Panongpolong Sivenga ako Luk i wat i 8:2 - Mangseng

² Na seng pelie ako nomenga Jisas i wistetpot tamata kerenga a or nge, na pelie i pamimi or nge ni multhanging, ako o es tomo nge i. Na omole ako ini a Maria Makdala anga. Na nomenga Jisas i wistetpot tamata kerenga or limai a i nge.

Panongpolong Sivenga ako Luk i wat i 8:2 Referans Kwoze

Panongpolong Sivenga ako Mak i wat i 16:9

[Na nge rulpo lemi nge nang mukalinga Jisas i mimi werera a vuvepun ma i velpol tel a Maria Makdala anga nge, ine seng aken kene nomenga Jisas i wistetpot tamata kerenga or limai a i nge.

Panongpolong Sivenga ako Jon i wat i 19:25

Na Jisas inina ome inina posnga tomo nge a Klopas iewo sengenga ako iion a Maria na Maria Makdala anga, or vusnga o mit totho a Jisas ia won ngoronga nge.

Pakeke 1:14

Ma ine tokokoere o men velilo pel ma olemi omole ol inga nge nongong. Ma o nong tomo nge sengre na Maria ako ini a Jisas inina na Jisas ititeinre.

Panongpolong Sivenga ako Luk i wat i 23:55

Na seng areko o panes a Jisas a Galili me, o panes a Josep na o thopol a Jisas ini peti ako o pangoo i a vuvepun aken.

Panongpolong Sivenga ako Luk i wat i 23:49

Na tokokoe areko olemi mire nge a Jisas tomo nge seng areko o panes i a Galili me, or mun ako o mit mun mela tie na o thopol ur areko i velpol.

Panongpolong Sivenga ako Luk i wat i 23:27

Na pulua aolonga o panes i, na oa pelie ini sengre na o wal na o tang nge a Jisas.

Panongpolong Sivenga ako Luk i wat i 8:30

Ma Jisas i nina i ve, “Iom anga?” Ma i olal ile riong ve, “Iok a Pulua.” Eneke tamata kerenga pulua o voth a i nge.

Panongpolong Sivenga ako Mak i wat i 16:1

Na nang rialonga i vus, ma Maria Makdala anga, ome a Maria ako ini a Jems inina na Salome, or alame o es ma o olpot won ei una vronga mo aro o taul i a Jisas ini peti nge.

Matiu 4:24

Na iion i kima a pen alavusnga ako a Siria. Mako tokokoere o paes tokokoe areko ni multhanging rel relngare o velpol ol a or nge, a i nge la. O paes areko sisisong aolonga rintet i voth a oni peti, na tokokoe areko tamata kerengare o rero or, na tokokoe areko sawirong aolonga i el or ma o matu, na tokokoe areko oni peti motungtung, mo Jisas i pasivenga or.