Tayitùs 2:5 - Meta’

⁵ ni mbɨ yimbɨ ə ɨnyod chub àmei mbɨ mbə mɨnom, ni mbɨ kyerɨ ɨchî nɨ nuŋ tə nəb, ni mbɨ ghɨ ɨ̀chɔ̀m, ni mbɨ zuunɨ mbə mɨnom. Mbɨ mɨ ghɨ̀ əne, chəi bə̂d bɨrɨ gha ɨnû rɨbɔ̀ŋ ɨmbə̀ʼ ɨŋgam Ŋwiə̀.

Ikan feg

⁵ Mbe ya bə̀ nyìmbe ìwɔb nyɔd bə̀ ya ghìyə̀ inug ìzḛzḛ, bə̀ chùghi icheg mə̀yi chɔm inga ìtɔb nəb, bə̀ ghùmni ìmbɔb mənɔm. Mbə̀ ya ghìyə̀ ane ni ghì gha imbə̀ʼ wə̀d mɔ̀ʼɔ chàpà yi Ìngam Ŋwiye ka.

Tayitùs 2:5 Referans Kwoze

Kòlosè 3:18

Məyi, mbə zuunɨ mbə mɨnom. Əzɔ̂ yɨ ənû nɨ kuʼ əmbɨ Ə̀nùŋɨ̀sɨg.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Efesùs 5:33

Əne mbaŋə̀ mɔʼ mɔʼ rəbɔʼ nən ghaʼ i ɨwi ɨchî nɨ wɨ̀ ghaʼ i ɨnyod. Əyi berɨ bɨ wumnɨ i nom.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

1 Timotì 6:1

Bə̂d Kristo mɨ̀jìm mbe nɨ yeʼ ɨ̀bòʼò berɨ naʼ ɨwumnɨ əmbɨ mbə mɨ̀mbǎʼ ə̀fàʼì ənɨ rɨkwɨ ɨnə̂njɨ̀ jìm, ɨmbə̀ʼ tɨ bə̂d mbe nɨ chəi mbɨ ben ə Kristo gha ə ɨnû rɨbɔ̀ŋ mɔʼɔ ɨmbə̀ʼ ə Ŋwiə̀ fɔrɨ ɨmbə̀ʼ ɨkə̂n chɔ̀m we nɨ tɨə ghàə̀.

1 Kɔrèn 14:34

məyi kəm rəziə ɨŋga rɨfetɨ. Chəi mbɨ ben ni mbɨ ghamə, àyɨə mbɨ berɨ zuunɨ mbə mɨnom ɨchî nɨ zɨə yeʼ ɨŋga tɨkə rɨ Mose.

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

Rm 2:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨ mbə̀n ə ghɨ̀ ni bə̂d mbe nɨ kaʼi mɨ̀Jû zɔ̀m ə Ŋwiə̀.”

Ɨ̀fàʼì 9:39

Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ.

Rm 14:16

Tɨrə̀ ben e ni əghɨ ze nɨə bɔŋ ɨ ne ə yeʼ əghɨ nɨ bə̂d ə ghà ni zɨ̀ rɨka bɔŋ i.

Tayitùs 2:4

ɨmbə̀ʼ dandɨ məyi bɔd ni mbɨ ghaʼ mbə mɨnom bə̀ ghaʼ mbə bɔn,