Tayitùs 3:4 - Meta’

⁴ Àyɨə ənɨ Ŋwìə̀ we nɨə chɨ̀ əwa rəŋgəʼ nyaʼa chwi ɨ̀chɔ̀m məd ɨ na bə̀ chwi ɨchî nɨ wɨ̀ ghaʼ əwa,

Ikan feg

⁴ Si ya gha, Ŋwiye we ne ya pumni awa ya ghì ìchɔ̀mì ina bə̀ chwi icheg ne wì kɔ̀ŋi awa,

Tayitùs 3:4 Referans Kwoze

1 Timotì 4:10

Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

Tayitùs 1:3

Ənɨ nyùmə̀ nyaʼa kuʼu, Ŋwìə̀ nɨ chɨ̀ əwa rəŋgəʼ nyaʼa ghɨ̀ ni bə̂d kyerɨ rəsìʼ we ɨchî nɨ wɨ̀ nyaʼa zɨ ɨkə̂n we ɨŋga tum rɨkyerɨ-ɨbɔ.

2 Timotì 1:10

Àyɨə rɨ̀nîn, ɨnû mbɔ̂ jìm fə jwɨ̀ zeŋ ɨ na ənjìm ɨchî nɨ Kristo Yeso we nɨə chɨ̀ əwa rəŋgəʼ nyaʼa yeʼe. Wɨ̀ fə nimnɨ ɨka we nɨ ɨvɨ berɨ ɨgwɨ na, əne chè ənjìm ɨkə̂n chɔ̀m chwi ɨchî nɨ bə̂d bɨrɨ chub ɨkǎ bə̀ chwi ɨchî nɨ chəi bə̂d bɨrɨ nɔ kwɨ.

1 Timotì 2:3

Ənû nɨ kɔŋgɨ ə Ŋwiə̀ ɨgwɨ ətu ə bə̂d mɨjìm ə kàŋ bɔ̀ŋ. Ŋwiə̀ ziə nɨə chɨ̀ əwa rəŋgəʼ ə ben ni zɨə bɔ̀ŋ.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

Lk 1:47

mɨ fîŋ zɨə ghaʼə ɨmbə̀ʼ ɨchî nɨ Ŋwìə̀ chɨ əmɨ rəŋgəʼ,

1 Pità 2:3

Mbə fə zweʼrɨ zə ni Ə̀nùŋɨ̀sɨg ə bɔŋ.