere.

Panongpolong Sivenga ako Mak i wat i 3:29

Aveto aro ve toko e i voltet nge Oni Riringa ile omaing, i pavurvur aro God ilemi simikal ile vothung kerenga aken avele. Ile vothung aken aro i ngo reletun ol.”