Jems 2:25 - Mangseng

²⁵ Na i vava nge seng sovengalo anga ako ini a Rahap? I vene mun re ako God i apet i ve ini seng vengvenga nge ile vothung sivenga ako i nongpoo Israelre ole pen rengare, ma i opoal or mo aro o lo ol nge sovengalo relnga e.

Jems 2:25 Referans Kwoze

Hibru 11:31

Na seng sovengalo anga a Rahap mun kene ile lemioong mun nge a God, na i rin tomo nge toko avsaingare avele, eneke i nongpoo Israelre ole pen rengare.

Matiu 21:31

“Na nge wainlanga or aini aken oa kathnga i panes otema ile riong?” Ma o olal ile riong ve, “Itun pomnga.” Ma Jisas i olal ole riong ve, “Tho ri nunganga a thomu nge. Takis elngare, na seng areko o aom toko, aro o es tel a God ile menong e nepes lemi nge thomu.

Matiu 1:5

Na Salmon ini a Boas itema, na inina ini a Rahap. Na Boas ini a Obet itema, na inina ini a Rut. Na Obet ini a Jesi itema.

Jems 2:22

Aro lomum mire senu ako, Abraham ile lemioong i um tomo nge ile vothung sivenga. Na ile vothung aken i pathengal i ako ve, ile lemioong aken i nunganga.

Jems 2:18

Na ava toko e aro i ri vene, “Toko e ile lemioong i voth, na toko mun e ile vothung sivenga i voth.” Aro tho olal riong aken ve, “Aro ve lomumo inga na wong oma vothung sivenga mun avele, aken aro lemik mire ol nge lom lemioong vava? Aveto lek vothung sivenga aro i pathengal wong ako lek lemioong i nunganga.”

Pakeke 17:7

Ma ina Jeson i nongpoo or a ile vel. Na toko areken alavusnga o wathalal ine nepes a Sisar ile patorong. Ma o ri ve nepes relnga e ako i voth ma iion a Jisas.”

Jems 2:24

Maken aro lemir mire senu ako ve, God i apet toko ini toko vengvenga nge ile vothung sivenga omanga, na nge ile lemioong ako i voth polpol, kene avele.