Tayitùs 2:2 - Meta’

² Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

Ikan feg

² Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Tayitùs 2:2 Referans Kwoze

Gàlesìyà 5:23

ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

1 Timotì 3:11

Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

Tayitùs 1:13

Ənû zɔ̂ nɨ wə̀d-ɨwe we nyaʼa ghǎ yɨ ənû rəsìʼ. Əne à berɨ gham əbɔʼ tɨkwɨrɨ bə̂d tɔ̂ kwàʼ rɨ̀kǎ, ɨmbə̀ʼ ɨbenɨ mɨ̀mə̌d wɨrɨ kàànɨ̀.

1 Timotì 3:2

Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

1 Tèsàlonikà 5:8

Àyɨə ɨchî nɨ tɨə ghɨ̀ ɨnû nɨ kuʼnɨ, tɨ̀ yimbɨ a ɨnyod, zɨ̀ fîŋ ɨgun ə Kristo bə̀ ghaʼ mbə bɔŋgɔb àmei ɨghabɨ ɨchî nɨ sɔgyɨ̀ zɨ ə parɨwa ətənɨ nɨ kən ɨgɔ̂. Mbə̀ nùŋ ɨkɔndɨ wòm ɨchî nɨ Ə̀nùŋɨ̀sɨg bɨrɨ chɨ əwa rəŋgəʼ àmei ɨghabɨ ɨchî nɨ sɔgyɨ̀ zɨ ɨdəm ətənɨ nɨ kən ətu.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

1 Kɔrèn 15:34

Mbə̀ wɨrɨ kɔndɨ mbə ɨtu kwàʼ ɨchî chɔ̀m. Tɨ mbə̀ wɨrɨ ghɨ ə ɨnû rɨbɔ̀ŋ. Chəi bə̂d mɔʼɔ rəbɔʼ nən kyerɨ ə Ŋwiə̀. Mə wɨə ghà ənû zɔ̂ ɨmbə̀ʼ naʼ tɨ̀nìd ɨtu ɨ nən.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Tayitùs 1:8

Wɨ̀ berɨ yeʼ wə̀d nɨə nɨŋə bə̂d əkwɨ ni. Wɨ̀ berɨ yeʼ wə̀d nɨə ghaʼə nɨ ghɨ̀ ɨ̀chɔ̀m. Wɨ̀ berɨ yeʼ wə̀d nɨə ghɨ̀ ɨnû mbɨ ɨwe. Wɨ̀ berɨ yeʼ wə̀d nɨ təm kùʼnɨ̀ ɨfě Ŋwiə̀. Wɨ̀ berɨ yeʼ wə̀d nɨ chub ɨzeŋɨ zeŋɨ bə̀ yeʼ wə̀d nɨə yimbɨ ɨnyod.

1 Timotì 3:4

Wɨ̀ berɨ kyerɨ ɨchî nɨ yim bə̂d mɨ̀jìm mbe nɨə chub ɨŋga nəb məd. Wɨ̀ berɨ ghɨ̀ ni bɔn məd zuunɨ əməd bə naʼ ɨwumnɨ ɨ bɔ ənɨ mɨnə̂njɨ̀ jìm.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Tèsàlonikà 5:6

Əne tɨ rɨ̀ gwenɨ a ɨchî nɨ bə̂d cherə ə gwenə nɨ chəi mbɨ kyerɨ ɨnû nɨə chèə̀, àyɨə tɨ chub ɨkyèʼe kyerɨ ɨnû nɨə cheə bə̀ yimbɨ a ɨnyod.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

2 Kɔrèn 5:13

Tɨ̀ mɨ yeʼə beə, njɨ tɨ̀ wɨə be ɨmbə̀ʼ ə Ŋwiə̀. Mba ɨtu mɨ kùʼnɨ̀, njɨ mbɨ kùʼnɨ̀ ɨmbə̀ʼ əwən.

1 Kɔrèn 9:25

Bə̂d mɨ̀jìm mbe nɨə ferɨə mbɨə yimbɨ ɨnyod ɨchî chɔ̀m ənɨ ɨnû jìm. Ɨ mbɨə ghɨ̀ əne ɨmbə̀ʼ nɨŋ ɨchwɨ nɨ yeʼ tɨ̀kwě te nɨə bə̀ə. Àyɨə tɨ̀ wɨə ghɨ̀ əne ɨmbə̀ʼ nɨŋ te nɨ chəi tɨə bə̀ə.

Ɨ̀fàʼì 24:25

Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Lk 8:35

Bə̂d nyaʼa jwɨ̀ ɨ wo zə ənû ze nɨ nyaʼa ghɨ̌. Ənɨ mbɨ nyaʼa wò pè əsɨ Yeso, mbɨ nyaʼa zə mbaŋə̀ ze nɨ ɨzwî rɨbɔ̀ŋ mbe nyaʼa jwɨ rɨŋga məd. Wɨ̀ nyaʼa chub ɨban ɨwu Yeso mbɨ ə ngywɨ̌ bòm. Ətu əməd ə nyaʼa fə zeŋ i. Əne mɨ̀mə̌d mɨjìm nyaʼa bɔ.

Mk 5:15

Mbɨ nyaʼa wò əsɨ Yeso pè zə mbaŋə̀ ze nɨ ɨ̀nyɔrɨ̀ ɨzwî rɨbɔ̀ŋ mbe nyaʼa ɨŋga məd. Mbaŋə̀ ze nyaʼa chub i əŋgu mbɨ ə ngywɨ ɨbom. Ətu əməd ə nyaʼa fə zeŋ i. Mbɨ nyaʼa zə əne bɔ.

1 Timotì 3:8

Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

1 Timotì 1:10

ɨmbə̀ʼ mbe nɨə ghɨ̀ ɨfabrɨ-ɨnû, ɨmbə̀ʼ mbaŋə̀ te nɨə niə mbaŋə̀ rɨ cherə, ɨmbə̀ʼ mbe nɨə gywɨ̀ə̀ bə̂d wo fèndɨ̀ə̀, ɨmbə̀ʼ mbe nɨə ghà mɨghab, ɨmbə̀ʼ mbe nɨə nɔ gû àyɨə ɨ mbɨə kɨrɨ ghà mɨghab. Wɨ̀ nyaʼa bə̀ nàʼ ɨmbə̀ʼ mbe nɨə ghɨ̀ ɨnû cherə mbe nɨ chəi mbɨ kuʼnɨ mbɨ mbe nɨ bə̂d Ŋwiə̀ ə chwiə.

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

1 Timotì 5:1

Tɨrə̀ gham e əbɔʼ mbaŋə̀ te nɨ fə nunɨ chè əwe, àyɨə kəərɨ mɨ̀mə̌d ɨghabɨ ni mbɨ yɨ mbe mɨ̀mbǎʼ. Ghɨ mbɨ ə bɔn ɨjɔŋ ɨghabɨ ni mbɨ yɨ mbe bɔŋgɔb.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,