Tayitùs 3:10 - Meta’

¹⁰ Ənɨ à fə patɨ wə̀d mɔʼɔ we nɨə saanɨə bə̂d ɨghəm mɔʼ kɨ ɨghəm be, tɨrə̀ wɨrɨ berɨ e ənû ə mɔʼɔ nɨ ghɨ̀ mbɨ məd.

Ikan feg

¹⁰ Àghò pati wə̀d ne zìyè àghàpì inga bəd ighə̀m imɔʼ kə̀ aghəm abe. Wì mə chè imbìghè ni zì àghàpì, imbə̀ʼ àghò ywirì bere awe anug mɔ̀ʼɔ ni ghì tì məd.

Tayitùs 3:10 Referans Kwoze

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

2 Jɔn 1:10

Wə̀d mɔʼɔ mɨ yeʼe əsɨ nən nɨ chəi wɨə chwi ɨkə wɔ̂, tɨ mbə̀ nɨŋ ə məd əkwɨ nən kɨ̀ bè chàʼrɨ̀ əməd.

2 Timotì 3:5

Mbɨ bɨrɨ sɨə ghɨ̀ ɨghabɨ ə bə̂d nɨ kyerɨ ə Ŋwiə̀, àyɨə mbɨ bɨrɨ ton ɨka Ŋwiə̀ we nɨ tɨ̀ wɨ ghɨ ni mbɨ yeʼ bə̂d Ŋwiə̀ rəsìʼ. Tɨrə̀ berɨ e ənû ə mɔʼɔ nɨ ghɨ̀ mbɨ tɨkwɨrɨ bə̂d tɔ̂.

2 Tès 3:14

Wə̀d mɔʼɔ mɨ ton i nɨ zuunɨ ɨnû mbe nɨ tɨ̀ ŋwaʼnɨ ɨŋga ə̀ŋwàʼnɨ̀ zɔ̂, mbə̀ nweenɨ əməd. Tɨ mbə̀ berɨ ə ənû ə mɔʼɔ nɨ ghɨ mbɨ məd, ɨmbə̀ʼ ətu ə nid ɨ bɔ.

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

Gàlesìyà 5:12

À yeʼ ɨmbə̀ʼ bə̂d mbe nɨə tɔb əwən, mə kə̀b ni mbɨ wo ɨmbì zaʼ ə ɨnyod mbənə mbənə!

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

2 Kɔrèn 13:2

Mə nyaʼa fə patɨ bə̂d mbe nɨ nyaʼa ghɨ ɨnû rɨbɔ̀ŋ bə̀ patɨ bə̂d cherə ənɨ mə nyaʼa yeʼe ənɨ ɨghəm nɨ pe be. Mə yɨ əni wɨrɨə patɨ mɨ̀mə̌d tɨ̀nîn nɨ chəi əmɨ mbɨ nən, ni ənɨ mə wɨrɨ yeʼe, chəi mə bɨrɨ diirɨ mɨ̀mə̌d.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.