Tayitùs 3:9 - Meta’

⁹ Tɨrə̀ berɨ e ənû ə mɔʼɔ nɨ ghɨ mbɨ ɨnû ɨneŋ mbe nɨ bə̂d ə taŋ ɨmbə̀ʼ mbɨwən: Mbɨ yɨ ɨnû nɨ ghàm ɨmbə̀ʼ tɨwaŋ bə̂d nɨ chəi ɨnwǐ, ɨnû nɨ ghabrɨ bə̂d mbɨ ɨnû nɨ taŋ ɨmbə̀ʼ ɨnû mbe nɨ tɨkə ə ghàə̀. Chəi njìm ənɨ ɨnû mbɔ̂. Chəi mbɨ bɨrɨ bɨ weerɨ wə̀d mɔʼɔ.

Ikan feg

⁹ Imbə̀ʼ àghò bere awe anug mɔ̀ʼɔ ni ghì tì inug anen mbe ne bəd mbe tàŋà, anug ni ghàm imbə̀ʼ tiwaŋ bəd ne chəyi ìnwḭ tì anug ni ya chɔ̀bɔ bə̀ zɔ̀ŋɔ̀ imbə̀ʼ mə̀nɔ̀ʼɔ̀ Muse. Chəyi chùd mɔ̀ʼɔ ane inug mbo̰. Chəyi inug mbo̰ mbe bə̀ wètè wə̀d mɔ̀ʼɔ.

Tayitùs 3:9 Referans Kwoze

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

2 Timotì 2:23

Tɨrə̀ berɨ e ənû ə mɔʼɔ nɨ ghɨ mbɨ ɨnû əneŋ mbe nɨ bə̂d ə tàŋ ɨmbə̀ʼ mbɨwən, nɨ chəi ɨwe ɨŋga. À fə bè kyerɨ e ni taŋ te tɨə yeʼe mbɨ əchɔb.

1 Timotì 4:7

Ton tɨpoʼ əko mɔʼɔ te nɨ chəi tɨə ghɨ̀ ni bə̂d kyerɨ ə Ŋwiə̀. Dandɨ e ɨnyod nɨ ghɨ ɨnû mbe nɨ chwi ni à wɨə wumnɨ ə Ŋwiə̀.

2 Timotì 2:16

Ton mɨŋgam mɔʼɔ mbe nɨ chəi mbɨə ghɨ̀ ni bə̂d kyerɨ ə Ŋwiə̀, ɨmbə̀ʼ ɨghəm nɨ ənɨ mbɨə ghàmə̀, mbɨ bɨrɨ gha ɨnû nɔnɔʼ nɨ chwiə ni chəi mbɨə wumnɨ ə Ŋwiə̀.

Tayitùs 1:14

Əne chəi mbɨ bɨrɨ wɨrɨ zwetɨ rɨpoʼ əko mɔʼɔ te nɨ mɨ̀Jû nyaʼa tekɨ, kɨ̀ bè zwetɨ ɨnû mbe nɨ bə̂d mbe nɨ ton rəsìʼ ə ghàə̀.

1 Kɔrèn 8:1

Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

Jems 4:1

Ənû nɨ zɔ̀ŋ mbɨ ənû nɨ chɔb kɨ rɨ ə yi əkaʼ nən ə? Kaʼ à wa kɨ̀ i rɨ ənɨ ɨghɨ mbe nɨ tə fîŋ ə feenɨə, nɨ yeʼ mbe nɨə kɨə zɔ̀ŋ ɨŋga nən ə?