Kolosi 1:2 - Mangseng

² Tho wat malueng ake a thomu titeikre ako ini a God ile toko riringare ako a Kolosi, thomu ako o teo a Krais nge na o panes senu i. Aro Titemer a God aro i sungu ile themosaling na ile lemi moring a thomu nge.

Kolosi 1:2 Referans Kwoze

2 Pita 1:2

Na tho nong ve aro thomu o vual rintet nge a God ile themosaling na ile lemi moring, nge ako lomumu mire senu nge a God na ar Pomnga a Jisas.

Epesus 1:1

Tho ini a Pol ako God i panes ilemi ma i ateal tho ve tho ini a Krais Jisas ile pakeke. Tho wat malueng ake a thomu areko ini a God ile tokokoere nge ako a Epesus, ako o engeng nge a Krais Jisas ipanesnga.

Pol ile malueng ako i wat i a toko lemioongare nge ako o voth a rem pomnga a Rom 1:7

Tho wat malueng ake a thomu toko lemioonga alavusnga ako o voth a Rom. Thomu ini areko God ia sagu thomu, na i leng thomu mo thomu ini ile. Aro thomu o el themosaling na lemi moring a Titemer a God tomo nge ar Pomnga a Jisas Krais nge.

1 Korin 1:2

Na tho wat malueng ake a thomu areko o lotual a God ako a Korin. Na God i pariri thomu a itheki, nge ako i oma thomu mo thomu omole ol inga a Krais Jisas nge. Na i ateal thomu mo ini ile, ranga ve ako i ateal toko alavusnga a rumrem elonga ako olemio nge a ar Pomnga a Jisas Krais na o lotual i, ini oa Pomnga na ini ar Pomnga mun.

Riong Ngopatnga 1:4

Tho a Jon, tho wat erere ake a thomu toko lotuongare nge, ako o voth a rem or limai ako a epee a Esia. God ako i voth nomenga, na i pavurvur ponange, naro i es mun me, aro i sung lemi moring na ile themosaling a thomu nge. Na God Ioni Riringa aro i sung mun lemi moring na ile themosaling a thomu nge. Na Oni Riringa aken ile engenging i mukal nge ur alavusnga, na i voth a God itheki lemi, ako i men a ile nepes a menonga nge.

1 Pita 1:2

Na ar Vovo a God i ateal thomu, ranga ve ako nomenga ilemi ve aro i oma i, na i pavelpol thomu ini toko riringare, ako nge Ioni Riringa mo aro thomu o nongal a Jisas Krais, naro ia mla i tiptip leltun thomu mo aro i pavthopot thomu nge lomu vothung kerenga. Na tho nong ve aro God ile themosaling na ile lemi moring aro i vual rintet a thomu nge.

Galesia 1:3

Aro thomu o el themosaling na lemi moring a Titemer a God tomo nge ar Pomnga a Jisas Krais nge.

Epesus 6:21

Na tho pake a Tikikus a thomu nge wot mo i ritet thomu nge ur alavusnga ako i velpol a tho nge, mo aro lomumu mire mun nge lek menong na nge lek omaing. Na ini titeir ako ar sagu i na ini umonga ako i oma senu a Toko Pomnga ile omaing. Naro i ritet nge lemem menong ake naro i paengeng lomumu.

Malueng ako Jut i wat i 1:2

Na tho nong ve aro God ile themosaling na ile lemi moring tomo mun nge ile asaguong aro i vual rintet a thomu nge.

Galesia 3:9

Mako aro i omu senu nge areko olemio nge i ranga ve ako i oma senu nge a Abraham ako ini toko lemioonga.

1 Korin 4:17

Maken tho pakepot a Timoti a thomu nge wot. Na i ranga ve ini tuk ako ok sagu i, ako i nongal riong, eneke i panes a Krais Jisas ranga ve ini tho. Naro i palemi rumal thomu nge lek vothung ako tho panes a Krais nge, i ranga ve ini vothung ako tho patoral nge a lotu a rumrem elonga.

Pakeke 9:13

Ma Ananaias i olal ile riong ve, “Toko Pomnga tho nongpol toko pulua ako o ri nge toko aken. Nge vothung kerenga pulua ako i oma i nge lom toko na seng areko o voth a Jerusalem.

Pilipai 1:1

Tho a Pol tomo nge a Timoti, them ini a Krais Jisas ile umongare. Na tho wat malueng ake a thomu areko ini a God ile tokokoe alavusnga areko o teo a Krais Jisas nge, ako o voth a Pilipai, tomo mun nge areko or ini lotu a mukalingare ako ole lemioong i motu, na ole opoalingare mun.